Viðburðir

HönnunarMars í Epal dagana 23. – 27. apríl

Posted on by blogg
Epal tekur þátt í HönnunarMars sextánda árið í röð með vandaðri sýningu á íslenskri hönnun.
Til sýnis verður áhugaverð hönnun eftir fjölbreyttan hóp íslenskra hönnuða sem hafa náð góðum árangri á sínu sviði bæði hérlendis og sumir einnig á erlendri grundu.
Opnunarhóf 23. apríl frá klukkan 17:00 – 19:00.
Sýnendur:
Arkitýpa
Aska bio Urns
bybibi
Dýpi
Endurgerð á stól eftir Hjalta Geir
Feik eða ekta?
Guðmundur Lúðvík
Hlynur Atlason
Kula by Bryndis
RÓ
Salún
Sigurjón Pálsson
Ægir Reykjavík
Í ár kynnir Epal nýja vörulínu sem unnin er út frá baðmenningu Íslands. Heiti vörulínunnar er BAÐ sem unnin er í samstarfi við Flothettu, Ihanna Home, Margréti Jónsdóttur leirlistakonu og Sóley Organics.
Hönnuðir verða á staðnum á eftirfarandi tímum:
Föstudag á milli kl.15-18 og laugardag milli kl. 12-16.
Epal hefur haft að leiðarljósi frá stofnun árið 1975 að auka skilning og virðingu fyrir hönnun á Íslandi með því að velja hönnun og gæðavörur sem skara fram úr. Epal hefur alla tíð stutt íslenska hönnuði og lagt sig fram um að hjálpa þeim við að koma verkum sínum á framfæri og í framleiðslu og hluti af því er þátttaka í HönnunarMars.
Sjáumst á HönnunarMars í Epal Skeifunni.
Athugið. Lokað verður fimmtudaginn, Sumardaginn fyrsta.
Epal Gallerí

Epal Gallerí – Spirit Portraits eftir Veru Hilmarsdóttur

Posted on by blogg
Verið innilega velkomin á sýningu Veru Hilmarsdóttur, Spirit Portraits, sem opnar í Epal Gallerí fimmtudaginn 4. apríl klukkan 16 – 18, þar sem Vera sýnir brot úr safni teikninga sem hún hefur unnið að á síðustu þremur árum. Sýningin stendur til 21. apríl.

Um listakonuna:

Vera Hilmarsdóttir (1992) útskrifaðist með BA gráðu í myndlist frá Listaháskóla Íslands árið 2018.
Á öðru ári sínu í bachelor námi sótti Vera ljósmynda- og listnám í The University of Applied Science Europe í Berlin, þar sem hún svo bjó og starfaði sem fyrirsæta og listakona til 2020. Segja má að verk Veru skiptist í teikningar og málverk. Á þessari sýningu sýnir hún safn teikninga þar sem mörkin milli huga og anda mætast í óslitnum flæðandi línum.
Vera Hilmarsdóttir (1992) graduated with a bachelor’s degree in art from the Iceland Academy of the Arts in 2018. During her second year of bachelor studies, Vera attended photography and art studies at The University of Applied Science Europe in Berlin, where she then lived and worked as a model and artist until 2020. We can say that Vera’s work is divided into drawings and paintings. In this exhibition, she presents a collection of drawings where the boundaries between mind and spirit meet in uninterrupted flowing lines.

Blogg, Nýjungar

Normann Copenhagen kynnir Mat, stólinn sem ögrar hefðbundnum efnivið

Posted on by blogg

Eftir marga ára umfangsmiklar rannsóknir, prótótýpur og prófanir kynnir danska hönnunarfyrirtækið Normann Copenhagen til sögunnar Mat stólalínuna. Mat stóllinn nýtir á hugvitsamlegan hátt endurnýjanleg og endingargóð efni sem gerð eru úr hampi og þangi (eelgrass) sem er mun betri valkostur en hefðbundin efni sem notuð eru fyrir stóla úr skel.

Í fjöldamörg ár hefur húsgagnaiðnaðurinn séð fjölmargar endurtektir af sömu tegund af stólum, plastskeljastólum. Seint á tíunda áratugnum hóf hinn þekkti danski hönnuður, Peter Hiort-Lorenzen, það sem átti eftir að verða áratuga langt verkefni, að búa til sjálfbærari valkost fyrir plastskeljastólinn.

Frumkvöðlastarf þessarar framleiðslutækni krafðist víðtækra rannsókna, prófana og þróunar, vegna skorts á forþekkingu og fordæma.

Niðurstaðan var Mat, einföld hönnun en með einstakri efnisnálgun. Með því að notast við einfalda og klassíska hönnun með áherslu á þægindi og vinnuvistfræði, inniheldur stólalínan fjölda útfærslna af borðstofu og barstólum.

Skelin á Mat stólnum er framleidd á nýstárlegan hátt úr hamptrefjum. Stólalínan er einnig fáanleg í útgáfu með viðbættu (eelgrass) þangi, sem býður í raun upp á dekkri útgáfu af stólnum sem viðbót við ljósari útgáfuna sem inniheldur aðeins hamp.

Efniviðurinn er kjarni hönnunarinnar og nafnið Mat ’material’ er tilvísun í efnisnýjungina. Efniviðurinn gerir vöruna ekki aðeins sjálfbærari, heldur gegnir hann lykilhlutverki í fagurfræði hönnunarinnar og undirstrikar náttúrulega fegurð og áþreifanlegt efnið.

Blogg, Gjafahugmyndir

Fermingargjafir – góðar hugmyndir

Posted on by blogg

Er ferming framundan?

Við tókum saman nokkrar góðar gjafahugmyndir fyrir fermingarbarnið. Það er gaman að gleðja fermingarbarnið með tímalausri hönnun sem mun fylgja þeim inn í fullorðinsárin. Fallegur stakur hönnunarstóll í herbergið, hleðslulampar og ljós, String hillur, rúmföt og rúmteppi, hönnunarbækur og önnur vönduð smávara fyrir unglingaherbergið eru dæmi um gjafir sem endast vel og lengi. Leyfðu okkur að aðstoða þig við valið. Gefðu gjöf frá frægustu hönnuðum heims.

– Flettu lengra til að skoða fermingargjafahugmyndirnar – 

Fallegur spegill fyrir herbergið er góð gjöf, smelltu hér til að skoða úrvalið af speglum í vefverslun Epal.

Geymslubox eða standur undir skart er góð gjöf, smelltu hér til að skoða úrvalið í vefverslun Epal. 

Avolt fjöltengið er sniðug hönnun, á hverjum kubb eru þrjár innstungur og tvö USB tengi og kemur í nokkrum litum. Hægt er að festa fjöltengið á vegg og er snúran 1,8 m á lengd. Smelltu hér til að skoða úrvalið í vefverslun Epal. 

String hillukerfið býður upp á marga notkunarmöguleika sem henta vel fyrir unglingaherbergið og hægt að velja meðal annars um String skrifborð, vegghillur, hillusamstæður eða náttborð. Smelltu hér til að skoða String í vefverslun.

Bollar frá Design Letters með skemmtilegum orðum eru vinsæl í gjafir, og hægt að nota á marga vegu fyrir utan það klassíska, bollana má nota sem pennastatíf á skrifborðið, undir litlar plöntur eða til að geyma í förðunarburstana. Smelltu hér til að skoða úrvalið í vefverslun Epal. 

Íslensk hönnun er góð gjöf, Shorebirds eru klassísk hönnun til að skreyta herbergið. Smelltu hér til að skoða úrvalið af trédýrum í vefverslun Epal. 

Hjá okkur í Epal finnur þú gott úrval af vönduðum hönnunar og lífstílsbókum ásamt skemmtilegum albúmum. Smelltu hér til að skoða úrvalið. 

Vönduð rúmteppi og sængurföt er tilvalin fermingargjöf. Smelltu hér til að sjá úrvalið í vefverslun Epal. 

Smelltu hér til að sjá úrvalið af sængum og koddum. 

Vekjaraklukka er nauðsynleg fyrir hvert svefnherbergi, smelltu hér til að skoða úrvalið í vefverslun Epal. 

Spilin frá Printworks eru ekki bara skemmtileg heldur koma í fallegum umbúðum sem gaman er að hafa uppivið. Tilvalin fermingargjöf! Smelltu til að sjá úrvalið af spilum í vefverslun Epal.

Albúmin frá Printworks eru tilvalin til að nýta sem gestabók á stórum dögum  þar sem skemmtilegt er að bæta við ljósmyndum af gestum og varðveita þannig minningar dagsins, hægt er að notast t.d. við Poloroid myndavélar og gestir skreyti sína eigin blaðsíðu. Sjáðu úrvalið í vefverslun Epal.is

Leyfðu okkur að aðstoða þig við valið. Gefðu gjöf frá frægustu hönnuðum heims.

Blogg, Epal

Páskaopnun í Epal

Posted on by blogg

Meðfylgjandi má finna opnunartíma um páskana í öllum verslunum Epal. Lokað verður yfir páskana í Epal Skeifunni, dagana 28. mars – 1. apríl. Opnum aftur þriðjudaginn 2. apríl í Skeifunni.

Skírdagur: Opið í öllum verslunum nema lokað í Epal Skeifunni. Föstudagurinn langi: Lokað í öllum verslunum Epal. Laugardagur: Opið í öllum verslunum nema í Epal Skeifunni. Páskadagur: Lokað í öllum verslunum Epal. Annar í páskum: Lokað í öllum verslunum Epal en opið í Epal á Laugavegi.

 

Skeifan

LOKAÐ alla páskadagana.

Laugavegur

Fimmtudagur 28.03 (Skírdagur)  Opið 10-18

Föstudagurinn langi LOKAÐ

Laugardagur 30.03 opið 10-18

Páskadagur LOKAÐ

Annar í páskum opið 11-18

Kringlan og Smáralind

Fimmtudagur 28.03 (Skírdagur) Opið 12-17

Föstudagurinn langi LOKAÐ

Laugardagur 30.03 opið 11-18

Páskadagur LOKAÐ

Annar í páskum LOKAÐ

 

Nánari upplýsingar um opnunartíma finnur þú hér: www.epal.is/paskaopnun-epal Verslun okkar í Skeifunni 6 verður lokuð yfir páskana en verslanir okkar í Kringlunni, Laugavegi og í Smáralind verða opnar á skírdag og laugardaginn 8. apríl. Epal óskar öllum viðskiptavinum gleðilegra páska!

Blogg, Nýjungar

Hay fer í hundana

Posted on by blogg

Hið ástsæla danska hönnunarmerki, Hay kom rækilega á óvart á dögunum þegar það kynnti til sögunnar ferska nýja vörulínu, hannaða fyrir enga aðra en okkar ferfættu vini.

Um er að ræða spennandi samstarf milli Mette Hay (eiganda Hay) og vinkonu hennar, Barbara Maj Husted Werner. Hay Hundar er vörulínu hönnuð fyrir hundaeigendur og gæludýrin þeirra, litríkir og fjörugir fylgihlutir sem smellpassa vel við einkenni og annað vöruúrval Hay. Í vöruúrvalinu má finna litrík hundabæli, ólar, matarskálar og flotta hálsklúta sem eru skemmtilegir aukahlutir fyrir hunda, og gætu eigendur jafnvel freistast til að fá hann að láni.

Skoðaðu úrvalið í vefverslun Epal.is

Blogg, Nýjungar

Nýtt frá Moomin, Snabbi og Bísamrottan

Posted on by blogg

Nýjustu meðlimir Múmínkrúsa-fjölskyldunnar eru Snabbi og Bísamrottan. Snabba dreymir um frægð og frama en Bísamrottunni mislíkar öll ólæti og ofgnótt. Snabbi birtist nú í sinni þriðju myndskreytingu á Moomin Arabia borðbúnaði en þetta er í fyrsta sinn sem Bísamrottan er í aðalhlutverki í sígildu vörulínunni. Hvor myndskreyting um sig er framleidd á krús, disk og skál. 

Skoða Moomin í vefverslun Epal.is

Snabbi (Sniff Blue)

Ein dáðasta persóna Múmíndals, Snabbi, er í aðalhlutverki en sagan að baki myndskreytingunni hefst þegar hús Múmínsnáðans hrynur og Snabbi kemur vini sínum til bjargar. Söguþráðurinn fylgir þeim félögum þar sem þeir reyna að verða ríkir með hinum ýmsu ráðum svo Múmínsnáði geti byggt sér nýtt hús. Þeir félagar hafa ekki þak yfir höfuðið og því dorma þeir gjarnan á ströndinni – þaðan kemur hugmyndin að myndskreytingunni.

Bísamrottan (Muskrat Beige)

Bísamrottan er gamall heimspekingur sem les myrkar, heimspekilegar bækur og deilir bölsýnisskoðunum sínum með öðrum. Bísamrottunni líkar vel að eyða tíma sínum í hengirúmi Múmínfjölskyldunnar, þar sem hann les sína uppáhaldsbók, iðulega umvafinn teppi. Hans versti ótti er að tapa sæmd sinni, sem því miður gerist ítrekað í Múmínhúsinu. Til gamans má geta að þetta er í fyrsta sinn sem að Bísamrottan fær svona stórt hlutverk í Moomin borðbúnaðinum frá Arabia.

Blogg, Nýjungar

Nýtt í Epal! Íslensk hönnun frá Salún

Posted on by blogg

Salún er íslenskt hönnunarfyrirtæki sem sérhæfir sig í heimilistextíl. Salún er óður til hins einstaka, íslenska salúnavefnaðar en djörf munstrin byggja á hefðum og reglum sem salúnvefnaðurinn krefst. Menningararfur er Salún mikilvægur og við hönnun og framleiðslu á vörunum er lögð áhersla á að upphefja og sameina íslenskan menningararf sem samtvinnast í textíl-og sundlaugamenningu þjóðar.

Check box handklæði

Check box munstrið er óður til köflótts salúnvefnaðar. Köflóttan salúnvefnað má í dag helst finna á minjasöfnum, í Bústaðakirkju eða á nytjamörkuðum víðsvegar um landið. Litir handklæðanna eru innblásnir af íslenskum vetri, líkt og hrímuð sina við fjallsrót á köldum, björtum vetrardegi.

Handklæðin eru tilvalin til daglegra nota, hvort sem það er fyrir sundlaugina, ferðalög eða ströndina þar sem þau eru létt, rakadræg, þorna fljótt og pakkast vel.

Handklæðin eru framleidd í Tyrklandi að hætti hinna tyrknesku Pestemal og Perskir handklæða. Slík handklæði eru notuð í Hammam böðum, aldagamalli baðhefð sem hefur varðveist frá tímum Ottómanveldisins til dagsins í dag.

Stóra handklæðið, einnig þekkt sem Pestemal, var upphaflega notað í Hammam böð, aldalanga hefð sem hefur varðveist frá tímum Ottómanaveldis til dagsins í dag. Þetta handklæði er líka dásamlegt sem teppi eða trefil.

Perskir handklæðin eru upprunalega ætluð fyrir hárið en Pestemal fyrir líkamann. Perskir handklæðin eru einnig tilvalin sem gestahandklæði eða viskastykki.

Smelltu á hlekkinn til að skoða vöruúrval Salún í vefverslun

Blogg, Tilboð

30% afsláttur af J39 stólum

Posted on by blogg

J39 stóllinn var hannaður árið 1947 af Børge Mogensen og er í dag eitt þekktasta húsgagn úr danskri hönnunarsögu. Stóllinn er úr gegnheilli eik og sætið handofið úr 133 metra sterkum pappírsþræði. Einföld hönnunin og efnisval gera stólinn að tímalausri klassík sem hentar öllum heimilum.

Tilboðsverðið gildir af J39 í eik / ljós olía, sápuð eik, olíuborin eik.

Verð áður 115.900 kr. Tilboðsverð 81.130 kr.