Blogg, Epal, Hönnunarmars, Íslensk Hönnun, Viðburðir

HönnunarMars : Heimsfrumsýning á lunda frá Normann Copenhagen

Posted on by blogg

Skemmtilegt viðtal birtist við Eyjólf Pálsson stofnanda Epal á Vísir.is í tengslum við HönnunarMars. Viðtalið tók Þórarinn Þórarinsson og er endurbirt hér að neðan. 

“Eyjólfur Pálsson, Epal sjálfur, leikur venju samkvæmt á als oddi á HönnunarMars. Heimsþekktir íslenskir hönnuðir verða áberandi í Epal og þar heimsfrumsýnir Eyjólfur nýjan fugl, sem Normann Cop­enhagen sérpantaði frá vini hans, Sigurjóni Pálssyni.

Eyjólfur Pálsson, húsgagnahönnuður og stofnandi Epal, er einn þeirra sem ruddu hönnunarvöru braut inn á íslenskan markað þegar hann stofnaði verslunina fyrir 44 árum. Hann er því vitaskuld í essinu sínu í HönnunarMars en þetta er í ellefta sinn sem hann og hans fólk tekur þátt í þeirri hönnunargleði.

Óhætt er að segja að óvenju mikið verði um dýrðir í Epal að þessu sinni en á morgun verður opnað nýtt sýningarrými í versluninni í Skeifunni þar sem verk íslenskra hönnuða sem slegið hafa í gegn á heimsvísu verða í forgrunni.

„Við höfum alla tíð stutt íslenska hönnuði og lagt okkur fram um að hjálpa þeim við að koma verkum sínum á framfæri og í framleiðslu,“ segir Eyjólfur og bætir við að í ár hafi verið ákveðið að vekja sérstaka athygli á alþjóðlega viðurkenndri íslenskri hönnun. Ekki síst til þess að draga fram hversu víða hróður íslenskra hönnuða hefur borist.

Mynd af Eyjólfi:  FRÉTTABLAÐIÐ/STEFÁN

Mynd af lunda: Gunnar Sverrisson

Ráðist í brúarbyggingu

Á annan tug íslenskra hönnuða hafa breitt úr sér á 120 fermetrum í Epal þar sem hönnun þeirra verður til sýnis frá og með deginum í dag. „Þetta er eiginlega bara brú á milli tveggja bita hérna yfir versluninni,“ segir Eyjólfur.

„Við vorum svo heppin að við vorum nýbúin að fá þetta samþykkt þegar samgönguáætlun ríkisstjórnarinnar var sett af stað þannig að þá drifum við bara í því að byggja brú hérna innanhúss.“

Eyjólfur er ekki síst spenntur fyrir því að heimsfrumsýna nýjan lunda eftir vin sinn Sigurjón Pálsson, sem hefur gert stormandi lukku víða um lönd með sínum rómuðu fuglum. „Það er mikill heiður að fá að frumsýna lundann, sem margir hafa beðið lengi eftir,“ segir Eyjólfur.

Eyjólfur segir engin bein tengsl milli lundans sem verður afhjúpaður í dag og lundabúðafársins í Reykjavík. Þvert á móti er um sérpöntun frá Normann Copenhagen að ræða.

„Þeir báðu hann um að gera lunda fyrir sig og það er ekki oft sem erlendur framleiðandi biður hönnuði svona sérstaklega um að gera eitthvað,“ segir Eyjólfur og setur vinsældir fugla Sigurjóns í tölulegt samhengi.

„Það er væntanlega búið að selja 250.000 vaðfugla og ég hugsa að verðmæti þeirra í útsölu sé svona einn og hálfur milljarður.“

Eyjólfur neitar því ekki að hann sé spenntur fyrir því að fá loks að afhjúpa lundann sem var fullskapaður fyrir nokkru en ákveðið var að bíða eftir rétta tækifærinu til þess að sleppa honum lausum.

„Það er nú svolítið síðan ég fékk að sjá hann,“ segir Eyjólfur. „En ég nýt þeirra forréttinda að ég fæ almennt mjög oft að sjá hluti sem ég má bara ekki segja frá. Það er stundum rosalega erfitt þegar hausinn er fullur af einhverju sem maður má ekki tala um.“

Eyjólfur segir það í raun merkilegt hversu margir íslenskir hönnuðir hafa náð langt á vettvangi alþjóða og starfi eða hafi starfað hjá mörgum þekktustu og virtustu hönnunarfyrirtækjum heims.

„Ég get nefnt sem dæmi að Hlynur V. Atlason, sem starfar í New York og hannaði nýverið glæsilega vörulínu fyrir ercol. Feðginin Kolbrún Leósdóttir og Leó Jóhannsson búa í Stokkhólmi og hanna fyrir Skipper Furniture í Danmörku og Guðmundur Lúðvík hannar fyrir Fredericia Furniture í Kaupmannahöfn.“

Að ógleymdri Siggu Heimis sem „nær óþarfi er að kynna en hún hannar núna fallega hjartaspegla og allur ágóði af sölu þeirra fer til Sjónarhóls.“

Verið velkomin á HönnunarMars í Epal dagana 28. – 31. mars.

 

Blogg, Hönnunarmars, Íslensk Hönnun, Viðburðir

HönnunarMars : S. Stefánsson & co

Posted on by blogg

Epal tekur þátt í HönnunarMars ellefta árið í röð með vandaðri sýningu á íslenskri hönnun. Að þessu sinni er athyglinni beint að fjölbreyttum hóp íslenskra hönnuða sem hafa náð góðum árangri á sínu sviði bæði hérlendis og erlendis, enda hefur verslunin haft það að leiðarljósi frá stofnun að auka skilning og virðingu fyrir hönnun á Íslandi.

Stefánsson Studios er á meðal sýnenda í Epal á HönnunarMars. 

Stefánsson Studios er sjálfbært vörumerki hannað af Birtu Ísólfsdóttur. Aðal áhersla merkisins er hinn fágæti íslenski æðardúnn. Hugmyndafræði S. Stefánsson Studios á rætur sínar að rekja 60 ár aftur í tímann þegar hjónin Sæmundur Stefánsson og Úlla Knúdsen hófurækt við æðarfuglinn í Hrísey í Eyjarfirði. Einstakt samband hefur myndast milli manna og villtrar náttúru, í þessu tilfelli æðarfuglsins, þar sem fuglinn sækir í vernd mannsins og fjölgar sér á þeim svæðum þar sem dúnnin er týndur. Leitumst við eftir að auka verðmætasköpun fágætrar landbúnaðarafurðar og varpa um leið ljósi á þá möguleika sem liggja í samstarfi sem hefur gagnkvæman ávinning við villta náttúru.

Lítil vöruþróun hefur fylgt öflun æðardúns á Íslandi sem og annarstaðar og nánast öll uppskera íslenskra bænda er flutt úr landi sem hrávara og nýtt í sængur. Erum við því afar stolt að kynna fágæta vörulínu okkar yfirhafnir og trefla einangraða með íslenskum æðardún, minimalísk hönnun sem leyfir hráefninu að njóta sín til fulls. Allar vörur okkar eru framleiddar á Íslandi.

HönnunarMars í Epal stendur yfir dagana 28. – 31. mars.

Blogg

HönnunarMars : Morra

Posted on by blogg

Epal tekur þátt í HönnunarMars ellefta árið í röð með vandaðri sýningu á íslenskri hönnun. Að þessu sinni er athyglinni beint að fjölbreyttum hóp íslenskra hönnuða sem hafa náð góðum árangri á sínu sviði bæði hérlendis og erlendis, enda hefur verslunin haft það að leiðarljósi frá stofnun að auka skilning og virðingu fyrir hönnun á Íslandi.

Morra er á meðal sýnenda í Epal á HönnunarMars og sýnir nýjar vörur. 

Fyrsta lína Morra kom út fyrir jól og samanstóð af silkislæðum með myndskreytingum úr íslenskri flóru. Hið alþjóðlega „blómaprent“ var heimfært með því að nota íslensk smáblóm í bland við harðeskjulegar jurtir og slæðinga sem mynduðu skrautlega blómasveiga. Fyrir Hönnunarmars í ár verður þetta myndmál þróað áfram í prentverkum í takmörkuðu upplagi sem verða sýnd ásamt slæðunum.

Signý Þórhallsdóttir er hönnuðurinn á bakvið Morra. Signý útskrifaðist úr Listaháskóla Íslands 2011 og hefur síðan þá unnið hjá ýmsum hönnuðum í London, þ.á.m. Vivienne Westwood, þar sem hún starfaði í þrjú ár við að hanna fatnað og munstur. Signý leitast við að starfa á mörkum fata-og prenthönnunar, og vinnur nú að eigin verkefnum á Íslandi, þar sem hún sækir innblástur í mynd- og nytjalist, tískusögu og íslenska náttúru.

HönnunarMars í Epal stendur yfir dagana 28. – 31. mars.

Blogg, Hönnunarmars, Íslensk Hönnun, Viðburðir

HönnunarMars: ANNA THORUNN

Posted on by blogg

HönnunarMars hefst í Epal í dag með opnunarhófi á milli kl. 17 – 19. Epal tekur þátt í HönnunarMars ellefta árið í röð með vandaðri sýningu á íslenskri hönnun. Að þessu sinni er athyglinni beint að fjölbreyttum hóp íslenskra hönnuða sem hafa náð góðum árangri á sínu sviði bæði hérlendis og erlendis, enda hefur verslunin haft það að leiðarljósi frá stofnun að auka skilning og virðingu fyrir hönnun á Íslandi.

Hönnunarmerkið ANNA THORUNN var stofnað af Önnu Þórunni Hauksdóttur við útskrift frá Listaháskóla Íslands árið 2007. Vörurnar eru hannaðar og framleiddar út frá innblástri af eigin upplifun og tilfinningum. Hönnunin byggist á einskonar ástríðuferðalagi sem Anna Þórunn leggur í sem part af hönnunarferlinu. Ferlið endar svo með hlut sem hefur ekki einungis notagildi heldur vekur einnig upp tilfinningar hjá notandanum.

ANNA THORUNN er á meðal sýnenda í Epal á HönnunarMars og sýnir nýjar vörur – 

Ottobre

Hugmyndin af sófaborðinu Ottobre kemur frá skúlptúrum í allri sinn mynd.

Hugsunin að hafa efni fyrir framan sig sem hægt er að vinna með og gera að sínu jafnvel tvinna saman ólíkum efnum með ólíkri efniskennd bæði sjómrænu og áþreifanlegu hljómar afar spennandi.

Efnin tvö sem eru notuð er í Ottobre er spegill sem virkar eins og fljótandi efni sem drekkur í sig umhverfið og hvern einasta sólargeisla meðan viðurinn er stöðugur og jarðtengdur,virkar eins og massi sem enginn getur hreyft við. Einskonar ying og yang.

Bliss

Formið á Bliss er mjúkt og áreynslulaust en kúlu formið hefur ávallt heillað mig. Í æsku eignaðist ég spegil með slíku formi sem hafði verið vinsæll á áttunda áratugnum en svo skemmtilega vildi til að ég rakst á hann  á flóamarkaði og einhvern veginn festis hann í huga mér og vasinn Bliss varð til. Vasinn er nútímalegur með smá yfirbragð áttunda áratugarins sem gefur hverju rými aukna gleði og hamingju. Hver er þín hamingja?

Kimati 

Hugmyndin af Kimati kemur út frá vöntun á fallegri, tímalausri og praktískri hirslu fyrir eyrnalokka. Með Kimati er auðvelt að halda skipulagi á eyrnalokkunum og þannig geta gengið að þeim vísum. Fyrir þægindi er spegill í loki hirslunnar sem auðveldar að setja lokkana á sig.

 

Verið velkomin á HönnunarMars í Epal dagana 28. – 31. mars.

Blogg, Heimsókn, Íslensk Hönnun, Viðburðir

HönnunarMars : Íklædd arkitektúr

Posted on by blogg

Epal tekur þátt í HönnunarMars ellefta árið í röð með vandaðri sýningu á íslenskri hönnun.
Að þessu sinni er athyglinni beint að fjölbreyttum hóp íslenskra hönnuða sem hafa náð góðum árangri á sínu sviði bæði hérlendis og erlendis, enda hefur verslunin haft það að leiðarljósi frá stofnun að auka skilning og virðingu fyrir hönnun á Íslandi.

Sýningin í Epal opnar miðvikudaginn 27. mars kl. 17:00 – 19:00.

Nemendur á þriðja ári í fatahönnun verða með spennandi sýningu og gjörning hér á opnun HönnunarMars sem kallast „Íklædd arkitektúr“ og er undir stjórn Katrínar Káradóttur og Dainius Bendikas. Verkin eru unnin upp úr efnum af gömlum lager Epal frá textílframleiðandanum Kvadrat, sem eru á mörkum arkitektúrs og fatahönnunar.

Innsetningin Íklædd arkitektúr er samstarfsverkefni 3. árs nema í fatahönnun og 1. árs nema á alþjóðlegri samtímadansbraut. 

Í verkefninu Íklædd arkitektúr var lögð áhersla á að dýpka skilning og þekkingu fatahönnunarnema á faginu. Innblásturs var leitað frá hinu virta fyrirtæki Kvadrat sem framleiðir fyrst og fremst textíl til innanhúsnotkunar. Unnið var í samstarfi við Epal og gaf fyrirtækið nemendum 100 m af efnum af eldri lager gardínuefna danska textílframleiðandans sem þekktur er um allan heim fyrir framúrskarandi hönnun og gæði í framleiðslu. 

Fatahönnunarnemar kynntu afrakstur námskeiðsins fyrir dansnemum, sýndu hönnunarverk og gáfu þeim innsýn inn í rannsóknarvinnu sína. Dansnemarnir unnu svo nokkra ördansa út frá þremur verkum, með tilliti til forms, efnis og hreyfieiginleika hvers þeirra.

Afrakstur verkefnisins verður sýndur í heild sinni á opnun sýningar Epal á HönnunarMars.

Nemendur í fatahönnun: Sigmundur Páll Freysteinsson, Kristín Áskelsdóttir, Steinunn Stefánsdóttir,Ingerð Tórmóðsdóttir Jönsson, Julie Mölgard Jensen, Sigríður Ágústa Finnbogadóttir, Þ. Sunneva Elfarsdóttir 

Nemendur í samtímadansi undir leiðsögn Ásgeirs Helga Magnússonar: Bjartey Elín Hauksdóttir, Mathilde Mensink, Mira Jochimsen.

Verið velkomin á HönnunarMars í Epal dagana 28. – 31. mars.

Blogg

HönnunarMars í Epal Skeifunni dagana 28. – 31. mars

Posted on by blogg

Á HönnunarMars í Epal verður til sýnis úrval af áhugaverðri hönnun eftir fjölbreyttan hóp íslenskra hönnuða sem hafa náð góðum árangri á sínu sviði bæði hérlendis og erlendis.

„Við höfum alla tíð stutt íslenska hönnuði og lagt okkur fram um að hjálpa þeim við að koma verkum sínum á framfæri og í framleiðslu. Hluti af því er þátttaka í HönnunarMars og í ár viljum við vekja athygli á alþjóðlega viðurkenndri íslenskri hönnun, því oft gerum við okkur ekki grein fyrir því hversu víða íslensk hönnun berst,“ segir Eyjólfur Pálsson, stofnandi og eigandi Epal. Sýningin í Epal opnar miðvikudaginn 27. mars kl. 17:00.

Heimsfrumsýning á nýjum lunda


Á sýningunni verða vel á annan tug hönnuða en þar verður jafnframt heimsfrumsýning á nýjum fugli eftir Sigurjón Pálsson, lunda sem framleiddur er af Normann Copenhagen.
„Það er mikill heiður að fá að frumsýna lundan, sem margir hafa beðið lengi eftir,“ segir Eyjólfur og bendir á að það sé í raun merkilegt hversu margir íslenskir hönnuðir hafa starfað og starfi hjá þekktustu og virtustu hönnunarfyrirtækjum heims: „Ég get nefnt sem dæmi að Hlynur V. Atlason, sem starfar í New York, hannaði nýverið glæsilega vörulínu fyrir ercol og feðginin Kolbrún Leósdóttir og Leó Jóhannsson, sem búa í Stokkhólmi, hanna fyrir Skipper Furniture í Danmörku og Guðmundur Lúðvík hannar fyrir Fredericia Furniture í Kaupmannahöfn. Það er nær óþarfi að kynna Siggu Heimis en hún er nú að hanna fallega hjartaspegla og fer allur ágóði af sölu þeirra til Sjónarhóls.“

 

„Íklædd arkitektúr“

Í Epal verður einnig til sýnis nemendasýning 3. árs fatahönnunarnema Listaháskóla Íslands „Íklædd arkitektúr“ undir stjórn Katrínar Káradóttir og Dainius Bendikas.

Innsetningin Íklædd arkitektúr er samstarfsverkefni 3. árs nema í fatahönnun og 1. árs nema á alþjóðlegri samtímadansbraut. 

Í verkefninu Íklædd arkitektúr var lögð áhersla á að dýpka skilning og þekkingu fatahönnunarnema á faginu. Innblásturs var leitað frá hinu virta fyrirtæki Kvadrat sem framleiðir fyrst og fremst textíl til innanhúsnotkunar. Unnið var í samstarfi við Epal og gaf fyrirtækið nemendum 100 m af efnum af eldri lager gardínuefna danska textílframleiðandans sem þekktur er um allan heim fyrir framúrskarandi hönnun og gæði í framleiðslu. 

Fatahönnunarnemar kynntu afrakstur námskeiðsins fyrir dansnemum, sýndu hönnunarverk og gáfu þeim innsýn inn í rannsóknarvinnu sína. Dansnemarnir unnu svo nokkra ördansa út frá þremur verkum, með tilliti til forms, efnis og hreyfieiginleika hvers þeirra.

Afrakstur verkefnisins verður sýndur í heild sinni á opnun sýningar Epal á HönnunarMars. Gjörningurinn stendur í um 30 mínútur og verður sýndur tvisvar meðan á opnuninni stendur.

Nemendur í fatahönnun: Sigmundur Páll Freysteinsson, Kristín Áskelsdóttir, Steinunn Stefánsdóttir,Ingerð Tórmóðsdóttir Jönsson, Julie Mölgard Jensen, Sigríður Ágústa Finnbogadóttir, Þ. Sunneva Elfarsdóttir 

Nemendur í samtímadansi undir leiðsögn Ásgeirs Helga Magnússonar: Bjartey Elín Hauksdóttir, Mathilde Mensink, Mira Jochimsen

 

Hönnunarmars í Epal stendur yfir dagana 28. – 31. mars 2019.
Opnunarhóf miðvikudaginn 27. mars kl. 17–19. Allir velkomnir.

Blogg, Epal, Íslensk Hönnun

100 ára fæðingarafmæli Sveins Kjarvals

Posted on by blogg

Í tilefni af því að eitthundrað ár eru liðin frá fæðingu Sveins Kjarvals miðvikudaginn 20. mars nk. mun Dr. Arndís S. Árnadóttir flytja fyrirlestur um verk hans og störf. Fyrirlesturinn fer fram í kirkju Óháða safnaðarins, Háteigsvegi 56 kl. 20 en Sveinn hannaði meðal annars kirkjubekkina í þessa fallegu kirkju.

Sveinn Kjarval (1919 – 1981) var sannkallaður frumkvöðull í húsgagna- og innanhússhönnun á Íslandi. Hann hannaði innréttingar fyrir Þjóðminjasafnið, bókasafnið á Bessastöðum, veitingahúsið Naustið og kaffistofuna Tröð svo eitthvað sé nefnt auk fjölda vandaðra húsgagna sem enn í dag eru eftirsótt. Hönnunarsafn Íslands á um fimmtíu muni eftir Svein og mun standa fyrir sýningu á ævistarfi hans seinna á árinu.

Fyrirlesturinn fer fram miðvikudaginn 20. mars kl. 20.00 og er í boði Hönnunarsafns Íslands.

Blogg, Nýjungar

Nýir og glæsilegir Múmín bollar bætast í safnið

Posted on by blogg

Við kynnum glæsilega nýja línu af Múmínborðbúnaði sem myndskreyttur er með sögunni um ósýnilega barnið Ninny annars vegar og Múmínsnáðanum hins vegar. Ninny kemur fram í smásögunni The Invisible Child, sem er hluti af sögusafninu Tales from Moominvalley eftir Tove Jansson og var fyrst gefið út árið 1962. Myndefnið af Múmínsnáðanum er úr myndasögu sem kallast Moomin and the Martians og er frá árinu 1957.

Báðar línurnar innihalda krús, skál og disk, en ein Evra af hverjum seldum Ninny eða Múmínsnáðabolla hér á landi árið 2019 mun renna til Barnaheilla – Save the Children á Íslandi.

Sögur um mikilvægi umhyggjunnar

Í sögu Tove Jansson um ósýnilega barnið fær Múmínfjölskyldan gest í heimsókn, hana Ninny litlu. Ninny varð ósýnileg þar sem hún var svo hrædd við fyrrum umsjónaraðila sinn sem kom mjög illa fram við hana. Hún þorir ekki að tala, leika sér eða hlæja. Einu hljóðin sem koma frá henni eru í bjöllu á hálsinum á henni.

Múmínfjölskyldan býður stúlkunni inn á heimilið sitt og hugsar vel um hana þannig að Ninny fer smám saman að fá sjálfstraustið til baka og verða meira og meira sýnileg. Fljótlega sjá þau litlar tær birtast í stiganum og svo í kjölfarið fótleggina. Dagarnir líða og enn eru þau ekki farin að sjá andlit hennar.

Múmínsnáðinn forvitni og hugulsami reynir allt sem hann getur til að hjálpa Ninny. Hann hvetur hana áfram og reynir að kenna henni alla leiki sem hann kann. Smám saman fer litla andlitið hennar að birtast þegar hún fær hugrekki til að tjá tilfinningar sínar.

Myndefnið í sögunni um Múmínsnáðann fjallar um Marsbúa sem er týndur. Múmínfjölskyldan heyrir viðvörun í útvarpinu um fljúgandi fyrirbæri sem nálgast jörðina og skyndilega lendir það í eldhúsgarði Múmínmömmu. Múmínsnáðinn ákveður að fela Marsbúann sem leitað er að, en meira að segja lögreglan er farin að leita að honum. Í sögunni tala Marsbúinn og Múmínsnáðin saman í gegnum einhverskonar galdrakassa.

Ein Evra af hverjum seldum bolla til Barnaheilla – Save the Children á Íslandi

Framleiðandi Múmínborðbúnaðarins, Arabia, hefur ákveðið að ein evra af hverjum seldum Ninny eða Múmínsnáða bolla sem seldur verður árið 2019 muni renna til starfsemi Save the Children samtakanna á Íslandi, Finnlandi, Svíðþjóð, Danmörku og Noregi. Herferðinni er ætlað að styðja við réttindi og velferð barna. Ein evra af hverjum seldum bolla hér á landi á árinu mun því renna til Barnaheilla– Save the Children á Íslandi.

Ninny er ein af þeim Múmín persónum sem mest hefur verið óskað eftir að fái sína vörulínu. Sagan um barnið sem hefur verið misþyrmt á enn jafn vel við og er enn jafn áhrifamikil og þegar hún var skrifuð. Það er sérstök ástæða fyrir því að Ninny línan var sett á markað í ár, en samningur Sameinuðu þjóðanna um réttindi barna verður 30 ára á árinu.

Færsla – Ásbjörn Ólafsson heildssala. 

Blogg, Epal, Viðburðir

Námskeið um innanhússhönnun í Epal Skeifunni – taktu þátt!

Posted on by blogg

INNANHÚSSHÖNNUN / NÁMSKEIР

Halla Bára Gestsdóttir innanhússhönnuður kemur til okkar í Epal Skeifunni þann 13. mars og heldur námskeið um innanhússhönnun sem notið hefur gífulegra vinsælda meðal þeirra sem áhugasamir eru um innanhússhönnun og falleg híbýli.

NÁMSKEIÐ Í INNANHÚSSHÖNNUN er fyrir áhugasama, byrjendur, lengra komna og alla hina, sem vilja ná meiri færni og öryggi í að vinna með eigið umhverfi eða skapa áhugaverða umgjörð innanhúss.

“Hvernig gerum við heimilið okkar persónulegt og einstakt í okkar huga – sjálfstæð hugsun, öryggi og gleði skipta máli og við förum yfir það ásamt svo ótalmörgu öðru…”

Skráðu þig í pottinn og þú gætir unnið námskeið um innanhússhönnun sem haldið verður í Epal Skeifunni þann 13. mars kl. 18:00. 

10 heppnir einstaklingar verða dregnir út og verður þeim boðið í notalega kvöldstund ásamt léttum veitingum með Höllu Bára í Epal Skeifunni.

Skráðu þig til þátttöku með því að koma við í VIPP eldhúsinu Epal Skeifunni og skildu eftir nafn ásamt símanúmeri, dagana 26. feb – 8. mars.

Halla Bára er með meistaragráðu í innanhússhönnun frá Domus Academy í Mílanó á Ítalíu. Hún vinnur sem innanhússhönnuður og ráðgjafi að ýmsum verkefnum jafnframt því að ritstýra Home and Delicious vefsíðunni. Einnig hefur hún haldið vinsæl námskeið um innanhússhönnun sem hafa slegið í gegn.

Blogg, Nýjungar

LOVE lakkrísinn 2019 frá Lakrids by Johan Bülow

Posted on by blogg

Ef þú ert að leita að hinni fullkomnu Konudagsgjöf handa ástinni þinni þá eigum við til mikið úrval af fallegum tækifærisgjöfum. Fyrst og fremst er það LOVE lakkrísinn sjálfur frá Lakrids by Johan Bülow sem er ómótstæðilega góður og ekki skemmir fyrir hversu fallega hannaðar umbúðirnar eru. LOVE lakkrísinn er tilvalinn til að deila með ástinni sinni.

LOVE lakkrísinn er í ár annarsvegar samblanda af sætum súkkulaðihúðuðum lakkrís með jarðaberjum og rjóma, og hinsvegar er það súkkulaðihúðaður rauður lakkrís með trönuberjum. Báðir eru einfaldlega ómótstæðilega góðir og við mælum með að smakka báðar tegundir, þú verður ekki svikin/n!