júlí 2015

Anne Black er danskur keramíkhönnuður sem hannar fallegar vörur fyrir heimilið úr postulíni. Hönnun Anne Black er afar eftirsótt í Danmörku og er hver hlutur 100% handgerður úr gæða postulíni. Anne Black er nýtt merki hjá okkur í Epal og inniheldur vörulínan hennar meðal annars hangandi blómapotta, blómavasa, krukkur, bolla og litríka snaga úr postulíni.

Anne Black er elegant og tímalaus hönnun fyrir heimilið, komdu við í Epal og sjáðu úrvalið.

Blogg

VILTU VINNA STACKED HILLU FRÁ MUUTO?

Posted on 24/07/2015 by blogg

Stacked hillurnar frá Muuto eru ein þekktasta hönnunin þeirra en Muuto er ungt hönnunarfyrirtæki sem er þó orðið þekkt á alþjóðlegum vettvangi sem leiðandi fyrir Skandinavíska hönnun.

Stacked eru hannaðar af Julien De Smedt sem er heimsþekktur arkitekt sem hlotið hefur meðal annars hin eftirsóttu verðlaun Golden Lion þá aðeins 29 ára gamall en verðlaunin hlaut hann fyrir heimsins bestu tónleikahöll, fleiri verk eftir Julien má sjá hér.

Stacked eru bráðsniðugar hillur sem hægt er að raða saman á óteljandi vegu, hillurnar eru klemmdar saman svo auðvelt er að breyta uppröðuninni en hægt er að nota Stacked sem hefðbunda bókahillu, hliðarborð, jafnvel sem millivegg eða annað sem þér dettur í hug! Í tilefni 40 ára afmælis Epal verður 20% afsláttur af öllum pöntunum af Stacked hillunum í júní og júlí. Einnig verður skemmtileg samkeppni í tilefni afmælisins. Raðaðu saman Stacked hillunum eftir þinni hugmynd og Epal gefur einum aðila þá uppstillingu í gjöf *. Hægt er að útfæra þína hugmynd www.epal.is/samkeppni.

Sendu svo þína hugmynd á sverrir@epal.is *ekki þarf að ganga frá pöntun til að taka þátt í samkeppninni.

Hér að neðan má sjá hugmyndir af flottum uppstillingum af Stacked hillunum.

Blogg

EPAL Í FRAMTÍÐINNI

Posted on 22/07/201523/07/2015 by blogg

Epal í framtíðinni séð með augum 12 hönnuða og listamanna.

Ég féll strax fyrir þeirri hugmynd að fagna afmælisári Epal með skemmtilegum plakötum. Þar sem við ætlum að halda upp á afmælið í heilt ár varð það úr að við fengum 12 hönnuði og listamenn til liðs við okkur. Hópurinn fékk strax viðurnefnið Postularnir 12, enda samþykktu þau öll að breiða fagnaðarerindið út með okkur. Afraksturinn er 12 skemmtileg veggspjöld sem sýna hvert Epal gæti stefnt í framtíðinni. Hvernig lítur tímalaus hönnun út með tímanum? Nú er niðurstaðan fundin! Um leið og ég þakka Postulunum kærlega fyrir að bregða á leik með okkur  býð ég ykkur hinum að njóta vel.

Með 40 ára afmæliskveðju,

Eyjólfur Pálsson, stofnandi Epal.

ÁMUNDI SIGURÐSSON

Þann sextánda júlí 2055, á 80 ára afmælinu, opnar Epal sitt fyrsta útibú í Hong Kong.

BJÖRN VALDIMARSSON

Hugmyndin er að í framtíðinni verði hægt að nota snjallsíma til að varpa þrívíðri mynd (hologram) af Epalvörum til að skoða þær í réttu umhverfi. Þannig verður hægt að sjá hluti, húsgögn
og aðrar vörur þar sem þeim er ætlað að vera og prófa liti og útfærslur áður en keypt er.

GODDUR

Hugsunin er að veggspjaldið fari á einhvern hátt fjörtíu ár aftur í tímann – sé í nútímanum og sjónaukanum sé beint að blokkaríbúðunum sem leynast í bakgrunni veggspjaldsins og hýsa það sem EPAL stendur fyrir. Nú þarf að að nota ímyndunaraflið, aðaltæki mannsins við að sjá það óorðna, mögulegan raunveruleika
í framtíðinni. Það er bara hægt einn dag í einu og gerist af sjálfu sér.
Framtíðarsýnir í áratugum hafa aldrei reynst nákvæmar – það er enginn einn sem ræður því.

HALLDÓR BALDURSSON

Framtíðartryllirinn Epal

HJALTI KARLSSON

INGIBJÖRG HANNA

Eftir að hafa velt fyrir mér hvað framtíðin ber í skauti sér fyrir Epal ákvað ég að líta á stjörnukortið / stjörnuspána og þetta var það sem ég sá.

ÍSAK WINTHER

AFTUR TIL FRAMTÍÐAR
Epal hefur staðið fyrir framúrskarandi hönnun og gæði í 40 ár, eða um 14.600 daga. Grunnur sem mun endurspeglast í framtíðinni.

JÓN ARI HELGASON

Það er eitt sem við vitum nokkurn veginn með vissu um fjölskyldufyrirtæki eins og Epal – Einhvern tímann í náinni framtíð tekur næsta kynslóð við. Það lá því beinast við að fá fulltrúa af yngstu kynslóðinni til liðs við mig og splæsa í það sem gæti verið dýrasta portrait allra tíma.

Úr Montana hillum.

SIGRÚN SIGVALDARDÓTTIR

Hugmyndin vísar í að jákvæð og skapandi verk unnin í dag eru hugsuð til framtíðar.

SNÆFRÍÐUR OG HILDIGUNNUR

This way up. That way down. It is all in the mind. Vegferðin á sér einkum stað í huganum

HALLGRÍMUR HELGASON

Mynd tekin á Samsung-síma í Skeifunni 6 og bláum himni fleytt inn á húsvegginn með s-pennanum. Þannig verður Epal rauð sól á himninum yfir Everest. “Epal for Ever-est”

Screen Shot 2015-07-22 at 23.26.29

STEFÁN EINARSSON

Góð hönnun heldur gildi sínu þó tímarnir breytist og mennirnir með.

Verið velkomin á sýninguna í verslun okkar í Epal Skeifunni.

Blogg

NÝTT FRÁ TULIPOP: SKÓLAVÖRUR

Posted on 21/07/201521/07/2015 by blogg

Við vorum að fá glænýjar og frábærar vörur fyrir skólann sem bætast við sístækkandi ævintýraheim Tulipop. Vörurnar sem um ræðir eru fallegar og litríkar skólatöskur, sundpokar og pennaveski.

Tulipop skólatöskur

Vandaðar skólatöskur sem henta yngri skólakrökkunum, upp í 12 ára aldur.
Úr efni sem hrindir frá sér vatni.
Með endurskini á hliðum og á axlarólum. .
Með bólstruðu baki, stillanlegum axlarólum og ól yfir bringu.
Hafa fengið vottun iðjuþjálfa.
Með fjölmörgum innri vösum, hólfi fyrir möppu, klemmu fyrir lykla og sérstöku plasthólfi fyrir nesti.
Hægt að festa sundpoka framan á töskuna.

Tulipop sundpokar

Vandaðir sundpokar úr efni sem hrindir frá sér vatni.
Með renndum innri vasa.
Hægt að festa framaná Tulipop skólatöskurnar.

Tulipop pennaveski

Vandað pennaveski sem er í stíl við Tulipop skólatöskurnar og sundpokana.

Falleg íslensk hönnun fyrir káta skólakrakka.

Komdu við og sjáðu úrvalið frá Tulipop!

Blogg

NÝTT FRÁ STELTON: STOCKHOLM LÍNAN

Posted on 15/07/201515/07/2015 by blogg

Stockholm er fyrsta línan frá Stelton sem er hluti af nýrri og stærri vörulínu frá þeim sem ber heitið Nordic sem er innblásin af norrænni náttúru og hönnunarhefðum. Stockholm línan er hönnuð af sænska hönnunartvíeykinu Bernadotte & Kylberg og inniheldur hún fallega vasa og skálar. Línan er innblásin af Eystrasaltinu og síbreytilegri ásjón hafsins sem var mikil uppspretta innblásturs í hönnunarferlinu.

Línan er framleidd með nýstárlegri framleiðslutækni þar sem hlutirnir eru í grunninn úr áli en með glerungi að utan sem er að lokum handskreyttur með grafík.

Línan er afar elegant og vilja sumir segja að hún hafi konunglegt yfirbragð sem vissulega má tengja við bláa litinn en Carl Philip Bernadotte grafískur hönnuður og annar hönnuður Stockholm línunnar er sænskur prins en hann er yngri bróðir Viktoríu krónprinsessu Svíþjóðar.

Stockholm línunni hefur verið afar vel tekið og vann hún nýlega hin virtu Red Dot verðlaun í flokki “high quality design”.

Stockholm línan inniheldur 4 skálar og 3 vasa í ólíkum stærðum. Komdu við í Epal og heillastu af þessari fallegu og tímalausu hönnun.

Blogg

AFMÆLI Í EPAL

Posted on 14/07/2015 by blogg

Blogg

KLASSÍSK HÖNNUN: TON

Posted on 08/07/2015 by blogg

Tékkneska húsgagnafyrirtækið TON á rætur sínar að rekja allt aftur til ársins 1861. TON var stofnað af húsgagnasmiðnum Michael Thonet en nafnið vísar þó ekki aðeins í nafn stofnanda þess heldur í tékknesku orðin Továrna Ohýbaného Nábytku sem stendur fyrir formbeygð-húsgagna-framleiðsla.

TON er elsta húsgagnaframleiðslufyrirtæki í heiminum sem formbeygir við og er það í dag stærsti framleiðandi í Evrópu sem sérhæfir sig í formbeygðum viðarhúsgögnum.

TON framleiðir m.a. stól nr.14 eða öðru nafni Vínarstólinn sem er hinn eini sanni kaffihúsastóll. Stóllinn er framleiddur úr formbeygðum við með sérstakri tækni sem fundin var upp um miðja 19.öld. Stólinn má finna á listasöfnum og kaffihúsum um heim allan svo miklar eru vinsældir hans. Sagt er að á hverjum degi sé a.m.k. eitt almenningsrými fyllt með húsgögnum frá TON, allt frá litlum kaffihúsum til stærðarinnar hótela.

Alla tíð vann Thonet að þeirri hugsjón sinni að búa til falleg húsgögn sem allir gætu eignast, og sú hugsjón hans hefur svo sannarlega ræst.

Í dag bíður TON upp á mjög gott úrval af stólum, borðum og öðrum húsgögnum á góðu verði. Húsgögnin eru tímalaus og gerð úr miklum gæðum. Vörurnar eru allar látnar fara í gegnum strangt gæðapróf til að geta staðist sem best tímans tönn og mikla notkun. Einnig eru allar TON vörur með 5 ára ábyrgð.

TON stendur fyrir gæði og klassík, kynntu þér úrvalið! Frekari upplýsingar er að finna á heimasíðunni www.ton.eu

Blogg

STRING HILLUR

Posted on 07/07/201507/07/2015 by blogg

String hillukerfið nýtur alltaf jafn mikilla vinsælda en það var hannað árið 1949 af sænska arkitektnum Nils Strinning. Hillurnar hafa síðan þá orðið að nokkurskonar hönnunartákni en ástæðurnar fyrir því eru nokkrar, hillurnar þykja afar hentugar og auðvelt er að bæta við skápum og hillum að vild og sérsníða String hillurnar að þínum þörfum. Hillurnar koma í nokkrum útgáfum og er þekktasta útgáfan String með umgjörð úr málmi en einnig má fá þær með glærri plastumgjörð fyrir látlausara útlit.

Epal er söluaðili String á Íslandi.

Blogg

NÝTT: BORÐ Á TRIPP TRAPP STÓL

Posted on 02/07/201502/07/2015 by blogg

Tripp trapp stóllinn var hannaður árið 1972 af Peter Opsvik er einstakur fyrir þær sakir að hann er fyrsti stóllinn sem hannaður var með það í huga að geta vaxið með barninu. Þegar að Peter Opsvik hóf að hanna Tripp Trapp stólinn var það hans markmið að hanna stól sem börn á öllum aldri gætu setið á við matarborðið en með olnboga í borðhæð.

Tripp trapp stóllinn nýtur gífurlegra vinsælda og er til í mörgum litum en einnig er hægt er að kaupa ýmsa aukahluti á hann. Núna bætist við úrvalið borð sem fest er við stólinn sem getur komið sér vel í fjölmörgum aðstæðum. Borðið er sérstaklega sniðugt til að minnka matarsull sem lendir annars oft á gólfinu og hefur þessari viðbót nú þegar verið tekið afar vel af foreldrum.