Karfan er tóm
Nýtt í Epal! Parlans Konfektyr er þekktur sænskur sælgætisframleiðandi sem kemur beint frá hjarta Stokkhólms með handgerðar klassískar karamellur, sælkerasósur og súkkulaði gerðu úr náttúrulegum hráefnum og alvöru ástríðu.
Parlans Konfektyr Stockholm er jafnframt gómsætt nýtt vörumerki hjá okkur í Epal sem þú vilt ekki láta framhjá þér fara.
Karamellusósan frá þeim sem nýtur ótrúlegra vinsælda er frábær viðbót við eftirréttinn og baksturinn, og fæstir sem standast freistinguna að smakka karamelluna beint úr krukkunni með skeið! Umbúðirnar eru smart með klassísku yfirbragði sem vekur um leið upp nostalgíu og eru vörurnar frá Parlans Konfektyr tilvalin gjafahugmynd fyrir sælkerana í þínu lífi.
Valdar vörur frá Parlans Konfektyr eru nú fáanlegar í Epal Skeifunni og í vefverslun Epal.is
Fagnaðu með okkur útkomu vörulínunnar BAÐ á miðvikudaginn þann 27. nóvember milli klukkan 17:00 – 19:00.
– Hönnuðir verða á staðnum og kynna BAÐ vörulínuna.
– Happdrætti þar sem tveir heppnir hljóta veglega BAÐ gjafakörfu. – 10% afsláttur af allri smávöru í Epal Skeifunni á meðan viðburði stendur.
– Happdrætti þar sem tveir heppnir hljóta veglega BAÐ gjafakörfu. – 10% afsláttur af allri smávöru í Epal Skeifunni á meðan viðburði stendur.
Hönnuðirnir sem koma að verkefninu eru: Ingibjörg Hanna Bjarnadóttir fyrir vörumerkið IHANNA HOME, Margrét Jónsdóttir leirlistakona, Unnur Valdís Kristjánsdóttir fyrir vörumerkið Flothettu og Sóley Elíasdóttir fyrir vörumerkið SÓLEY.
Dagskrá:
17:15 Lýsing á BAÐ og ferlinu hvernig þetta fór af stað og hvernig þetta hefur þróast. Baksaga verkefnisins, tilvist Epal Design og metnaður þess og ásetningur. Samhengi hlutanna útskýrt og framtíðar hugsjónir teiknaðar. Hönnuðir kynntir og þeirra verkum lýst og spurningum svarað.
18:00 Dregið í leik þar sem 2 heppnir gestir fá gjafakörfu með hlutum úr BAÐ línunni.
19:00 Viðburði lýkur.
Það verður í boði 10% afsláttur af allri smávöru hjá Epal á meðan viðburði stendur.
Nánar um BAÐ
-íslensk baðmenning í hávegum höfð.
-íslensk baðmenning í hávegum höfð.
Epal hefur frá byrjun verið leiðandi afl í stuðningi við íslenska hönnun og hefur Epal Design framleitt úrval íslenskrar hönnunar í náinni samvinnu við vel valda hönnuði.
Markmið Epal Design er að framleiða vandaða, tímalausa og stílhreina hönnun með umhverfissjónarmið að leiðarljósi. Áhersla er lögð á íslensk stílbrigði, fágun og gæði.
Baðmenning okkar er á svo margan hátt einstök og allir íslendingar tengja við hana. Heita vatnið okkar er mikilvæg náttúruauðlind og í raun ótrúleg hversdagsgæði að hafa aðgengi að henni.
Það er gott fyrir sál og líkama að njóta þessara náttúrugjafar, hvort sem er í sundlaugum, heilsulindum eða heima.
Það er gott fyrir sál og líkama að njóta þessara náttúrugjafar, hvort sem er í sundlaugum, heilsulindum eða heima.
Sumarið 2023 hófst samtal með sérhæfðum hönnuðum sem þekkja málaflokkinn vel og vöruþróun hefur staðið yfir sleitulaust síðan. Forkynning var á Hönnunarmars 2024 og nú er komið að því að bjóða vörurnar til sölu.
Verkefnið samanstendur af ýmsum nytjahlutum, bæði fyrir heimilið sem og heimsóknir á baðstaði.
Verkefnið samanstendur af ýmsum nytjahlutum, bæði fyrir heimilið sem og heimsóknir á baðstaði.
Hönnuðirnir:
Margrét Jónsdóttir er þekkt leirlistakona sem hefur unnið mikið með íslenska náttúru og hennar hönnun einkennist af leik með leir, glerung, form og áferð.
Margrét Jónsdóttir er þekkt leirlistakona sem hefur unnið mikið með íslenska náttúru og hennar hönnun einkennist af leik með leir, glerung, form og áferð.
Unnur Valdís er hönnuður Flothettunar og hefur skapað frjótt samfélag sem stundar flot víðsvegar um landið sem hefur róandi og sefandi áhrif í heimi álags og spennu.
Ingibjörg Hanna er grafískur hönnuður sem hefur tekið ástfóstri við textíl. Hún blandar saman grafískum formum við áferð textílsins og endurskapar landslag Íslands á einfaldan og stílhreinan hátt.
Sóley vinnur með aldagamlar hefðir í nútíma samhengi og innvefur þær í vörur sínar. Íslenskar jurtir eru undirstaðan hjá Sóleyju í þróun hennar á sápum, kremum og bað söltum.
Fyrsta tölublað LIFUNAR er nú komið út. LIFUN er tímarit með myndum af íslenskum húsum og heimilum, heima og að heiman og er gefið út af þeim Höllu Báru Gestdóttur hönnuði og Gunnari Sverrissyni ljósmyndara.
Í tilefni útgáfu LIFUNAR opnaði ljósmyndasýningin HEIMA Í 25 ÁR í Epal Gallerí, Laugavegi 7, og stendur yfir í viku.
„Það eru 25 ár síðan við byrjuðum að búa og sömuleiðis 25 ár síðan við fórum að mynda heimili fólks. Búskapurinn og ljósmyndunin hafa haldist í hendur. Á öllum þeim stöðum sem við höfum búið höfum við komið okkur vel fyrir og liðið vel. Íbúðirnar hafa verið ólíkar, við höfum byggt hús, búið í útlöndum, verið í nýju og gömlu. Í gegnum árin höfum við alltaf myndað heimili okkar til að eiga minningar.
Myndirnar á sýningunni eru brot af þeim og árunum 25. Þær sýna þróun búskapar og breytingar sem verða á útliti og yfirbragði. Við höfum alltaf sagt að það að mynda heimili fólks sé að skrásetja samtímann og segja sögur. Við, og sérstaklega Gunnar, höfum myndað svo mörg heimili á þessum árum að við höfum ekki tölu á þeim. Með því að taka saman myndir af okkar heimili opnum við dyrnar fyrir ykkur eins og aðrir hafa gert fyrir okkur.
Verið velkomin, Halla Bára og Gunnar.“
LIFUN er tímarit í bókaformi og er í góðum gæðum. Tilvalið í jólapakkann! Verð: 4.990 kr. og fáanlegt í verslunum Epal Skeifunni og Epal Laugavegi – og væntanlegt í vefverslun Epal.is
Ragnhildur Fjeldsted blómaskreytir verður hjá okkur í Epal Skeifunni dagana 14. – 15. nóvember og sýnir hvernig hægt er að útbúa einfaldar og fallegar skreytingar og kransa fyrir aðventuna, sem skemmtilegt er að tvinna saman með fallegum kertastjökum og blómavösum frá Epal.
Ragnhildur rak um árabil blómabúðina Dans á Rósum og hefur haldið fjölda námskeiða í gerð jólakransa og jólaskreytinga ásamt einfaldari gerð blómaskreytinga sem flestir ættu að geta nýtt sér. Ragnhildur mun vera hjá okkur í Epal Skeifunni frá kl. 14 – 18 fimmtudag og föstudag, 14. -15. nóvember.
Verið hjartanlega velkomin.
Gjafasettin frá Printworks eru skemmtileg jólagjöf fyrir matgæðinga og eru einnig tilvalin gestgjafagjöf í matarboðin sem framundan eru. The Essentials eru glæsileg gjafasett sem innihalda alla nauðsynlegustu hlutina í nokkrum ólíkum þemum, áhöld til að hrista kokteila, áhöld fyrir ostabakkann, áhöld fyrir pizzakvöldið og fleira.
Umbúðirnar eru fallega hannaðar og eftirtektaverðar og koma því ekki aðeins skipulagi á hlutina í eldhúsinu, einnig flottan stíl, og eru falleg til uppstillinga í eldhúsið. The Essentials er frá sænska lífstílsvörumerkinu Printworks sem vakið hefur athygli fyrir skemmtilegt vöruúrval.
Sjáðu úrvalið af The Essentials gjafasettunum í vefverslun okkar
Vaðfugl til styrktar Vildarbörnum
Icelandair, Epal og hönnuðurinn Sigurjón Pálsson hafa tekið höndum saman og framleitt sérstaka útgáfu af hinum vinsæla Vaðfugli Sigurjóns. Hin nýja útgáfa er í litum Icelandair og er framleidd í takmörkuðu upplagi. Allur ágóði af seldum fuglum rennur til styrktar Vildarbörnum Icelandair.
Sigurjón Pálsson er íslenskur hönnuður og rithöfundur sem hefur hlotið fjölda viðurkenninga fyrir hönnun og skrif. Vaðfuglarnir, sem eru hans hönnun, hafa notið mikilla vinsælda og verið seldir víða um heim. Fyrirmyndirnar sækir hann í hina ástsælu íslensku vaðfugla; spóa, stelk og sendling.
Vaðfugl Icelandair er fáanlegur í verslunum Epal og á epal.is.
Bogi Nils Bogason, forstjóri Icelandair:
„Við erum mjög stolt af samstarfinu við Epal og Sigurjón Pálsson og gætum ekki verið ánægðari með útkomuna. Kjarnastefna okkar snýst um að færa anda Íslands út í heim og því fannst okkur mjög spennandi að kynna viðskiptavinum okkar þessa útgáfu af Vaðfuglinum. Við erum sannfærð um að viðskiptavinir okkar og Epal munu taka þessu verkefni vel enda er þetta frábært tækifæri til að prýða heimilið litagleði og láta um leið gott af sér leiða og styðja við mikilvægt starf Vildarbarna Icelandair.“
—
Um Vildarbörn Icelandair:
Í um 21 ár hefur Icelandair hjálpað langveikum börnum og þeim sem búa við sérstakar aðstæður að láta ferðadrauminn rætast í gegnum ferðasjóð Vildarbarna. Sjóðurinn er fjármagnaður með framlögum farþega Icelandair með kortagreiðslu eða afgangsmynt, með framlögum félaga í Saga Club í formi Vildarpunkta og stofnframlagi Icelandair með rausnarlegum stuðningi Sigurðar og Peggy Helgasonar.
Frekari upplýsingar um Vildarbörn er að finna á vildarborn.is
3 sérfræðingar frá Montana, Fritz Hansen og Carl Hansen & søn verða hjá okkur um helgina og í tilefni þess bjóðum við frábæra afslætti dagana 10. – 12. október.
20% afsláttur af öllum pöntunum frá Montana, 20% afsláttur af Eggjum og fótskemlum frá Fritz Hansen og 20% afsláttur af Y-stólum* og borðstofuborðum frá Carl Hansen. (*afsláttur gildir ekki af Y-stólum í beyki/soft útgáfu.)
Í Epal Gallerí sýna 5. árs nemar í arkitektúr við Listaháskóla Íslands afrakstur kortlagningar á höfundaverki Kjartans Sveinssonar.
KJARTAN SVEINSSON: ÍSLENZK BLOKK
Sýndur verður afrakstur kortlagningar nemenda á höfundaverki Kjartans Sveinssonar (1926-2014). Áhersla hefur verið lögð á að gera fjölbýlishúsum Kjartans skil en á sýningunni má finna líkön og teikningar af völdum byggingum á höfuðborgarsvæðinu.
Á árunum kringum 1960 fram á tíunda áratug síðustu aldar risu hátt í 10.000 íbúðir í fjölbýlishúsum eftir Kjartan. Um er að ræða svo viðamikið framlag til byggðs umhverfis hér á landi að ekki verður fram hjá því litið. Verkin voru afar umdeild meðan Kjartan lifði en nú er kominn tími á endurmat.
Ljósmyndari: Laufey Jakobsdóttir
Louis Poulsen kynnir PH 2/1 borðlampann eftir Poul Henningsen nú í glæsilegri Dusty Terracotta útgáfu í takmörkuðu upplagi. Lampinn er smágerð útgáfa af klassíska borðlampanum með með munnblásnum glerskermi úr fjögurra laga lituðu gleri og lampafæti úr kopar sem fengið hefur á sig fallega áferð með tímanum.
PH 2/1 Dusty Terracotta verður aðeins fáanlegur frá 1. október til 31. desember 2024. Forsalan er hafin, tryggðu þér eintak með því að smella á þennan hlekk.
