blogg, Author at Epal - Page 71 of 100

Sjöan sem hönnuð var af Arne Jacobsen árið 1955 er í dag mest seldi stóll í heiminum og hefur selst í fleiri en 7 milljónum eintaka. Fritz Hansen fagnar í ár sextíu ára afmæli stólsins og fékk því til liðs við sig danska listamanninn Tal R til að velja 9 nýja liti á stólinn. Nýju litirnir fá þig til að sjá stólinn í nýju ljósi og munu þeir heilla nýjar kynslóðir.

Tal R er ekki ókunnugur hönnunarframleiðandanum Fritz Hansen sem fékk hann einnig til liðs við sig á fimmtíu ára afmælisári Eggsins. Tal R hefur haldið listasýningar víðsvegar um heiminn og er í sérstöku uppáhaldi hjá dönsku konungsfjölskyldunni sem fékk hann til að útbúa listaverk fyrir vetrarheimili þeirra, Amalíuborg í Kaupmannahöfn.

Stólarnir eru komnir í Epal, komdu við og skoðaðu úrvalið.

Blogg

VEGGPUNT

Posted on 18/08/2015 by blogg

Við bjóðum upp á gott úrval af allskyns veggpunti; fatahengi, snaga, klukkur, veggvasa, veggkertastjaka og ýmislegt fleira. Puntaðu veggi heimilisins með þessum flottu vörum,

Stropp frá By Lassen, fæst hér í vefverslun.

Gym hankar frá HAY, fást hér í vefverslun.

POV veggkertastjakar frá Menu, fást hér í vefverslun.

Dots snagar frá Muuto, fást hér í vefverslun.

Pocket veggvasar frá Normann Copenhagen, fást hér í vefverslun.

Dropit snagar frá Normann Copenhagen, fást hér í vefverslun.

Volet snagar frá HAY, fást hér í vefverslun.

Snigill frá Ihanna home, fæst hér í vefverslun.

Ohook snagi frá Helgo, fást hér í vefverslun.

Þetta og svo margt fleira, kíktu við og sjáðu úrvalið!

Blogg

SÉRSTÖK AFMÆLISÚTGÁFA AF VAÐFUGLI

Posted on 14/08/2015 by blogg

Húsgagnahönnuðurinn Sigurjón Pálsson hannaði Vaðfugla (Shorebird) sem framleiddir eru af Normann Copenhagen, fuglarnir hafa vakið mikla athygli frá því þeir komu í sölu fyrir stuttu síðan og njóta mikilla vinsælda. Í tilefni af 40 ára afmæli Epal var gefin út sérstök afmælisútgáfa af Vaðfuglinum sem kemur í takmörkuðu upplagi, rauður og fallegur.

Sigurjón Pálsson er þriðji íslenski hönnuðurinn til að fá hönnun sína framleidda af hönnunarfyrirtækinu Normann Copenhagen en vörur þeirra eru seldar um heim allan og hafa unnið til fjölmargra virtra hönnunarverðlauna.

Fyrirmyndirnar sótti Sigurjón í íslensku vaðfuglana, spóa, stelk og sendling.

Nældu þér í fallega íslenska hönnun sem kemur í takmörkuðu upplagi.

Blogg

FLOTTAR SKÓLAVÖRUR Í EPAL

Posted on 10/08/2015 by blogg

Það styttist í að skólarnir byrji aftur!
Við erum með gott úrval af flottum vörum til að hressa upp á skrifborðið eða skólatöskuna. Stílabækur, drykkjarflöskur, skipulagsmöppur, penna, nestisbox og svo margt fleira.
Einnig gott úrval af smart skólavörum fyrir börnin.

Blogg

ERTU KLÁR Í SKÓLANN?

Posted on 06/08/2015 by blogg

Um helgina verður veittur 15% afsláttur af öllum Tulipop vörum! Tilvalið er að nýta sér afsláttinn fyrir skólakrakkana því Tulipop er með frábært úrval af allskyns skólavörum, töskum, pennaveskjum, nestisboxum, blíantasettum, minnisbókum ásamt mörgu öðru litríku og skemmtilegu.

Afslátturinn gildir frá föstudegi til sunnudags í öllum verslunum Epal og einnig í vefverslun.

Falleg íslensk hönnun fyrir káta skólakrakka.

Komdu við og sjáðu úrvalið frá Tulipop!

Blogg

NÝTT & SPENNANDI FRÁ MENU

Posted on 06/08/2015 by blogg

Danska hönnunarfyrirtækið Menu var stofnað árið 1976 og hefur það hlotið mikla athygli undanfarið fyrir ferskt vöruúrval sitt og samstarf við suma hæfileikaríkustu hönnuði heims. Stíllinn er minimalískur með skandinavísku ívafi og er því ekki að furða hversu mikillar velgengni þau njóta. Við vorum að fá margar nýjar og spennandi vörur frá Menu og hér að neðan má sjá nokkrar þeirra.

Round box er fallegt eikarbox sem hentar vel til að geyma í t.d. skartgripi, lykla og síma

Tumbler eru skemmtilegar vekjaraklukkur sem þarf einungis að snúa við til að slökkva á vekjaranum

Töffaraleg skál úr steypu

Spoonless eru skemmtilega hönnuð ílát með þann tilgang að leysa skeiðina af í ýmsum tilfellum, t.d. til að hella múslíinu yfir jógúrtið, hella te í tesíu eða sykri í kaffið

Menu fæst í Epal.

Blogg

NÝTT Í EPAL: ANNE BLACK

Posted on 28/07/2015 by blogg

Anne Black er danskur keramíkhönnuður sem hannar fallegar vörur fyrir heimilið úr postulíni. Hönnun Anne Black er afar eftirsótt í Danmörku og er hver hlutur 100% handgerður úr gæða postulíni. Anne Black er nýtt merki hjá okkur í Epal og inniheldur vörulínan hennar meðal annars hangandi blómapotta, blómavasa, krukkur, bolla og litríka snaga úr postulíni.

Anne Black er elegant og tímalaus hönnun fyrir heimilið, komdu við í Epal og sjáðu úrvalið.

Blogg

VILTU VINNA STACKED HILLU FRÁ MUUTO?

Posted on 24/07/2015 by blogg

Stacked hillurnar frá Muuto eru ein þekktasta hönnunin þeirra en Muuto er ungt hönnunarfyrirtæki sem er þó orðið þekkt á alþjóðlegum vettvangi sem leiðandi fyrir Skandinavíska hönnun.

Stacked eru hannaðar af Julien De Smedt sem er heimsþekktur arkitekt sem hlotið hefur meðal annars hin eftirsóttu verðlaun Golden Lion þá aðeins 29 ára gamall en verðlaunin hlaut hann fyrir heimsins bestu tónleikahöll, fleiri verk eftir Julien má sjá hér.

Stacked eru bráðsniðugar hillur sem hægt er að raða saman á óteljandi vegu, hillurnar eru klemmdar saman svo auðvelt er að breyta uppröðuninni en hægt er að nota Stacked sem hefðbunda bókahillu, hliðarborð, jafnvel sem millivegg eða annað sem þér dettur í hug! Í tilefni 40 ára afmælis Epal verður 20% afsláttur af öllum pöntunum af Stacked hillunum í júní og júlí. Einnig verður skemmtileg samkeppni í tilefni afmælisins. Raðaðu saman Stacked hillunum eftir þinni hugmynd og Epal gefur einum aðila þá uppstillingu í gjöf *. Hægt er að útfæra þína hugmynd www.epal.is/samkeppni.

Sendu svo þína hugmynd á sverrir@epal.is *ekki þarf að ganga frá pöntun til að taka þátt í samkeppninni.

Hér að neðan má sjá hugmyndir af flottum uppstillingum af Stacked hillunum.

Blogg

EPAL Í FRAMTÍÐINNI

Posted on 22/07/201523/07/2015 by blogg

Epal í framtíðinni séð með augum 12 hönnuða og listamanna.

Ég féll strax fyrir þeirri hugmynd að fagna afmælisári Epal með skemmtilegum plakötum. Þar sem við ætlum að halda upp á afmælið í heilt ár varð það úr að við fengum 12 hönnuði og listamenn til liðs við okkur. Hópurinn fékk strax viðurnefnið Postularnir 12, enda samþykktu þau öll að breiða fagnaðarerindið út með okkur. Afraksturinn er 12 skemmtileg veggspjöld sem sýna hvert Epal gæti stefnt í framtíðinni. Hvernig lítur tímalaus hönnun út með tímanum? Nú er niðurstaðan fundin! Um leið og ég þakka Postulunum kærlega fyrir að bregða á leik með okkur  býð ég ykkur hinum að njóta vel.

Með 40 ára afmæliskveðju,

Eyjólfur Pálsson, stofnandi Epal.

ÁMUNDI SIGURÐSSON

Þann sextánda júlí 2055, á 80 ára afmælinu, opnar Epal sitt fyrsta útibú í Hong Kong.

BJÖRN VALDIMARSSON

Hugmyndin er að í framtíðinni verði hægt að nota snjallsíma til að varpa þrívíðri mynd (hologram) af Epalvörum til að skoða þær í réttu umhverfi. Þannig verður hægt að sjá hluti, húsgögn
og aðrar vörur þar sem þeim er ætlað að vera og prófa liti og útfærslur áður en keypt er.

GODDUR

Hugsunin er að veggspjaldið fari á einhvern hátt fjörtíu ár aftur í tímann – sé í nútímanum og sjónaukanum sé beint að blokkaríbúðunum sem leynast í bakgrunni veggspjaldsins og hýsa það sem EPAL stendur fyrir. Nú þarf að að nota ímyndunaraflið, aðaltæki mannsins við að sjá það óorðna, mögulegan raunveruleika
í framtíðinni. Það er bara hægt einn dag í einu og gerist af sjálfu sér.
Framtíðarsýnir í áratugum hafa aldrei reynst nákvæmar – það er enginn einn sem ræður því.

HALLDÓR BALDURSSON

Framtíðartryllirinn Epal

HJALTI KARLSSON

INGIBJÖRG HANNA

Eftir að hafa velt fyrir mér hvað framtíðin ber í skauti sér fyrir Epal ákvað ég að líta á stjörnukortið / stjörnuspána og þetta var það sem ég sá.

ÍSAK WINTHER

AFTUR TIL FRAMTÍÐAR
Epal hefur staðið fyrir framúrskarandi hönnun og gæði í 40 ár, eða um 14.600 daga. Grunnur sem mun endurspeglast í framtíðinni.

JÓN ARI HELGASON

Það er eitt sem við vitum nokkurn veginn með vissu um fjölskyldufyrirtæki eins og Epal – Einhvern tímann í náinni framtíð tekur næsta kynslóð við. Það lá því beinast við að fá fulltrúa af yngstu kynslóðinni til liðs við mig og splæsa í það sem gæti verið dýrasta portrait allra tíma.

Úr Montana hillum.

SIGRÚN SIGVALDARDÓTTIR

Hugmyndin vísar í að jákvæð og skapandi verk unnin í dag eru hugsuð til framtíðar.

SNÆFRÍÐUR OG HILDIGUNNUR

This way up. That way down. It is all in the mind. Vegferðin á sér einkum stað í huganum

HALLGRÍMUR HELGASON

Mynd tekin á Samsung-síma í Skeifunni 6 og bláum himni fleytt inn á húsvegginn með s-pennanum. Þannig verður Epal rauð sól á himninum yfir Everest. “Epal for Ever-est”

Screen Shot 2015-07-22 at 23.26.29