Blogg, Tilboð

Mission sófar frá Eilersen á góðu tilboði

Posted on by blogg

Við bjóðum nú 25% afslátt af Mission sófum frá danska húsgagnaframleiðandanum Eilersen* sem gildir til 31. ágúst 2021.

Mission sófarnir koma í fjölmörgum stærðum og með mismunandi áklæðum og því auðvelt að útbúa sófa sem hentar þér og þínu heimili. Mission sófinn er í klassískum skandinavískum stíl ásamt því að vera einstaklega þægilegur sem er einmitt það sem Eilersen eru þekktastir fyrir.

Danski húsgagnaframleiðandinn Eilersen eru heimsþekktir í dag fyrir gæði og góða hönnun, en sögu þeirra má rekja aftur til ársins 1895.

Áherslur Eilersen hafa breyst með tímanum og framleiða þeir í dag hágæða bólstruð húsgögn sem þykja með þeim allra vönduðustu. Í dag rekur fjórða kynslóð Eilersen fjölskyldunnar verksmiðjuna sem einbeitir sér að hönnun og smíði á gæða sófum sem njóta mikilla vinsælda um heim allan fyrir einstök gæði og fallega hönnun.

Verið velkomin til okkar í Epal Skeifunni og kynnið ykkur gæði Eilersen sófanna.

 

Blogg, Tilboð

Form stólar frá Normann Copenhagen með 20% afslætti

Posted on by blogg
Við bjóðum nú 20% afslátt af vinsælu Form stólunum frá Normann Copenhagen – allar gerðir! Nýttu þér afsláttinn sem gildir til 1. apríl 2021. Form stólarnir eru hönnun eftir Simon Legald sem hlaut virtu iF hönnunarverðlaunin árið 2016 fyrir þessa frábæru hönnun. Form stólarnir eru í senn einstaklega þægilegir, formfagrir og henta vel í hvaða rými sem er; hvort sem það er fyrir heimilið eða opinber rými.
Kynntu þér úrvalið í Epal Skeifunni.
Blogg, Tilboð

20% afsláttur af Montana náttborðum

Posted on by blogg

Við kynnum nýtt og spennandi tilboð á vinsælu náttborðunum frá Montana. Dagana 1. febrúar – 6. mars bjóðum við 20% afslátt af Montana náttborðum. Í boði eru 3 gerðir, veggfestar, með sökkli eða á fótum. Dýpt 30 cm og hægt er að velja úr 40 litum.

Komdu við til okkar í Epal Skeifunni og kynntu þér úrvalið – einnig er hægt að senda tölvupóst á Stefanie@epal.is fyrir frekari upplýsingar.

Blogg, Nýjungar

Love lakkrísinn er kominn í Epal

Posted on by blogg

LOVE lakkrísinn er mættur í Epal. Fruity Caramel er ljúffengur saltur lakkrís með Dulce de Leche súkkulaði og sólberjum, og Strawberry & Cream er sætur súkkulaðihjúpaður lakkrís með jarðarberjum og rjóma.
LOVE lakkrísinn er ómótstæðilegur og við mælum með að smakka báðar tegundir.

Ef þú ert að leita að hinni fullkomnu tækifærisgjöf handa ástinni þinni þá er LOVE lakkrísinn sjálfur frá Lakrids by Bülow ómótstæðilega góður og ekki skemmir fyrir hversu fallega hannaðar umbúðirnar eru. LOVE lakkrísinn er tilvalinn til að deila með ástinni sinni.

Sjáðu úrvalið í vefverslun Epal 

Blogg

Vinsæla lakkrísduftið frá Lakrids by Bülow er komið aftur

Posted on by blogg

Vinsæla lakkrísduftið frá Lakrids By Bülow er komið aftur. Það þykir ómissandi að margra mati við ýmsa matargerð, í morgungrautinn, í kaffið eða desertinn. Við mælum með að þú prófir!

Danska fyrirtækið Lakrids by Bülow sérhæfir sig í framleiðslu á handgerðum gæðalakkrís. Lakkrísinn er glútenlaus og án allra aukaefna og er því góður kostur fyrir þá sem vilja gera vel við sig. Lakrids by Bülow er líklega einn besti lakkrís sem hægt er að finna og er hann aðeins seldur í vel völdum verslunum þar sem gæði og hönnun haldast í hendur.

Sjáðu úrvalið í vefverslun Epal 

Blogg

Fjölnota bómullarskífur frá Humdakin

Posted on by blogg
Fjölnota bómullarskífurnar frá Humdakin eru góðar til að hreinsa andlit kvölds og morgna og eru einnig góðar fyrir plánetuna. Í pokanum eru 15 prjónaðar bómullarskífur úr 100% lífrænum bómul.
Best er að þvo skífurnar á 60°C án mýkingarefnis. Til að fá ferskan ilm í þvottinn mælum við með því að nota Humdakin þvottaefnið. Verð: 2.700 kr.
Blogg, Nýjungar, Tilboð

Eggið með áklæði úr endurunni ull

Posted on by blogg

Eggið með áklæði úr endurunni ull

Fritz Hansen kynnir nú Eggið, tímalausa hönnun eftir Arne Jacobsen með áklæði úr endurunni ull. Áklæðið er hannað af hinni dönsku Margrethe Odgaard sem þykir einn færasti hönnuður samtímans. Falleg og umhverfisvæn hönnun sem endist í lífstíð.
‘Re-Wool’ textíllinn er unnin úr 45% endurunnri ull. „Hugmyndin var að skapa bæði heiðarlegan og umhverfisvænan textíl með ljóðrænum blæ með því að endurvinna afgangsefni úr eigin framleiðslu Kvadrats,“ útskýrir Margrethe Odgaard.

Það gleður okkur að bjóða nú upp á Eggið í endurunnu ullaráklæði sem fáanlegt er í 21 litum, nú á sérstöku tilboði sem gildir til 1. mars 2021.

Blogg, Íslensk Hönnun

Regina vasar – íslensk hönnun í jólapakkann

Posted on by blogg
Regina er einfaldur þrýhyrndur vasi sem má raða saman á ólíka vegu eftir hæð eða lit. Vasinn getur staðið einn og sér eða sem vasi fyrir greinar eða blóm. Regina kemur í þremur mismunandi hæðum: 36 cm, 29 cm og 24 cm og í svörtu eða gráu. Ingólfur Örn Guðmundsson iðnhönnuður hannaði Regina vasann sem frumsýndur var á HönnunarMars fyrr á árinu.
Gefðu íslenska hönnun í jólapakkann –

Jól

Jólaborðið í Epal – Svava Halldórs hjá Listrænni Ráðgjöf

Posted on by blogg

Jólaandinn svífur yfir í verslunum Epal í desember og höfum við fengið til okkar hönnuði og annálaða fagurkera sem dekka jólaborð í hverri viku fram að jólum í Epal Skeifunni.

Fjórða og síðasta jólaborðið er skreytt af Svövu Halldórsdóttur útstillingahönnuði sem vakið hefur athygli fyrir frumlegar og skemmtilegar útstillingar. Svava Halldórsdóttir stofnaði fyrirtækið sitt Listræn Ráðgjöf í febrúar 2019 og hafa móttökurnar farið fram út hennar björtustu vonum. Listræn ráðgjöf vinnur með verslunum og fyrirtækjum við að skapa rétt umhverfi fyrir viðskiptavini og starfsfólk. Svava hefur unnið fyrir Kokku, Blush og Smáralindina við ýmis verkefni eins og gluggaútstillingar, uppröðun á vörum og við gerð myndarýmis.

Jólaborðið er skreytt með borðstelli og hnífapörum frá Kähler, glösum frá iittala, tauservíettum frá Ferm Living, kökudiskum frá Dutch Deluxes ásamt einstökum borðskreytingum sem Svava útbjó í VIPP eldhúsinu, blómaskreytingar eru handgerðar, m.a. úr stráum sem fást í Epal. 

Blogg, Nýjungar

Nýtt í Epal – Royal Copenhagen

Posted on by blogg

Við kynnum nýtt vörumerki í Epal – Royal Copenhagen!

Royal Copenhagen var stofnað í Kaupmannahöfn 1. maí árið 1775 af Frantz Heinrich Müller og gerir það fyrirtækið af einum af elstu postulínsframleiðendum Evrópu.

Blár litur er notaður til skrauts á fjölmörgum Royal Copenhagen vörum og er hver og einn hlutur handmálaður af mikilli kostgæfni. Postulínsmálun krefst gríðarlegrar nákvæmni og einbeitingar og er ferlið oft ansi langt og flókið. Í gegnum söguna hefur blái liturinn verið mikilvægur tjáningarmiðill en sumir listamenn hafa notað bláa litinn til merkis um auðlindir og auð á meðan aðrir hafa notað hann til þess að tjá tilfinningar sínar. Spænski málarinn Pablo Picasso fór til dæmis í gegnum „blátt“ tímabil sem gaf af sér hluta af vinsælustu verkum hans í dag.

„Blá-málari“ hjá Royal Copenhagen postulínsframleiðandanum þarf fjögur ár til að læra iðn sína. Þessi vandlega skreyting er sambærileg undirskrift málarans, í fljótu bragði virðast allar skreytingarnar eins en þó þekkir hver málari sína vinnu og vinnu samstarfsfólks síns. Málararnir setja sína undirskrift á hvern mun sem málaður er. Við hlið undirskriftarinnar eru konungsmerkið og öldurnar þrjár sem tákna dönsku sundin þrjú; Eyrarsund, Stóra-belti og Litla-belti. Þannig hafa postulínsmunirnir verið merktir frá árinu 1775. Merkin þrjú eru tákn um áreiðanleika, konunglega tengingu og merki handverks.

White fluted

White fluted línan varð til árið 1775 og er grunnurinn að öðrum fluted línum.

Blue fluted plain (Musselmalet)

Blue fluted plain varð til árið 1775 og er fyrsta Royal Copenhagen munstrið. Munstrið er enn í dag alveg eins og það var á öldum áður, hver postulínsmunur er meðhöndlaður sem listmunur og handmálaður af vandvirkni. Stellið er eitt þekktasta og mest eftirsótta postulínsstell í heiminum í dag.

Blue fluted mega

Blue fluted mega er ný útgáfa af Blue fluted plain munstrinu. Það var hannað árið 2000 af Karen Kjældgård-Larsen. Karen var aðeins 26 ára þegar hún bankaði uppá hjá Royal Copenhagen með lokaverkefni sitt úr dönskum hönnunarskóla. Hún hafði einstakt dálæti á Royal Copenhagen og fékk þá hugmynd að stækka mynstrið af fyrsta stellinu. Kennarinn hennar var svo áhugasamur að hann hvatti hana til þess að sýna Royal Copenhagen hönnun sína. Þessi útgáfa vakti gríðarlega lukku og hefur verið eitt vinsælasta stellið í yfir tíu ár en fjöldann allan af hlutum er að finna í línunni, allt frá diskum og skálum yfir í krukkur og blómavasa.

Black fluted mega

Black fluted mega línan var eins og Blue fluted mega hönnuð árið 2006 af Karen Kjældgård-Larsen nýútskrifuðum hönnuði.

Meðhöndlun

Flestar vörurnar mega fara í uppþvottavél en ekki allar mega fara í örbylgjuofn.

Allt postulín er ofnfast og má almennt fara í venjulegan ofn. Þó þarf að passa að hita vörurnar hægt og sömuleiðis kæla þær varlega. Ekki ætti að setja postulín í forhitaðan ofn eða taka það út og leggja á kalt borð. Hitamunurinn getur orðið of mikill og postulínið brotnað.

Þú finnur Royal Copenhagen í Epal Skeifunni.