Epal, Viðburðir

SKRIPO opnar í Epal Gallerí

Posted on by blogg
Sýningin SKRIPO stendur nú yfir í Epal Gallerí, Laugavegi 7.
Að baki sýningarinnar standa æskuvinirnir þeir Guðjón Viðarsson og Kári Þór Arnarsson. Vinasamband þeirra hefur alla tíð einkennst af sköpun, allt frá fyrstu sameiginlegu teikningunum og að þeim málverkum sem þeir mála saman í dag.
Frá því sumarið 2023 hafa Guðjón og Kári málað myndir saman undir nafninu Skripo. Þeir vinna jafnan á tvo striga í einu, skiptast á að teikna og mála fígúrur, oft án þess að vita hvert verkið leiðir. Í sumum tilfellum teiknar annar aðeins augu eða handlegg áður en þeir skipta um striga og halda áfram á grunni hins. Þannig verður hver mynd samspil leikgleði, innsæis og sköpunar án fyrirfram ákveðinnar niðurstöðu.
Á sýningu Skripo, sem haldin verður í Epal Gallerí á Laugavegi dagana 4.-25. apríl, gefst gestum einnig kostur á að versla málverk, auk eftirprenta í takmörkuðu upplagi.
Blogg, Viðburðir

Opnunarhóf HönnunarMars í Epal 2025

Posted on by blogg

Margt var um mann­inn í Epal Skeifunni þegar Hönn­un­ar­Mars var opnaður form­lega í gær.
Epal fagnar í ár fimmtíu ára afmæli sínu og tekur þátt í HönnunarMars sautjánda árið í röð með vandaðri sýningu á íslenskri hönnun. Til sýnis er hlaðborð af nýrri og áhugaverðri hönnun eftir fjölbreyttan hóp íslenskra hönnuða sem hafa náð góðum árangri á sínu sviði bæði hérlendis og sumir einnig á erlendri grundu. Í Epal verða einnig til sýnis íslensk húsgögn sem eiga það sameiginlegt að hafa náð hæstu hæðum varðandi sölu- og verðmætasköpun og minna þau á mikilvægi og gildi góðrar hönnunar sem nýta má sem verðmæta auðlind.
Einnig var til sýnis íslenska vörulínan BAÐ sem er samstarfsverkefni fjögurra íslenskra hönnuða fyrir Epal og gengur út á þróun á sígildum og fáguðum vörum sem hafa tengingu við íslenska baðmenningu s.s. sundlaugar, baðlón, heilsulindir, náttúrulaugar o.s.frv.

Sýningin Íslensk hönnun á öllum aldri stendur yfir dagana 2. – 5. apríl í Epal Skeifunni.

Ljósmyndari: Ingibjörg Torfadóttir

Ljósmyndari: Ingibjörg Torfadóttir

Blogg, Nýjungar

Í fyrsta sinn á Íslandi – Lakrids Lovers lakkrísinn!

Posted on by blogg
Í fyrsta skipti á Íslandi, Lakrids Lovers lakkrís – fyrir alvöru lakkrísunnendur!  *mjög takmarkað magn og aðeins fáanlegur í verslunum Epal.
Nýjasta Lakrids Lovers útgáfan er Lime Crackle sem fáanleg verður í afar takmörkuðu upplagi í fyrsta sinn á Íslandi.
Lime Crackle sameinar spennandi bragð af límónu og sítrónu við hvítt mjólkursúkkulaði, salta lakkrísmiðju og græna stökka sykurhúð. Þessi samsetning af sætu og skörpu bragði býður upp á ljúffenga sítrussveiflu, sem lætur bragðlaukana þrá meira.
Lakrids Lovers eru sérútgáfur í litlu upplagi sem einkennast oft af spennandi bragðtegundum sem lagðar eru undir alvöru lakkrísunnendur sem fá að spá fyrir um framtíðarmögleika vörunnar. Áður hafa verið framleiddar sérútgáfur Lakrids Lovers af, Salty Rasberry, Sour Strawberry, Golden Oranges og fleiri bragðtegundum sem sumar hverjar hafa fengið að verða hluti af vöruúrvali Lakrids by Bülow.
Sérstakar Lakrids Lovers útgáfur frá Lakrids by Bülow eru aðeins framleiddar í mjög litlu upplagi og koma þær með QR kóða með könnun þar sem þú gefur þitt álit um bragð, áferð og hönnun lakkrísins. Þannig geta aðdáendur Lakrids by Bülow haft áhrif á framtíð vörunnar!
Blogg, Nýjungar

Our Society – nýtt vörumerki í Epal

Posted on by blogg

Our Society er ungt danskt hönnunarmerki með það markmið að vilja standa fyrir nútímalegum gildum og framleiða hönnun fyrir næstu kynslóðir.

Our Society byggir á nútímalegu hugarfari varðandi efnisnotkun og vinnusiðferði og með einfaldan en sterkan stíl sem rammar inn stemmingu dagsins í dag á meðal hæfileikaríkra og skapandi einstaklinga um allan heim. Samnefnari allra hönnuða og þeirra lykilaðila sem koma að Our Society er að þau eru upprennandi og sækja þau innblástur til ungu kynslóðarinnar og því bjartsýna og nýstárlega hugarfari sem henni fylgir.
“Sem hönnunarmerki sem byggt er af næstu kynslóð er siðferðisleg og sjálfbær framleiðsla sjálfsagður hluti af DNA fyrirtækisins. Að vinna með ungum hönnuðum setur háar kröfur og viðmið hvernig hönnun skuli vera framleidd. Eru því allir framleiðsluaðilar handvaldir á staðnum og innan Evrópu sem er þeim mikilvægt og uppfylla þeir allir umhverfisstaðla og viðeigandi vottanir.”
Blogg, Nýjungar

Vorboðinn er páskalakkrísinn frá Lakrids by Bülow

Posted on by blogg
Páskalakkrísinn frá Lakrids by Bülow er sannkallaður vorboði og er nú loksins mættur til landsins. 
Crispy Caramel, Crunchy Toffee og Passion fruit er páskalakkrísinn í ár, alveg ómótstæðilega góður og nánast ómögulegt að fá sér bara eina kúlu.
Crispy Caramel inniheldur stökka karamelluskel sem umlykur silkimjúkt dulche súkkulaði með hráu lakkrísdufti og mjúkri lakkrísmiðju. Flögur af sjávarsalti setja punktinn yfir i-ið.
Crunchy Toffee inniheldur mjúkt rjómasúkkulaði með stökkri karamellu og saltaður lakkrís. Svo ljúffengur!
B – Passion Fruit inniheldur sæta lakkrísmiðju hjúpaða hvítu súkkulaði með bragði af ástaraldin. Hin fullkomna blanda. B er einn vinsælasti lakkrísinn úr vöruúrvali by Bülow og nú í fyrsta sinn fáanlegur í páskaeggi.
Páskalakkrísinn er fáanlegur í sælkeraboxum sem er vinsæl gjöf, sem páskaegg og í gömlu og góðu klassísku umbúðunum.
Blogg, Epal Gallerí

Epal Gallerí : Myndlistarsýningin Fjúk II

Posted on by blogg
Myndlistarsýningin Fjúk II stendur yfir í Epal Gallerí, Laugavegi 7, dagana 2. – 18. mars.
Sunna Björk hélt sína fyrstu myndlistarsýningu “Fjúk” hjá art67 í apríl 2024. Hún lærði myndlist í Fjölbrautaskóla Garðabæjar og hélt síðan til Hollands að læra jazztónlist. Nokkrum árum seinna var ferðinni heitið til Flórens til að læra ljósmyndun. Sunna hefur gerst heimshornaflakkari til að fá sem mesta reynslu og upplifun. Hún hefur sótt innblástur úr náttúrunni, þá sérstaklega óbyggðum Íslands þar sem hún hefur stundað göngur síðustu ár. Hefur sú iðja haft áhrif á listtjáningu hennar.
Sunna notar olíumálningu í verkunum sínum sem einkennast af naumhyggju og hreinum stíl. Hún vinnur mikið með flæði og leyfir tilfinningum og hugmyndum að leika lausum hala þegar að hún mundar pensilinn.
Verið hjartanlega velkomin.

Blogg, Tilboð

HAY Mags og Quilton sófar með 20% afslætti

Posted on by blogg

Nýttu þér 20% afslátt af vinsælu Mags og Quilton sófunum frá HAY sem gildir til 31. mars. Mags og Quilton sófar frá HAY samanstanda af margnota einingum svo hægt er að sérsníða sófann eftir þínum hugmyndum, með legubekk, horneiningu eða viðbótarsætum til að henta hverju rými. Fáanlegir í úrvali af litum og áklæðum. Komdu við hjá okkur í Epal Skeifunni og kynntu þér úrvalið.

 

Blogg, Epal

BAÐ – sígildar og fágaðar vörur innblásnar af íslenskri baðmenningu

Posted on by blogg

Nýja vörulínan okkar, BAÐ er nú mætt í vefverslun!

BAÐ er samstarfsverkefni fjögurra íslenskra hönnuða fyrir Epal og gengur út á þróun á sígildum og fáguðum vörum sem hafa tengingu við íslenska baðmenningu s.s. sundlaugar, baðlón, heilsulindir, náttúrulaugar o.s.frv. Baðmenning Íslands á sterka og langa sögu og hefðir.
Hönnuðirnir sem koma að verkefninu eru: Ingibjörg Hanna Bjarnadóttir fyrir vörumerkið IHANNA HOME, Margrét Jónsdóttir leirlistakona, Unnur Valdís Kristjánsdóttir fyrir vörumerkið Flothettu og Sóley Elíasdóttir fyrir vörumerkið SÓLEY.

Kynntu þér úrvalið í vefverslun Epal.is

Blogg

Flothetta : einstök íslensk hönnun

Posted on by blogg

Flothetta er hönnunarverkefni sem varð til á Íslandi árið 2011 og gengur út á upplifun og nærandi samveru í vatni

Hugmyndasmiður Flothettu er Unnur Valdís Kristjánsdóttir, vöruhönnuður og vatnsmeðferferðaraðili. Flothetta sprettur úr reynsluheimi hennar sem Íslendings sem stundað hefur náttúru- og sundlaugaferðir frá blautu barnsbeini. Þannig samtvinnast áhugi Unnar Valdísar á hönnun og að vinna með heita vatnið til heilsueflingar, slökunar og endurnæringar. Flotbúnaðurinn er hannaður til að veita líkamanum áreynslulausan flotstuðning í vatni, skapa aðstæður fyrir djúpslökun, draga úr verkjum í vöðva og stoðkerfi líkamans. Þetta góða slökunar- og vellíðunarástand sem næst í þyngdarleysi vatnsins gerir okkur kleift að losa um andlega og tilfinningalega streitu og skapa samhljóm, tengingu og jafnvægi.
Síðan Flothetta kom á markað hafa orðið til áhugaverðar og endurnærandi nýjungar í baðmenningu þjóðarinnar. Hönnunin hefur náð að skapa heim upplifanna og nærandi samveru í vatni. Segja má að Flothetta hafi ekki einungis gefið af sér samfélag, heldur einnig menningu.
is is