POV kertastjakarnir frá Menu eru fallega hannaðir og hægt er að nota þá staka eða marga saman í hóp. Hægt er að leika sér með uppröðun þeirra og er POV flottur einn og sér en myndar svo skemmtilegt grafískt mynstur þegar mörgum er raðað saman.
POV sem stendur fyrir “Point of view” hefur verið vinsæll í gjöf, og er tilvalinn í pakkann fyrir væntanleg brjúðhjón.
Tékkneska húsgagnafyrirtækið TON á rætur sínar að rekja allt aftur til ársins 1861. TON var stofnað af húsgagnasmiðnum Michael Thonet en nafnið vísar þó ekki aðeins í nafn stofnanda þess heldur í tékknesku orðin Továrna Ohýbaného Nábytku sem stendur fyrir formbeygð-húsgagna-framleiðsla.
TON er elsta húsgagnaframleiðslufyrirtæki í heiminum sem formbeygir við og er það í dag stærsti framleiðandi í Evrópu sem sérhæfir sig í formbeygðum viðarhúsgögnum.
TON framleiðir m.a. stól nr.14 eða öðru nafni Vínarstólinn sem er hinn eini sanni kaffihúsastóll. Stóllinn er framleiddur úr formbeygðum við með sérstakri tækni sem fundin var upp fyrir miðja 19.öld. Stólinn má finna á listasöfnum og kaffihúsum um heim allan svo miklar eru vinsældir hans. Sagt er að á hverjum degi sé a.m.k. eitt almenningsrými fyllt með húsgögnum frá T0N, allt frá litlum kaffihúsum til stærðarinnar hótela.
Alla tíð vann Thonet að þeirri hugsjón sinni að búa til falleg húsgögn sem allir gætu eignast, og sú hugsjón hans hefur svo sannarlega ræst.
Í dag bíður TON upp á mjög gott úrval af stólum, borðum og öðrum húsgögnum á góðu verði. Húsgögnin eru tímalaus og gerð úr miklum gæðum. Vörurnar eru allar látnar fara í gegnum strangt gæðapróf til að geta staðist sem best tímans tönn og mikla notkun. Einnig eru allar TON vörur með 5 ára ábyrgð.
TON stendur fyrir gæði og klassík, kynntu þér úrvalið!
Frekari upplýsingar er að finna á heimasíðunni www.ton.eu
Triton er fallegt hangandi ljós eftir íslenska hönnuðinn Söndru Kristínu Jóhannesdóttur. Sandra Kristín er uppalin á Akureyri og útskrifaðist sem grafískur hönnuður frá Myndlistaskólanum á Akureyri árið 2013.
Ljósið Triton er auðvelt í samsetningu og kemur það flatpakkað. Ljósið samanstendur af 16 stykkjum af 3mm þykkum örmum úr áli sem mynda hring þegar sett er saman. Triton kemur í tveimur stærðum og tveimur litum, svörtum og hvítum.
Triton fæst í Epal.
Grasvasarnir frá Normann Copenhagen eru bráðsniðug hönnun með smá húmor. Vasarnir sem koma í þremur stærðum eru hugsaðir undir litlu smáblómin sem við oftast horfum fram hjá í daglegu lífi, þessi sem vaxa meðfram húsveggnum eða á túninu. Grasvasarnir eru fullkomnir undir þessi litlu blóm og færa náttúruna svo sannarlega inn á heimilið.
Vasarnir eru fallegir stakir eða nokkrir saman í hóp.
Hönnunartvíeykið Claydies hannaði vasana árið 2008 og hafa þær hlotið verðlaun fyrir þá.
Grasvasarnir fást í Epal.
Við vorum að fá þennan einstaka sófa til sölu í Notað verður Nýtt aftur.
Einstakur sófi sem kominn er í sölu aftur í Epal.
Saga þýska hönnunarfyrirtækisins HEWI nær allt aftur til ársins 1929 þegar fyrirtækið var stofnað af Heinrich Wilke. Í dag er fyrirtækið margverðlaunað og leiðandi á sviði aðgengishönnunar, en það hannar og framleiðir m.a. ýmis stuðningshandföng, baðbekki, handlaugar, salernisstoðir og aðra hönnun fyrir baðherbergi með notagildi og fullkomið aðgengi í huga. HEWI hefur margoft unnið alþjóðlegu Red Dot verðlaunin fyrir bestu hönnunina, og árið 2011 unnu þeir verðlaunin “Architects Favourite” í flokki Aðgengishönnunar, en baðherbergislína HEWI nýtur mikilla vinsælda meðal arkitekta og innanhússhönnuða um heim allann.
Það var árið 1979 sem HEWI hannaði fyrstu vörulínu sína sem var sérhönnuð fyrir aldraða og hreyfihamlaða til að auðvelda þeim allt aðgengi. Línan var unnin í samstarfi við arkitekta og notendur og hefur HEWI síðan þá verið leiðandi framleiðandi í aðgengishönnun í heiminum.
Vörurnar frá HEWI auðvelda skipulagningu og hönnun, eins býður fyrirtækið upp á samhæfðar tæknilegar undirstöður fyrir sérsniðnar lausnir í formi efnis og lita. Hvert verkefni er einstakt og við skipulagningu þess er leitað að lausnum sem sameina á sem bestan hátt kröfur um hönnun og gæði.
Sem dæmi um sérsniðnar lausnir frá HEWI eru:
-Skilti/vegvísar sem vísa fólki veginn innanhúss.
-Samræmd hönnun hurðahúna, lama o.fl.
-Handrið og veggvarnir úr viði, málmi og plasti.
-Þægilegar, einfaldar lausnir sem auðvelda hindrunarlaust aðgengi í baðherbergjum sem og fjölbreytilegt úrval fylgihluta fyrir baðherbergi.
Nýttu þér þekkta kosti HEWI varanna sem eru:
-Tæknileg fullkomnun
-Tímalaus hönnun
-Gæði og góð ending
-Gott samspil verðs og gæða
-Lítill viðhaldskostnaður
Frekari upplýsingar er að finna á heimasíðunni www.hewi.de
Dot púðarnir frá HAY eru skemmtilegir púðar með mikinn karakter. Púðarnir eru úr hágæðaefni frá Kvadrat og eru því mjög endingargóðir. Það sem einkennir púðana eru hnappar sem finna má á báðum hliðum púðans en þó í ólíkum lit svo hægt er að snúa púðanum við og fá nýtt útlit.
![IMG_9285_thumb[3]](http://www.epal.is/wp-content/uploads/2014/05/IMG_9285_thumb3.jpg)
DOT púðanir koma í tveimur stærðum og mörgum litaútgáfum.
Kíktu við og skoðaðu úrvalið!
Stacked shelf frá skandinavíska hönnunarfyrirtækinu Muuto er skemmtileg hillulausn hönnuð af Julien de Smedt. Hillunum er hægt að raða saman að vild svo hver fái það geymslupláss sem hentar best. Hillurnar koma í nokkrum stærðum ásamt því að til er mini-Stacked shelf sem henta vel sem vegghillur undir smáhluti.
Nýlega birtist þetta fallega innlit í danska tímaritinu Bolig Magasinet, en hér búa þau Katrín Björk og Jens Søgaards. Katrín Björk er sjálfstætt starfandi ljósmyndari búsett í Kaupmannahöfn og heldur hún einnig úti fallegri bloggsíðu sem ber heitið Modern Wifestyle. Hún segist hafa mikinn áhuga á hönnun, list, ferðalögum og heilbrigðum lífstíl og má sjá sérstaklega fallegar matarmyndir ásamt girnilegum uppskriftum á Modern Wifestyle. Við hvetjum ykkur til að fylgjast með henni -hér.
Heimilið Katrínar og Jens er einstaklega fallegt og þau eiga gott safn af fallegri hönnun. Viðtalið sjálft er hægt að lesa á heimasíðu Bolig Magasinet, hér.
Sjöurnar eftir Arne Jacobsen njóta sín vel á þessu heimili.
Acapulco stóll í svörtu og vírakarfa frá Ferm Living.
Viðarhankar frá Muuto.
Þessi litríka og flotta skipulagsmappa er frá HAY, ásamt Kaleido bakkanum sem er á borðinu.
Rúmteppið Dots er frá HAY.
Kaleido bakkana frá HAY er hægt að nota á ýmsa vegu.
Fallegt og litríkt heimili:)
Myndirnar tók Tia Borgsmidt.
