Karfan er tóm
Krítartafla
Time Square er krítartafla, klukka og segultafla allt í einu. Þú ræður hvernig þú notar ..a sdfk as
Nú á fimmtudaginn munum við opna sýningu á verkum eftir Pétur B. Lúthersson, húsgagna- og innanhússhönnuð. Hér verða til sýnis fatahengi, stólar og skápar, all framleitt af Íslendingum.
Sýningin stendur í þrjár vikur. Endilega láttu sjá þig.
Jórunnarhjörtun eftir Andreu Róberts eru nýlega komin í sölu hjá okkur og kosta þau 3.500kr. stk. Þau eru gerð sem virðingarvottur við Jórunni Brynjólfsdóttur sem rak Jórunnarbúð á horfi Skólavörðustígs og Klapparstígs.
Virðingavottur við magnaða konu
Af elliheimilinu Grund brunaði Jórunn Ragnheiður Brynjólfsdóttir 98 ára kaupmaður í leigubíl í vinnuna. Þessi afkomandi Hákarla-Jörundar athafnamanns fæddist í Hrísey þann 20. júní 1910. Jórunn gekk með verslunarbakteríuna frá barnæsku en hóf þó ekki störf við verslun fyrr en hún hafði lokið uppeldi barna sinna og sinnti þá verslunarstörfum til 75 ára aldurs. Endurkoma hennar á vinnumarkaðinn var tekin með stæl þegar hún ákvað að opna verslun 82 ára gömul. Verslunin fékk nafnið Jórunnarbúð sem seldi sængurfatnað og borðdúka í kærleiksríku umhverfi á horni Skólavörðustígs og Klapparstígs. Þar fengu viðskiptavinir gjarnan kærleika í kaupbæti í formi lítils hjarta sem hún leysti viðskiptavini sína gjarnan út með. Hér er verið að taka hugmynd Jórunnar lengra og klappa henni aðeins. Jórunn í Jórunnarbúð lést á Grund 21. nóvember 2008. Hjörtunum hefur öllum verið gefið nafnið Jórunn. Þau eru virðingavottur, gerð í minningu um þessa hversdagshetju sem ekki má gleymast.
Hjartalaga trúnaðarvinur
Efnið sem notað er í hjörtun er gardínur, dúkar og sængurföt eða það sem fékkst í Jórunnarbúð. Hjörtun eru hugsuð sem falleg gjöf bæði í gleði og sorg, fyrir allan aldur og kynin öll. Ekkert hjarta er eins en keðja er á þeim til að hengja það til dæmis á vegg, á korktöfluna eða jólatréið. Hjörtunum er komið fyrir, í anda Jórunnar, á blúndubeði í öskjunni og í botninum er miði sem segir frá Jórunni hjarta – þessum hjartalaga trúnaðarvini.
Þau Katrín Ólína Pétursdóttir og Hallgrímur Helgason leggja Styrktarfélagi lamaðra og fatlaðra lið í ár við hönnun Jólaóróans – Grýlu. Katrín Ólína fæst við stálið en Hallgrímur við orðin. Grýla er ein þekktasta þjóðsagnapersóna okkar Íslendinga. Hún er móðir jólasveinanna og sinnir því vandasama hlutverki að ala þá ólátabelgina upp. Grýla á sinn stað í hugum okkar flestra, en gráglettnar frásagnirnar vekja gjarnan minningar úr barnæsku. Markmið með gerð og sölu Grýlu er að auðga líf fatlaðra barna og ungmenna. Allur ágóði rennur til Æfingastöðvar Styrktarfélags lamaðra og fatlaðra.
Hér er hún komin draumamottan undir jólatréð. Hún ber heitið Pinocchio og er frá danska framleiðandanum Hay, fáanleg í tveimur stærðum, 90 cm í þvermál (44.200 kr.) og 140 cm (114.400 kr.). Motta sem mun ganga í erfðir.
Spiladósir Margrétar Guðnadóttur fást nú hér hjá okkur í Skeifunni (en áður seldum við þær einungis í Leifsstöð). Þær kosta frá 6500 kr. og eru tilvaldar jólagjafir. Íslensk hönnun og íslensk framleiðsla!
FlowerWave-blómavasarnir eru nýir hér hjá okkur. Hönnuðurinn Knud Holscher hannaði þá fyrir danska fyrirtækið D-zn. Vasarnir eru fallegir einir sér en einnig má raða þeim saman á ýmsan máta. Frábær jólagjöf, þú gefur einn núna og annan um næstu jól …
Við höfum heyrt því fleygt að skortur verði á innfluttum jólatrjám þetta árið og þess vegna höfum við ákveðið að bjóða öll svört tré frá Swedese á 25% afslætti. Trén voru hönnuð af Katrínu Ólínu Pétursdóttur og Michael Young árið 2001 og eru fáanleg í tveimur stærðum, bæði frístandandi og á vegg.
Georg Jensen hefur framleitt jólaóróana sína frá árinu 1984. Nú er svo komið að hætt hefur verið framleiðslu á öllum eldri óróum þannig að ekki verður lengur hægt að panta inn eldri árganga. Við hér í Epal eigum ennþá eitthvað til og því um að gera að næla sér í þá sem vantar í safnið.
