blogg, Author at Epal - Page 54 of 99

Blogg, Gjafahugmyndir

JÓLAGJÖFIN Í ÁR: PANTHELLA MINI

Posted on 09/12/201627/06/2023 by blogg

Panthella er klassískur lampi hannaður af Verner Panton árið 1971 fyrir Louis Poulsen. Panthella er ein vinsælasta hönnun Verner Panton og fæst bæði sem gólflampi og borðlampi.

Nýlega kynnti Louis Poulsen nýja útgáfu af lampanum eftir upprunalegum teikningum Verner Panton, Panthella mini sem kemur í fjölmörgum nýjum og spennandi litum, með nýjustu LED tækni og með skerm úr áli sem var upphafleg hugmynd hönnuðarins. Upprunalegi Panthella lampinn er með akrýl skermi sem hleypir birtunni fallega í gegn en vegna tæknilegra takmarkana var ekki hægt á þeim tíma að framleiða lampann með ál skermi sem var ósk Verner Panton.

Á meðan að flestir danskir arkitektar á sjötta og sjöunda áratugnum unnu mest með við og önnur náttúruleg efni skar Verner Panton sig úr hópnum og dálæti hans fyrir nýjum efnum gerði hann að sérfræðing í notkun á stáli, plasti, trefjagleri og plexígleri. Verner Panton var frumkvöðull og var einnig langt á undan sinni samtíð með hönnun sinni sem einkenndist af hringlaga og lífrænum formum.

Panthella mini fæst því núna í 8 litum sem allir eru valdir útfrá litahugmyndum Verner Panton úr síðasta verkinu hans áður en hann lést árið 1998, það var sýningin „Lyset og Farven“ í Trapholt nútímalistasafninu í Kolding, Damörku. Litirnir eru gulur, rauður, fjólublár, rauður, bleikur, blár ásamt tveimur grænum litum. Panthella mini er einnig til í hvítu, svörtu ásamt hvítu með akrýl skermi.

Panthella mini er 250 mm á hæð á meðan að upprunalegi borðlampinn frá árinu 1971 er 400 mm á hæð.

Kynningarverð er 39.800 kr. –

Blogg, Jól

2016 JÓLAÓRÓINN FRÁ NOX

Posted on 06/12/201627/06/2023 by blogg

NOX jólaóróinn er hannaður af Jóhannesi Arnljóts Ottóssyni, gullsmið og skartgripahönnuði og er óróinn í ár skreyttur fallegum ref. Óróinn kom út í fyrsta sinn jólin 2014 og var þá jafnframt fyrsti íslenski jólaóróinn á markaðinn og var hann þá skreyttur hreindýri og árið 2015 var hann skreyttur rjúpu. Íslendingar eru vel kunnir jólaóróum og eru fjölmargir sem safna slíkum og er því einstaklega skemmtilegt að geta boðið upp á íslenska og vandaða jólaóróa.

Óróinn er úr gull eða silfurhúðuðu sinki og kemur í fallegri öskju með svörtum silkiborða sem á stendur Gleðileg jól á öllum norðurlandamálunum og aftan á er þýska, spænska og enska. Nox jólaóróinn er einstök íslensk hönnun sem gaman er að safna.

Blogg, Jól

KÆRLEIKSKÚLA & JÓLAÓRÓINN 2016

Posted on 05/12/201627/06/2023 by blogg

Að þessu sinni er það myndlistamaðurinn Sigurður Árni Sigurðsson sem hannar kærleikskúluna en hún hefur fengið nafnið Sýn. Jólaóróinn, sem í ár er sveinninn Pottaskefill, er svo túlkaður af Signýju Kolbeinsdóttur, vöruhönnuði og einum eigenda Tulipop og Snæbirni Ragnarssyni, í Skálmöld. Signý hannar óróann og Snæbjörn yrkir kvæði um sveininn.

Styrktarfélag lamaðra og fatlaðra hefur staðið að útgáfu Kærleikskúlunnar frá árinu 2003 og eru kúlurnar því orðnar þrettán talsins. Frá upphafi hafa kúlurnar fengið frábærar viðtökur landsmanna enda um að ræða einstakt safn listaverka eftir marga þekktustu listamenn okkar Íslendinga. Listamenn Kærleikskúlunnar hafa allir gefið vinnu sína og þannig stutt dyggilega við starf í þágu fatlaðra barna og ungmenna.

TILGANGUR

Tilgangurinn með sölu Kærleikskúlunnar er að auðga líf fatlaðra barna og ungmenna, með því að efla starfsemi Reykjadals. Gera þannig fleirum mögulegt að njóta þar ævintýra tilverunnar í hópi með jafnöldrum – eignast vini og dýrmætar minningar.

Ár hvert fær Kærleikskúlan nýtt útlit – og er verkið í höndum fremstu listamanna þjóðarinnar. Í grunninn er Kærleikskúlan tær eins og kærleikurinn – með borða í rauðum lit, lit jólanna og kærleikans. Kærleikskúlan er blásin og eru því engar tvær kúlur nákvæmlega eins, en allar fallegar hver á sinn hátt. Kærleikskúlan kemur í kassa og fylgir henni bæklingur. Litir bæklinsins eru svartur og silfraður. Svartur táknar árstímann og silfraður birtuna sem er svo lýsandi fyrir boðskap jólanna.

Verð Kærleikskúlunnar er kr. 4.900,- og Pottaskefils kr. 3.500,-. Allur ágóði rennur til starfs í þágu fatlaðra barna og ungmenna og leggja verslanirnar málefninu því mikilvægt lið.

Blogg, Jól

JÓLABORÐIÐ : IHANNA HOME

Posted on 24/11/201627/06/2023 by blogg

Jólaandinn mun svífa yfir í desember  og fáum við til okkar fjóra hönnuði og stílista sem munu dekka jólaborð í hverri viku fram að jólum í Epal Skeifunni. IHANNA HOME dekkaði upp jólaborðið í Epal vikuna 24. nóvember – 1. desember.

IHANNA HOME er íslenskt hönnunarfyrirtæki sem hannar og framleiðir gæðavörur með einfaldleika og notagildi að leiðarljósi. Fyrirtækið var stofnað árið 2008 þegar Krummi herðatré leit dagsins ljós. Vörur IHANNA HOME eru seldar í fjölda fallegra verslana á Íslandi auk þess að vera til sölu víða um heim.

Ingibjörg Hanna Bjarnadóttir hönnuður IHANNA HOME ásamt Iðunni Sveinsdóttur sölu- og markaðstjóra fyrirtækisins lögðu á borð og sitja fyrir svörum.

Hvernig er stíllinn á borðinu?

Stíllinn er hlýr og hátíðlegur en á sama tíma myndum við segja að hann sé stílhreinn.

Að hverju er gott að huga þegar dekkað er upp hátíðarborð?

Það er fallegt að skreyta borðið með einhverju lifandi eins blómum og greinum sem gefa borðinu alltaf mikið líf. Einnig mælum við með að velja fallegar servíettur til að leggja á borðið með og við völdum á okkar borð Forest servíettur frá IHANNA HOME. Það er einnig gott að huga að litaþema og að hafa jafnvægi í skreytingunum, að raða t.d. ekki öllu skrauti á sama stað.

Hvaðan eru hlutirnir?

Aðventukertastjaki og glervasar eru frá Menu, og stendur á Kubus bakka. Matarstell ásamt glösum eru frá Iittala og hnífapörin eru eftir Arne Jacobsen og koma frá Georg Jensen.

Viðarbakkinn heitir Sunrise og er frá Anna Thorunn og á honum standa glös og karafla frá Ferm Living. Servíettur, sniglar og værðarvoðir koma frá IHANNA HOME.

Óflokkað

NÝTT: STJAKI FRÁ HAF STUDIO

Posted on 21/11/201621/11/2016 by blogg

Við vorum að fá til okkar fallegan aðventustjaka í takmörkuðu upplagi sem nota má allan ársins hring úr smiðju HAF studio sem hjónin Hafsteinn Júlíusson og Karitas Sveinsdóttir standa að baki.

Stjaki er einfaldur en margnota kertastjaki sem hannaður er bæði fyrir venjuleg kerti og sprittkerti. Stjaki er hugsaður fyrir öll tilefni og gaman er að skreyta hann eftir árstíðum. Passa þarf uppá að fara aldrei frá honum með logandi kertum, líkt og við á um aðra kertastjaka. Stjaki er gerður úr stáli sem er pólýhúðað og hönnun og öll framleiðsla fer fram á Íslandi.

Ljósmyndir : Gunnar Sverrisson

Blogg

SÉRFRÆÐINGUR FRÁ EILERSEN Í EPAL UM HELGINA

Posted on 21/11/2016 by blogg

Sérfræðingur frá danska húsgagnaframleiðandanum Eilersen verður hjá okkur helgina 24. – 26. nóvember og í tilefni þess bjóðum við upp á 15% afslátt af öllum sófum frá Eilersen. Einnig bjóðum við upp á frábær tilboð á High Box sófum til 31. desember.

High box sófarnir koma í fjölmörgum stærðum og með mismunandi áklæðum og því auðvelt að útbúa sófa sem hentar þér og þínu heimili. High box sófinn er í klassískum skandinavískum stíl ásamt því að vera einstaklega þægilegur sem er einmitt það sem Eilersen eru þekktastir fyrir.

Danski húsgagnaframleiðandinn Eilersen eru heimsþekktir í dag fyrir gæði og góða hönnun, en sögu þeirra má rekja aftur til ársins 1895 þegar hinn ungi Niels Eilersen starfaði sem hestakerrusmiður. Hann var sá fyrsti í Danmörku til að nota gufu til að beygja við, en þá aðferð notaði hann til að smíða kerruhjólin. Þegar sá tími kom að bílar tóku við af hestukerrum hóf Eilersen verksmiðjan að smíða sæti í bíla og rútur. Þegar að verksmiðjan brann til kaldra kola árið 1934 breyttust áherslur Eilersen algjörlega sem hóf þá að framleiða hágæða bólstruð húsgögn sem í dag þykja með þeim allra vönduðustu. Í dag rekur fjórða kynslóð Eilersen fjölskyldunnar verksmiðjuna sem einbeitir sér að hönnun og smíði á gæða sófum sem njóta mikilla vinsælda í dag um heim allann fyrir einstök gæði og fallega hönnun.

Verið velkomin til okkar í Epal Skeifunni og kynnið ykkur gæði Eilersen sófanna.

Blogg

SOFÐU VEL UM JÓLIN

Posted on 17/11/2016 by blogg

Sofðu vel um jólin í rúmi frá Jensen.

Nú fer hver að verða síðastur til að leggja inn pöntun fyrir nýju hágæðarúmi frá Jensen fyrir þá sem vilja fá afhent fyrir jól, en það eru aðeins nokkrir dagar til stefnu. Verið velkomin í verslun okkar í Skeifunni 6 og sjáið glæsilegan sýningarsal á efri hæð verslunar okkar þar sem hægt er að kynna sér Jensen rúmin betur og fá aðstoð sérfræðings. Leggja þarf inn pöntun fyrir þriðjudaginn 22. nóvember til að tryggja þér góðan svefn um jólin.

Jensen hefur framleitt gæðarúm frá árinu 1947 og hafa þeir hlotið verðlaun frá norska hönnunarráðinu fyrir þægindi, framleiðslu og góða hönnun.
Öll framleiðsla og hönnun fer fram í Noregi og eru rúmin sérsniðin hverjum og einum viðskiptavini með ótal möguleikum varðandi gormakerfi, yfirdýnur, áklæði, fætur, liti og allt útlit rúmsins, einnig er afhendingartími stuttur. Hægt er að velja stillanlegt rúm, Kontinental og boxdýnur ásamt því að Jensen er með úrval af yfirdýnum.
Öll rúm frá Jensen eru með 5 ára ábyrgð og 25 ára ábyrgð á rúmbotnum og gormakerfi.

ProEXR File Description =Attributes= channels (chlist) compression (compression): Zip dataWindow (box2i): [0, 0, 8175, 6131] displayWindow (box2i): [0, 0, 8175, 6131] lineOrder (lineOrder): Increasing Y nuke/full_layer_names (int): 0 nuke/node_hash (string): "b78d7eb4735714ee" nuke/version (string): "9.0v3" pixelAspectRatio (float): 1 screenWindowCenter (v2f): [0, 0] screenWindowWidth (float): 1 type (string): "scanlineimage" version (int): 1 =Channels= A (half) B (half) G (half) MM1.blue (half) MM1.green (half) MM1.red (half) MM2.blue (half) MM2.green (half) MM2.red (half) MM3.blue (half) MM3.green (half) MM3.red (half) R (half) VRayDiffuseFilter.blue (half) VRayDiffuseFilter.green (half) VRayDiffuseFilter.red (half) VRayReflection.blue (half) VRayReflection.green (half) VRayReflection.red (half)

Blogg, Jól

FALLEG JÓLALJÓS FRÁ LE KLINT

Posted on 11/11/201627/06/2023 by blogg

Jólaljósin frá danska hönnunarframleiðandanum Le Klint koma svo sannarlega með jólaandann inn á heimilið og gefa þau frá sér milda og fallega birtu. Jólaljósin eru sérstaklega falleg og lýsa upp skammdegið og koma þau einstaklega vel út sem jólaskraut í glugga. Við eigum ljósin til í verslun okkar í Epal Skeifunni, kíktu við og sjáðu frábært úrval af fallegum jólavörum.

Jólaljósin frá Le Klint fást í Epal Skeifunni. Verð frá 14.900 kr, sjá hér.

Fylgist endilega með Epal á snapchat og á instagram til að sjá á bakvið tjöldin. Þið finnið okkur undir nafninu: epaldesign.

Blogg

FRÁBÆR TILBOÐ Á KVADRAT EFNUM

Posted on 10/11/201610/11/2016 by blogg

Ekki missa af frábæru tiboði af völdum gardínuefnum frá Kvadrat á aðeins 2.000 kr. metrinn. Kíktu við í sýningarsal okkar í Epal Skeifunni og sjáðu úrvalið.

Kvadrat er heimsþekktur og leiðandi textílframleiðandi í Evrópu sem framleiðir hágæða og nútímalegan textíl fyrir heimili og opinberar byggingar til að mynda áklæði á húsgögn og í gardínur.

Hönnun Kvadrat endurspeglar sérstaka áherslu þeirra að ýta við fagurfræðilegum, tæknilegum og listrænum mörkum í þeirra geira og einkennist hönnun þeirra af einfaldleika, litum og nýsköpun

Textíll frá Kvadrat spilar stórt hlutverk í mörgum þekktustu byggingum heims eins og Swiss Re í London, MoMa í New York, Walt Disney tónlistarhöllin í Los Angeles, Reichstag í Berlín, Guggenheim í Bilbao og Guangzhou Óperu húsið í China. Ásamt því vinnur Kvadrat reglulega með leiðandi hönnuðum, arkitektum og listamönnum, og má þar nefna Alfredo Häberli, Akira Minagawa, Tord Boontje, Patricia Urquiola, Ólafur Elíasson og Ronan og Erwan Bouroullec.

Blogg

10 MILLJÓNIR AF TRIPP TRAPP: HÁTÍÐARÚTGÁFA

Posted on 09/11/201609/11/2016 by blogg

Barnavöruframleiðandinn Stokke fagnar því um þessar mundir að 10 milljón eintök af klassíska og heimsþekkta stólnum Tripp Trapp hafa verið framleidd. Til að fagna þessum merka áfanga kynnir Stokke hátíðarútgáfu af Tripp Trapp í mattri eik, með áletrun hönnnuðarins ásamt fallegum smáatriðum. Svartur eikarstóllinn er með rósagylltum festingum og stöng á meðan að hvíta eikin er með festingum og stöng með málmáferð.

Stóllinn sem hannaður var árið 1972 af Peter Opsvik er einstakur fyrir þær sakir að hann er fyrsti stóllinn sem hannaður var með það í huga að geta vaxið með barninu. Þegar að Peter Opsvik hóf að hanna Tripp Trapp stólinn var hans markmið að hanna stól sem börn á öllum aldri gætu setið á við matarborðið með olnboga í borðhæð.

Sæti og fótskemil stólsins er hægt að stilla á þann hátt að hann vex með barninu og gengur stóllinn kynslóða á milli. Tripp Trapp stólinn geta fullorðnir einnig notað og þolir hann allt að 85 kg.