Karfan er tóm
Við höfum tekið í sölu sænska merkið Formverket sem framleiðir hágæða plastmottur fyrir heimilið. Plastmottur eru þægilegar í umgengni, auðvelt að þrífa og eru með flottu nútímalegu mynstri. Verð frá 13.600 kr.
FROST Denmark var stofnað árið 2002 af Hans Jørgen Frost og er í dag þekktast fyrir margverðlaunuðu ruslatunnuna Frost Pedal bin. Ruslatunnan hefur hlotið bæði iF hönnunarverðlaunin 2018 ásamt Red Dot verðlaunin 2018 sem mætti líkja við það að hafa unnið Óskarinn í flokki hönnunar.
Epal er söluaðili FROST á Íslandi, og bjóðum við upp á frábært úrval af fallegri hönnun fyrir heimilið, þá sérstaklega fyrir baðherbergi.
FROST Pedal bin er minimalísk og klassísk í útliti, gerð úr ryðfríu stáli með mattri lakkaðri áferð. Lokið kemur með sex ólíkum áferðum til að passa vel við þitt heimili.
Tiki sófinn er glæsilegur 3 sæta sófi frá Fogia sem býður upp á mikil þægindi og stílhreint útlit. Tiki er hannaður af verðlaunahönnuðinum Andreas Engesvik einum fremsta norska hönnuðinum í dag, sem hefur m.a. hannað vörur fyrir Georg Jensen, Iittala, Hay, Muuto og Menu.
Fogia er sænskur húsgagnaframleiðandi sem hefur síðustu þrjátíu ár í samstarfi við vel valda Skandinavíska hönnuði framleitt húsgögn fyrir heimili og opinber rými um allan heim.
Létt yfirbragð sófans er einkenni hans, með háar og grannar stálfætur og passar hann vel inn á hvert heimili.
Við kynnum spennandi nýjar Múmín vörur frá Arabia, þar sem Múmínhúsið er í aðalhlutverki!
Hið hringlaga Múmínhús og hin hlýlega og notalega stofa þess eru myndefni nýju Múmínkannanna. Stærri kannan (Moominhouse) sýnir Múmínhúsið að utan og með henni fylgir sniðugt keramík lok. Minni kannan (Afternoon in parlor) sýnir Múmínhúsið að innan og hentar vel til að bera fram mjólk með kaffinu eða sósur, t.d. með eftirréttinum.
Múmínpabbi byggði Múmínhúsið alveg sjálfur og er hann þar af leiðandi einstaklega stoltur af því, en húsið hefur staðið bæði óveðursstorma og jarðskjálfta. Í húsinu búa Múmínpabbi, Múmínmamma og Múmínsnáðinn. Það er mikill gestagangur á heimili Múmínfjölskyldunnar og eru allir velkomnir. Húsið er á þremur hæðum og stofan notalega er á jarðhæðinni. Þar koma gestir og heimilisfólk saman til að njóta góðgætisins sem Múmínmamma ber fram.
Verð: Kanna (húsið 1l) 7.500 kr. og Kanna 0,35l er 3.950 kr.
SIKA DESIGN
Saga húsgagnaframleiðandans Sika Design nær aftur til fimmta áratugarins og er Sika Design í dag einn elsti “rattan” og “wicker” húsgagnaframleiðandinn í Skandinavíu.
Sika Design framleiðir handgerð húsgögn með þægindi, gæði og umhverfisvernd að leiðarljósi í allri hönnun sinni og framleiðslu. Sika Design framleiðir húsgögn eftir nokkra þekktustu og mikilvægustu hönnuði og arkitekta sem uppi hafa verið. Arne Jacobsen, Nanna og Jørgen Ditzel, Viggo Boesen og Franco Albini sem öll voru frumkvöðlar á sínum tíma fyrir formtilraunir sínar með sterka og krefjandi efnið “rattan” og “wicker”.
HANGANDI EGG
Hangandi eggið var hannað árið 1959 af Nönnu Ditzel og Jørgen Ditzel og hefur hlotið verðskuldaða athygli og viðurkenningu. Auðþekkjanlegt formið hefur síðan þá margoft verið leikið eftir, en gullöld “rattan” efniviðsins var á sjöunda áratugnum þegar hæfileikaríkir vefarar og arkitektar gerðu ýmis formfögur húsgögn úr þessum krefjandi efnivið.
PARÍSAR STÓLL
Parísar stóllinn var hannaður af engum öðrum en Arne Jacobsen og var jafnframt hans fyrsta húsgagnahönnun.
Parísar stóllinn hlaut silfurverðlaun á Art Deco sýningunni í París árið 1925 og var gerður úr “rattan”. Sika Design hóf endurframleiðslu á þessum klassíska stól árið 2014
Kíktu við hjá okkur í Epal Skeifunni og kynntu þér Sika design.
Corona stólinn var hannaður af danska húsgagnahönnuðinum Paul Volther árið 1964, og hlaut samstundis mikla athygli. Svo mikla athygli hlaut stóllinn að hann sást iðulega bregða fyrir í kvikmyndum, tískusýningum og auglýsingum og gerði stólinn samstundis af hönnunartákni. Upphafleg útgáfa stólsins var með eikarfótum en ári síðar var stóllinn endurútgefinn með stálfótum. Corona stóllinn og skemill eru í dag vinsælt val þeirra sem kjósa framúrskarandi gæði, mikil þægindi og fallega hönnun.
Við kynnum frábært tilboð af Corona stól sem áhugasamir um þessa fallegu hönnun eru hvattir til að kynna sér.
– SUMAROPNUN EPAL –
Sumarið er frábær tími, uppfullt af óvæntum boðum, afmælum, brúðkaupum og öðrum veislum. Því er betra að hafa opnunartíma EPAL á hreinu.
// Epal Skeifan
Mánudaga-föstudaga 10-18
Laugardaga LOKAÐ til 11 ágúst
// Epal Harpa
Mánudaga-föstudaga 10-18
Laugardaga 11-16
Sunnudaga 12-16
// Epal Kringlan
Mánudaga-miðvikudaga 10-18.30
Fimmtudaga 10-21
Laugardaga 10-18
Sunnudaga 13-18
// Epal Laugavegi
Opið alla daga frá 10-19
Er brúðkaup í vændum?
Skráðu brúðargjafalistann í EPAL og við drögum út mánaðarlega í sumar heppin brúðhjón sem vinna glæsilega brúðargjöf.
PH5 ljós frá Louis Poulsen, Sjöa frá Fritz Hansen eða 50.000 kr. úttekt í by Lassen vörum.
Við bjóðum væntanlegum brúðhjónum upp á þá þjónustu að útbúa gjafalista hjá okkur, það auðveldar oft gestum valið á réttu gjöfinni. Skráðu brúðargjafalistann í Epal og við gefum væntanlegum brúðhjónum fyrstu gjöfina ásamt afsláttarkóða sem gildir í vefverslun Epal.
Hammershøi
Hammershøi línan frá Kähler er í uppáhaldi hjá fjölda viðskiptavina þegar kemur að kaupum fyrir borðhaldið og skrautmuni fyrir heimilið.
Glæsilegar rákir sem einkenna línuna eru innblásnar af upprunalegum verkum þekkta sænska listamannsins Svend Hammershøi sem gerð voru í upphafi 20. aldar á verkstæði Kähler í danska bænum, Næstved.
Sérhver vara í Hammershøi línunni er niðurstaða vandlegra athugana um notagildi hlutanna, staðsetningu ráka, val á réttum litum ásamt heildar jafnvægi á hönnuninni. Á hverjum degi á verkstæði Kähler eru þessi grundvallaratriði samtvinnuð framúrskarandi handverki og góðum gæðum.
Hönnuðurinn á bakvið Hammershøi línuna, Hans-Christian Bauer, tekst meistaralega að hanna nýjar vörur fyrir línuna, og er hver ný vara ítarlega skoðuð með notagildi í huga, staðsetningu ráka og síðast en ekki síst jafnvægi og heildarútlit hönnunarinnar. Þessar sígildu og vandlega hugsuðu rákir mynda andstæðu við mjúkar útlínurnar, sem gefa hönnuninni lífræna eiginleika og jafnvægi sem gerir Hammershøi línunni kleift að samtvinnast annari hönnun einstaklega vel á nútíma heimili.
Keramík og glerhönnuðurinn Inga Elín hannar þessa fallegu veltibolla sem nú fást í öllum verslunum Epal. Bollarnir eru handmálaðir og hver og einn því einstakur. Verð: 5.900 kr.-
