Viðardýr Kay Bojesen njóta mikilla vinsælda hjá hönnunaraðdáendum um heim allan en þar trónir hæst apinn sem hannaður var árið 1951. Um miðjan apríl kemur spennandi nýjung í safnið en það er sebrahesturinn sem upphaflega var hannaður árið 1935.
Falleg hönnun sem mun án efa slá í gegn.
Tolomeo lampinn var hannaður af Michele De Lucchi og Giancarlo Fassina árið 1986 fyrir ítalska hönnunarframleiðandann Artemide. Tolomeo lampinn er ítalskt hönnunartákn, einstaklega fallegur og stenst tímans tönn. Í tilefni þess að Artemide var að bætast við vöruúrval okkar bjóðum við upp á kynningartilboð á Tolomeo standlömpum.
Tolomeo lamparnir njóta mikilla vinsælda og eru þeir framleiddir í mörgum útfærslum eins og sjá má hér að neðan.
Kíktu við í verslun okkar og skoðaðu úrvalið.
Hönnunarmerkið Lucie Kaas var stofnað árið 2012 með það að markmiði að framleiða fallegar og tímalausar hönnunarvörur. Eitt fyrsta verk þeirra var að hefja endurframleiðslu á þekktri Skandinavískri hönnun, þar má nefna Lótus stellið sem hannað var árið 1963 af norska listamanninum Arne Clausen. Í vöruúrvali þeirra má meðal annars finna fallegt keramík og skemmtileg viðardýr til að skreyta heimilið með.
Nýjasta viðbótin frá Lucie Kaas er fallegt keramík í anda Lyngby postulínsins.
Kíktu við í verslun okkar og skoðaðu úrvalið.
Ekki missa af þessu frábæra tilboði á takmörkuðu magni af Maur og Grand Prix stólunum eftir Arne Jacobsen frá Fritz Hansen. -Stólarnir eru til í mörgum litum.
Það þekkja flestir Maurinn sem hannaður var af Arne Jacobsen árið 1952, en stólinn má finna í mörgum opinberum byggingum um allan heim ásamt því að finnast á fjölmörgum heimilum. Arne Jacobsen hannaði stólinn upphaflega fyrir matsal danska lyfjarisans Novo Nordic og var fyrsta útgáfa Maursins 3100 þá með aðeins þremur löppum. Árið 1980 hóf Fritz Hansen framleiðslu á nýrri útgáfu stólsins 3101, þar sem fjórðu löppinni hafði þá verið bætt við. Maurinn er léttur og þægilegur stóll sem framleiddur hefur verið í ótal litaafbrigðum.
Grand Prix stóllinn eftir Arne Jacobsen var fyrst kynntur til sögunnar árið 1957 en þá hét hann Model 3130. Sama ár var stóllinn sýndur á hönnunarsýningu í Mílanó þar sem hann hlaut ‘Grand Prix’ verðlaun sýningarinnar, eða það besta af sýningunni, nafnið festist við stólinn og þekkja nú hann flestir sem Grand Prix. Þrátt fyrir þessa glæstu viðurkenningu þá hefur minna farið fyrir stólnum en bræðrum hans, Sjöunni og Maurnum sem flestir þekkja, en Grand Prix gefur þeim þó ekkert eftir í formfegurð sinni og gæðahönnun. Upphaflega var stóllinn hannaður með viðar og -stálfótum, og var framleiddur í þeim útgáfum í nokkur ár eða þar til Fritz Hansen hætti framleiðslu á stólnum. Árið 1991 hófu þeir aftur framleiðslu á Grand Prix en þá aðeins með viðarfótum sem var þó aftur tekinn úr framleiðslu fjórum árum síðar. Í dag er stóllinn framleiddur með krómhúðuðum stálfótum í beyki, valhnotu og kemur í 9 litum.
Einstaklega fallegir stólar og klassísk hönnun.
Stólarnir kosta á tilboðsverði 39.800 kr.
Brilliant er lína af litlum fallegum glerboxum frá Normann Copenhagen sem hönnuð eru með það í huga að geyma smáhluti sem við höldum upp á. Boxin eru þó sniðug undir margt annað, í þeim er hægt að geyma bómull, lykla, klink, sykurmola eða jafnvel sælgæti. Brilliant boxin koma í tveimur stærðum og í nokkrum litum.
Brilliant boxin eru komin í Epal.
Love lakkrísinn frá Lakrids by Johan Bulow er komin í verslanir okkar. Einstaklega ljúffengir lakkrísmolar sem eru einnig frábær tækifærisgjöf.
Það er mikið af fallegum vörum að finna í væntanlegri vor og sumarlínu frá Ferm Living. Danska hönnunarfyrirtækið birti á dögunum nýjan bækling þar sem finna má myndir af línunni en bæklingurinn veitir svo sannarlega innblástur.
Vor og sumarlínan frá Ferm Living er mjög falleg en hægt er að skoða bæklinginn í heild sinni hér.
Vörur sem finna má hér að ofan eru væntanlegar með vorinu, fylgist endilega með á Facebook síðunni okkar en þar birtast tilkynningar varðandi nýjungar og skemmtilega viðburði.
Vefsíða danska Bo bedre tók saman nokkrar flottar myndir af Instagram frá heimilum lesenda sinna þar sem sjá má ólíka notkun á Montana hillum, sjá hér. Merkið endilega myndir á Instagram með merkinu #epaldesign og myndirnar ykkar gætu birst á Epal blogginu:)
Góð
Við erum byrjuð að taka á móti umsóknum fyrir Hönnunarmars.
Hlökkum til að heyra frá þér!
Frönsku hönnuðurnir og bræðurnir Ronan og Erwan Bouroullec hönnuðu nýlega vasana Ruutu fyrir Iittala. Ruutu sem þýðir demantur eða ferhyrningur á finnsku er lína af fallegum vösum sem koma í fimm stærðum og sjö mismunandi litum. Hægt er að leika sér með uppröðun vasanna og vinna með litasamsetningar. Um hönnun vasanna segja bræðurnir, “We were seeking to express the purity of glass blowing in this simple diamond shape, glass is a material that likes round shapes. By developing the strict shape we are reaching the limits of the material.”
Ruutu er ein af nokkrum spennandi nýjungum sem Iittala færir okkur á þessu ári.
