Karfan er tóm
Ekki láta þig vanta á útsöluna í Epal Skeifunni dagana 29. ágúst – 1. september. Allt að 70% afsláttur og 15% afsláttur af öllum vörum í verslun sem ekki eru sérmerktar.
Í tilefni þess að FÓLK Reykjavík er að hefja sölu á vörunum sínum erlendis ætlum við að bjóða íslenskum viðskiptavinum 20% afslátt af fallegu Urban Nomad hillum fyrirtækisins dagana 16.-23. ágúst. EPAL hefur selt vörur fyrirtækisins frá upphafi en FÓLK þróar og framleiðir íslenska hönnun í samstarfi við íslenska hönnuði.
Hillurnar eru mínímalískar með ótrúlega fjölbreytt notagildi og henta í öll herbergi heimilisins.
Fullt verð er frá 24.500 kr.
Ocean línan frá Mater er endurhönnun á borðum og stólum (upphaflega hannað árið 1955) úr úrgangsplastefni sjávar, og sameinar nýstárlegar lausnir til að koma í veg fyrir mengun sjávar – með einum af þekktasta hönnuði 20. aldar, Nönnu Ditzel.
Haf eftir Nönnu Ditzel táknar sjálfbæra og nýstárlega hugsun og hlaut hönnunarverðlaun Wallpaper fyrr á árinu. Einn stóll notar 960 g af úrgangsplastefni sjávar.
Húsgögnin eru gerð úr endurunnum fisknetum og endurunnu harðplasti úr sjónum og er línan gerð og prófuð til notkunar utandyra. Haf línan er hönnuð með það í huga að hægt sé að taka húsgögnin í sundur þegar að þeim degi kemur, og því hægt að endurvinna hvern hlut aftur í sitt hreinasta form og setja aftur í framleiðslu fyrir nýtt upphaf.
“Plánetan okkar er í krísu, og það hefur aldrei verið jafn augljóst að við verðum að grípa til aðgerða til að bæta umhverfið. Við hjá Mater viljum leggja okkar að mörkum að hafa áhrif og eru skuldbindingar okkar í framleiðsluferlinu nú í takt við alþjóðleg markmið Sameinuðu þjóðanna. Eitt af lykilmarkmiðum þeirra er að vernda “Líf undir vatni”, og til að skilja hvernig við gætum stuðlað að því markmiði gengum við til liðs við eina fyrirtækið í heiminum sem endurvinnur fiskinet, sem á ótrúlega hentugan hátt er svo staðsett við vesturströnd Danmerkur. Nýstárlegt viðskiptamódel sem hvetur sjómenn um allan heim að senda notuð fiskinet til verksmiðjunnar, borga þeim sanngjarnt gjald fyrir þetta notaða hráefni, í stað þess að henda notuðum fiskinetum í hafið.”
’Ímyndum okkar að Haf línan slái í gegn – og einn daginn klárast öll úrgangsfiskinetin til að nota! Það væri eitthvað’. – Henrik Marstrand, stofnandi Mater.
Ocean línan frá Mater er fáanleg í Epal.
TULIPOP gleði í Epal Skeifunni og 20 % afsláttur!
Einstaklega litríkir og skemmtilegir keramík bollar með Tulipop karakterum Fred, Gloomy, Miss Maddy og Bubble verða kynntir í Epal Skeifunni, laugardaginn 10. ágúst frá 11-16. Í tilefni þess verður boðið upp á 20% afslátt af öllum Tulipop vörum.
Blöðrur, litabækur og sleikjó í boði fyrir káta krakka.
Ævintýraheimur Tulipop er svo sannarlega skemmtilegur og börn á öllum aldri hrífast af litríkum og sniðugum karakterum sem þar búa. Tulipop hönnunarfyrirtækið var stofnað 2010 með það markmið að búa til skapandi og fallega vörulínu fyrir börn. Vörulínan, sem inniheldur vandað úrval af borðbúnaði, húsbúnaði, ritföngum og fylgihlutum, hefur hlotið lof víða um heim og unnið til alþjóðlegra hönnunarverðlauna. Tulipop fæst í Epal.
Við hlökkum til að sjá ykkur, laugardaginn 10. ágúst.
Allir eru hjartanlega velkomnir!
Epal hefur í samstarfi við hönnuðinn Sigurjón Pálsson bætt nýjum lunda á markað og kemur hann í takmörkuðu upplagi. Lundinn ber nafnið Puffin Pride og ber goggurinn liti regnbogans sem einkennir regnbogafánann sem notaður er við gleðigöngur hinsegin daga víðast hvar í heiminum. Regnbogafáninn var hannaður árið 1978 í San Francisco. Litirnir áttu að tákna samfélag og fjölbreytileika hinsegin fólks.
Hluti söluverðs lundans rennur til Samtakanna ´78 en samtökin eru hagsmuna- og baráttusamtök hinsegin fólks á Íslandi.
Verð á Puffin Pride lundanum er 6.500 kr. –
Danski arkitektinn Finn Juhl (1912-1989) er einn þekktasti innanhúsarkitekt og húsgagnahönnuður 20. aldar. Finn Juhl hannaði fjölmarga stóla, og er einn sá glæsilegasti 108 stóllinn, hannaður árið 1946.
108 er ekta Finn Juhl húsgagn, með fljótandi sæti og bak sem einkenndi hans stíl og létt og glæsileg hönnun sem kitlar skynfærin. Hann er fallegur að horfa á, mjúkur í snertingu og gott að sitja í.
108 stóllinn er fallegur og fjölnota stóll sem hentar jafnvel við borðstofuborðið, í stofuna eða á skrifstofuna.
Olíuborin eik, fullt verð: 175.000 kr. Tilboðsverð: 131.000 kr. Takmarkað magn.
Frekari upplýsingar fást hjá starfsfólki í húsgagnadeild í Epal Skeifunni.
Erum við að leita að þér? Okkur vantar sölumann í gjafavörudeild Epal Skeifunni.
Vinnutími: klukkan 10-18 mánudaga til föstudaga og aðra hverja helgi.
Skemmtilegt starf í boði.
Við leitum að fagurkerum sem hafa reynslu af afgreiðslustörfum, ríka þjónustulund, hæfni í mannlegum samskiptum, eru skipulagðir, sjálfstæðir og metnaðarfullir í vinnubrögðum.
Vinsamlegast sendið umsókn með starfsferilskrá og upplýsingum um meðmælendur fyrir 7. ágúst til elisabet@epal.is
Klassíski CH24 / Y-stóllinn er heimþekktur og er jafnframt frægasta hönnun Hans J. Wegner (sem hannaði yfir 500 stóla á sinni lífstíð). Frá því að fyrsti stóllinn var framleiddur árið 1950 hefur Y-stóllinn verið gerður úr sömu 14 pörtum sem krefjast yfir 100 ólíkra vinnslustiga og um það bil 3 vikur í undirbúning.
Stóllinn er úr við og er að mestu leyti handgerður, þar á meðal er setan handofin úr 120 metrum af sterkum pappírsþræði sem á að duga í allt að 50 ár. Hans J. Wegner hannaði stólinn fyrir Carl Hansen & Søn árið 1949, og hefur hann verið óslitið í framleiðslu frá 1950. Stóllinn heitir í raun CH24 en er kallaður Y-stóllinn á íslensku og óskabeinsstóllinn á ensku, eða Wishbone chair.
Við bjóðum nú upp á 20% afslátt af útihúsgögnum frá Skagerak og Cane-line*. Takmarkað magn í boði, kíktu við hjá okkur í Epal Skeifunni og sjáðu úrvalið. 20% afsláttur af öllu sem til er á lager og 10% afsláttur af pöntunum.
Núna er tíminn til að draga fram útihúsgögnin og njóta veðurblíðunnar í garðinum eða á pallinum. Í Epal finnur þú úrval af glæsilegum og klassískum útihúsgögnum úr miklum gæðum sem endast vel og þola íslenskt veðurfar. Á meðal okkar fremstu fyrirtækja í útihúsgögnum eru dönsku fyrirtækin Skagerak og Cane-line.
Skagerak er danskt fjölskyldurekið hönnunarfyrirtæki stofnað árið 1976 sem framleiðir gæða húsgögn og smávöru með áherslu á framúrskarandi handverk og klassíska hönnun. Skagerak uppfyllir hæstu gæðastaðla þegar kemur að umhverfi, ábyrgð og gagnsæi og nota þau aðeins FSC vottaðan við í framleiðslu sína. Útihúsgögnin eru í klassískum skandinavískum stíl og má þar nefna Drachmann línuna sem er sérstaklega falleg.
Caneline er danskt hönnunarfyrirtæki með yfir 30 ára reynslu í hönnun og framleiðslu á hagnýtum og þægilegum húsgögnum. Caneline framleiðir hágæða viðhaldsfrí útihúsgögn sem þola vel veður, vind og frost. Caneline hefur hlotið fjöldan allan af verðlaunum í flokki útihúsgagna fyrir gæði og fallega hönnun.
Vörurnar eru hannaðar með skandinavíska sumardaga í huga þar sem að útihúsgögnin fullkomna stemminguna. Hönnuðir Caneline hafa haft það að leiðarljósi að láta aldrei útlit víkja fyrir notagildi, og eru húsgögnin því bæði falleg og þægileg.
Verið velkomin í verslun okkar, Skeifunni 6 og fáðu ráðgjöf við valið á gæða útihúsgögnum.
Við kynnum frábært tilboð á Ash sófum frá danska húsgagnaframleiðandanum Eilersen* sem gildir til 31. desember 2019.
Ash sófarnir koma í fjölmörgum stærðum og með mismunandi áklæðum og því auðvelt að útbúa sófa sem hentar þér og þínu heimili. Ash sófinn er í klassískum skandinavískum stíl ásamt því að vera einstaklega þægilegur sem er einmitt það sem Eilersen eru þekktastir fyrir.
Danski húsgagnaframleiðandinn Eilersen eru heimsþekktir í dag fyrir gæði og góða hönnun, en sögu þeirra má rekja aftur til ársins 1895.
Áherslur Eilersen hafa breyst með tímanum og framleiða þeir í dag hágæða bólstruð húsgögn sem þykja með þeim allra vönduðustu. Í dag rekur fjórða kynslóð Eilersen fjölskyldunnar verksmiðjuna sem einbeitir sér að hönnun og smíði á gæða sófum sem njóta mikilla vinsælda um heim allann fyrir einstök gæði og fallega hönnun.
Verið velkomin til okkar í Epal Skeifunni og kynnið ykkur gæði Eilersen sófanna.
