Innköllun á Sebra leikgrind
Ákveðið hefur verið að kalla inn leikgrindur frá Sebra með lotunúmerum 106398, 2357, 2356, 2250 og 2073 vegna mögulegs galla. Gallinn er talinn geta valdið því að snúra með hangandi leikföngum á getur slitnað og smáir hlutir losnað sem geta valdið köfnunarhættu fyrir ung börn.
Við biðjumst velvirðingar á þeim óþægindum sem þetta kann að valda og hvetjum ykkur til að hætta notkun á leikgrindinni samstundis og skila til okkar í Epal gegn endurgreiðslu.
Jólaandinn svífur yfir í verslunum Epal og höfum við fengið til okkar hönnuði og annálaða fagurkera sem dekka jólaborð í hverri viku fram að jólum í Epal Skeifunni.
Elva Hrund Ágústsdóttir dekkaði upp jólaborðið í Epal vikuna 8. desember – 14.desember. Elva Hrund er menntaður innanhússráðgjafi frá Danmörku og starfar sem stílisti og blaðamaður hjá matarvef mbl.is. Borðbúnaðurinn sem sem Elva Hrund lagði á borðið ásamt tauservíettum og gylltum ostruskálum er frá Ferm Living, glösin eru frá Frederik Bagger og gylltir kertastjakar eru frá Nordic Tales. Allt fáanlegt í Epal.
54°Celsius býður upp á óvenjuleg og einstök kerti sem stela senunni. Kertin eru seld um allan heim ásamt í verslunum Epal. Þórunn Árnadóttir er aðalhönnuður og annar eigandi 54°Celsius. Tarot ilmkertin eru nýjung frá 54°Celsius sem við erum mjög spennt fyrir. Letterpress prentað Tarot spil að framan ásamt Tarot lestri að aftan gerir kertið að góðri gjöf. Hvert ilmkerti er innblásið af hverju Tarot spili fyrir sig, Death, The Magician, The Lovers, The Hermit, The Fool, The High Priestess.
Öll fáanleg í vefverslun Epal.is
Jólaandinn svífur yfir í verslunum Epal og höfum við fengið til okkar hönnuði og annálaða fagurkera sem dekka jólaborð í hverri viku fram að jólum í Epal Skeifunni.
Kári Sverriss ljósmyndari dekkaði upp glæsilegt jólaborð í Epal Skeifunni sem stendur til 7. desember. Kári Sverriss er mikill smekkmaður og tekur að sér ljósmyndaverkefni á alþjóðavettvangi við góðan orðstýr, ásamt því heldur hann úti vinsælum Instagram miðli @appreciate_thedetails ásamt unnusta sínum Ragnari Sigurðssyni, innanhússarkitekt. Saman vinna þeir að gerð sjónvarpsþátta um heimili og hönnun sem væntanlegir eru vorið 2022.
Það var Eyjólfur Pálsson, gjarnan kenndur við Epal sem stóð að baki átakinu sem ætlað var að gera fjölbreytileika íslenskrar hönnunar sýnilegar með auglýsingum á umhverfismiðlum um allt höfuðborgarsvæðið.
“Íslensk hönnun fær ekki alltaf þá athygli og virðingu sem hún verðskuldar og hef ég í gegnum tíðina reynt ýmsar leiðir til að koma henni betur á framfæri. Nú sem aldrei fyrr er mikilvægt að við öll, sem seljum, hönnum, framleiðum eða einfaldlega elskum íslenska hönnun, tökum höndum saman til að styðja við þessa
mikilvægu iðngrein,“ segir Eyjólfur.
Ástríða Eyjólfs fyrir hönnun nær langt út fyrir hans eigin rekstur og var honum sérlega umhugað að um samvinnuverkefni væri að ræða sem endurspegli breidd íslenskrar hönnunar og fékk því Miðstöð hönnunar og arkitektúrs til liðs við sig og óskaði eftir að hún leggði til hugmyndir um fjölbreytta og fallega íslenska hönnun sem er nú þegar í sölu eða notkun.
„Úr varð ótrúlega fjölbreyttur flokkur hönnunargripa, um 60 talsins, sem varpað verður upp á skjái um allt höfuðborgarsvæðið. Hlutirnir á skiltunum munu spanna allt frá flothettum og fötum yfir í gistivagna, húsgögn og tölvuleiki,“ segir Eyjólfur og segir undirtektirnar hafa verið mjög góðar, enda ljóst að allir sem standa að eða unna íslenskri hönnun njóta góðs af því að virðing sé efld fyrir henni.
Eyjólfur bendir á að sýnileiki skipti máli, og ekki bara á ljósaskiltum.
„Frændur okkar, Danir, leggja til dæmis ávallt áherslu á eigin framleiðslu og hönnun í stofnunum, byggingum, opinberum verkefnum og öllu kynningarefni, eins og í bíómyndum. Þetta gera Danir á hreinum viðskiptalegum forsendum en hönnun er einn helsti drifkrafturinn að baki aukinni verðmætasköpun, meiri lífsgæðum, sjálfbærni og betra þjóðfélagi. Opinberar byggingar eru stolt þjóðar og eiga að endurspegla þann faglega metnað sem
við búum yfir, bæði hvað varðar listmuni og arkitektúr en ekki síður hönnunarvörur,“ segir Eyjólfur og bendir á að brýn þörf sé á innkaupastefnu gagnvart íslenskri hönnun og framleiðslu.
Það var auglýsingastofan Brandenburg sem stóð að hönnun herferðinnar en hér má sjá brot af þeim hönnunarvörum sem eru gerð skil í átakinu og við hvetjum ykkur til að hafa augun opin á ferð um höfuðborgarsvæðið næstu daga.
Jólaandinn svífur yfir í verslunum Epal og höfum við fengið til okkar hönnuði og annálaða fagurkera sem dekka jólaborð í hverri viku fram að jólum í Epal Skeifunni.
Halla Bára Gestsdóttir innanhússhönnuður dekkaði upp glæsilegt jólaborð í Epal Skeifunni sem stendur til 1. desember.
Bókin Desember er ný bók frá hjónunum Höllu Báru og Gunnari Sverrissyni, Home and Delicious sem gefið hafa út bækur og tímarit um heimili, hönnun og arkitektúr síðustu ár.
Bókin er um desember, aðventuna og jólin – stemmningu, innblástur og hugmyndir fyrir þennan árstíma.
Halla Bára er með meistaragráðu í innanhússhönnun frá Domus Academy í Mílanó á Ítalíu. Hún vinnur sem innanhússhönnuður og ráðgjafi að ýmsum verkefnum jafnframt því að ritstýra Home and Delicious vefsíðunni. Halla Bára hefur haldið vinsæl námskeið um innanhússhönnun sem við mælum með að áhugafólk um hönnun og heimili kynni sér nánar.
Danska hönnunarmerkið NoFred skapar falleg og vönduð húsgögn og smávörur fyrir börn sem hvetja til samveru fjölskyldunnar. Hver vara er hönnuð með það í huga að heilla jafnt fullorðna sem börn og hefur þann eiginleika að falla vel að innréttingum heimilisins – og gerir það að verkum að vörurnar fá sín notið í fleiri rýmum en barnaherberginu einu. Með tímalausa hönnun, óaðfinnanleg gæði og framúrskarandi handverk munu NoFred vörurnar fara kynslóða á milli.
NoFred fæst í Epal Skeifunni.
Auping eru umhverfisvæn rúm með áherslu á gæði, fallega hönnun og þægindi. Auping hefur skarað fram úr í hönnun í mörg ár og er útkoman bæði nútímaleg og klassísk hágæða rúm sem hægt er að setja saman og breyta á óteljandi vegu. Með Auping færðu gæði, góða hönnun og framúrskarandi nýsköpun allt í einu rúmi.
Með yfir 130 ára þekkingu ásamt nýjustu þróun á sviði tækni og vinnuvistfræði tryggir Auping að veita hágæða svefn og fallega, nútímalega hönnun með virðingu fyrir umhverfinu.
Auping hefur hlotið verðskulduga viðurkenningu fyrir þetta í gegnum árin, með mörgum verðlaunum og vottunum varðandi endingu, áreiðanleika, gæði og hönnun. Einnig vinnur Auping í samræmi við hugmyndafræði Cradle to Cradle / frá vöggu til grafar (C2C).
Vaknaðu orkuríkari á hverjum degi
Heilbrigt og orkuríkt líf byrjar með góðum nætusvefn. Með Auping rúmi byrjar þú daginn vel hvíld/ur og full/ur af orku. Auping býður upp á svefnþægindi á hæsta stigi og sameinar margra ára þekkingu ásamt nýjustu þróun á sviði tækni, vinnuvistfræði og hönnunar, sem gerir rúmunum kleift að veita besta stuðninginn og veita framúrskarandi loftföndun.
Komdu við hjá okkur í Epal Skeifunni og fáðu ráðgjöf sérðfræðings varðandi val á Auping rúmi fyrir þig.
