Blogg

String hillurnar

Posted on by admin
Nils Strinning hannaði hillukerfið String árið 1949, hillurnar hafa orðið að nokkurskonar hönnunartákni síðan þá en ástæðurnar fyrir því eru nokkrar. Hillurnar þykja afar hentugar, hægt er að stækka við þær í allar áttir og bæta við, hillurnar koma í handhægum pakkningum og auðvelt er að setja þær saman. Einnig eru þær afar stöðugar og standast tímans tönn.
Hillurnar koma í nokkrum útgáfum, hægt er að fá String með umgjörð úr málmi, en einnig má fá þær með glærri plastumgjörð fyrir látlausara útlit.
Hægt er að bæta skápum og hillum við að vild og sérsníða String hillurnar að þínum þörfum.
Eins og sjá má er hægt að nýta String hillurnar á ýmsa vegu, sem vinnuaðstöðu, í eldhúsið, í svefnherbergið, í stofuna og einnig í barnaherbergið.
Blogg

Væntanlegt frá Normann Copenhagen

Posted on by admin
Beater er flottasti pískur sem að við höfum séð, hannaður af Ding 3000 fyrir Normann Copenhagen og er væntanlegur bráðlega í Epal.
Beater kemur í nokkrum fallegum litum og tekur mjög lítið skúffupláss, en hægt er að loka honum auðveldlega með því að færa litaða hringinn til.
Blogg

falleg íslensk hönnun

Posted on by admin
Hér getið þið séð brot af þeim vörum sem við seljum eftir íslenska hönnuði.
Klakinn er sílikonform sem býr til 4 klaka mótaða eins og Ísland, hannað af Óðni Bolla Björgvinssyni. Klakinn er til dæmis fullkomin gjöf fyrir erlenda vini.
Drottinn blessi heimilið er flottur límmiði eftir Ólöfu Jakobínu Ernudóttir.
Hinn sívinsæli Hrafn eftir Ingibjörgu Hönnu, sem fæst einnig sem herðatré.
Ekki Rúdolf er einnig hannaður af Ingibjörgu Hönnu.
Flott skartgripatré hannað af Hrafni Gunnarssyni.
Við seljum einnig falleg skartgripi frá Hring eftir hring sem hannað er af Steinunni Völu Sigfúsdóttir.
Blogg

Bindin fram í Febrúar

Posted on by admin
Hið bráðsniðuga landsátak ‘bindin fram í febrúar’ hófst fyrir nokkrum dögum síðan og eru landsmenn hvattir til að setja upp bindi nokkra daga í febrúar eða jafnvel alla dagana.
Hin bráðskemmtilegu Sauðabindi eru hönnuð af hjónunum Kristbjörgu Maríu Guðmundsdóttur og Birgi Hákoni Hafstein. Sauðabindið er prjónað úr ull af íslensku sauðkindinni og er afar þjóðlegt og er bæði til einlitt eða mynstruð.
Blogg

Falleg klassík

Posted on by admin
Hér má sjá fallegar nærmyndir af klassískri hönnun, sumar auðþekkjanlegar en aðrar ekki.
Alto vasinn hannaður af Alvar Aalto fyrir Iitalla og frumsýndur fyrst á heimsýningunni í París árið 1937 og hefur notið mikilla vinsælda síðan.
44 Stóllinn, sem síðar gekk undir nafninu The Bone chair var hannaður af Finn Juhl um 1940, en var þó aðeins gerður í 12 eintökum, stóllinn var í uppáhaldi hjá Finn Juhl, en var aldrei fjöldaframleiddur sökum þess hve erfitt þótti að smíða hann.
PH Artichoke lampinn hannaður af Poul Henningsen árið 1958.
Y-stóllinn eftir Hans J.Wegner sem að hann hannaði árið 1950, nýlega hófst framleiðsla á Y-stólnum í nýjum og ferskum litum.
Blogg

Rainbow Trivet

Posted on by admin
Rainbow Trivet pottastandurinn frá Normann Copenhagen hlaut á dögunum hin eftirsóttu verðlaun 2011 GOOD DESIGN Award.
Rainbow Trivet er hannað af þýska hönnunarteyminu Ding 3000, en GOOD DESIGN Award verðlaunin hafa verið veitt frá árinu 1950 þegar að Edgar J. Kaufmann jr. stofnaði þau í Chicaco með aðstoð frá Charles og Ray Eames, Eero Saarinen og Florence Knoll.
Blogg

Ýmislegt fallegt frá Ferm Living

Posted on by admin
Hér að neðan má sjá brot af vöruúrvalinu frá Ferm Living,
Fallegar smádótahillur,
Fallegir bollar,
Kork-kúlur undir heitt,
Flottir kertastjakar,
Lítil dýr úr krossvið,
En núna styttist í forútsöluna hjá okkur, byrjar kl.18.00 og stendur til 20.00,
Allt að 70% afsláttur, láttu sjá þig!
Blogg

Zuny dýrin

Posted on by admin
Dýrin frá Zuny eru virkilega flott, þau eru flott sem hurðastoppari, bókastoð eða jafnvel sem skrautmunur í stofuna eða barnaherbergið.
Zuny dýrin eru öll handgerð og eru um 2kg að þyngd og með sandi í botninum til að tryggja stöðugleika.
Blogg

Bourgie lampinn frá Kartell

Posted on by admin
Ferruccio Laviani hannaði Bourgie lampann fyrir Kartell árið 2004.
Bourgie lampinn er innblásinn frá barokk tímabilinu og kemur í nokkrum litum, hægt er að hæðastilla skerminn og gefur lampinn frá sér einstaklega fallega birtu.
Áhugavert er að fletta upp hvað Bourgie nafnið stendur fyrir, en samkvæmt orðabók mætti þýða það sem “snobb” og stendur fyrir þá sem hafa smekk fyrir fínni og dýrari hlutum:)
Blogg

Fuzzy – litli íslenski gærukollurinn

Posted on by admin

 

Það var árið 1972 sem Sigurður Már Helgason hannaði og smíðaði fyrsta fuzzy kollinn. Fuzzy hefur fjóra ávala og sterka viðarfætur og er setan bólstruð með ekta íslenskri gæru.

Fuzzy er algerlega tímalaus hönnun sem á inni alls staðar fyrir einstakt útlit og flott yfirbragð og hefur lengi verið vinsæll á íslenskum heimilum og þótt tilvalinn í gjafir hvort sem það er útskrift, ferming eða önnur tilefni.