„Hjalti Geir
Kristjánsson húsgagnaarkitekt (1926 – 2020) hannaði fyrir húsgagnafyrirtækið
Kristján Siggeirsson / Káess ásamt því að
reka félagið um árabil. Á þeim tíma hannaði
hann fjölmarga stóla sem eru vel þekktir. Þar má nefna fundarstóla fyrir
Vinnuveitendasamband Íslands (1953), háskólastólinn fyrir Háskóla Íslands
(1965), sem má finna í Stúdentakjallaranum, og fundarstóla fyrir Verslunarráð Íslands (1978). Hjalti Geir vann
ötullega fyrir því að stækka heim
húsgagnaarkitektúrs á Íslandi og var hann einn af stofnendum FHI – félags
húsgagna- og innanhússarkitekta árið 1955 ásamt því að vera formaður félagsins
í rúman áratug. Hjalti Geir var heiðursfélagi FHI. Þar opnaðist sameiginlegur vettvangur húsgagnaarkitekta
til að koma hönnun sinni og hugmyndum á framfæri. Hann sat í stjórn Félags
íslenskra iðnrekanda og var formaður Viðskiptaráðs 1978-1982.
Árið 2023 voru 60
ár síðan framleiðsla hófst á einni vinsælustu hönnun Hjalta Geirs sem er
borðstofustóll sem hefur verið framleiddur í fjölmörgum litum og áferðum.
Stólinn má finna á fjölmörgum heimilum og stofnunum og var hann einnig
framleiddur í 170 eintökum árið 2016 fyrir herbergin á Canopy Hotel Reykjavik. Og nú, rúmum 60 árum síðar er
stóllinn kominn í framleiðslu aftur undir heitinu Hjalti”
