Húsgagnahönnuðurinn Sigurjón Pálsson hannaði þessa fallegu vaðfugla sem danska hönnunarfyrirtækið Normann Copenhagen framleiðir. Fyrirmyndirnar sótti Sigurjón í íslensku vaðfuglana, spóa, stelk og sendling.
Shorebirds koma í þremur stærðum og í fjórum mismunandi litum.
Steinunn Vala Sigfúsdóttir hönnuður hjá Hring eftir hring dekkaði upp jólaborðið að þessu sinni. Fram að jólum munu áhugaverðir hönnuðir koma til okkar í Epal og sýna hugmyndir af uppdekkuðu borði, öll verða þau ólík og ættu því allir að geta fundið innblástur við sitt hæfi.
Jólaborðið dekkaði hún upp í minimalískum stíl og með það í huga að hægt er að raða saman hlutum úr ólíkum stellum sem að þó myndar eina heild. Steinunn Vala segist aðspurð einmitt eiga von á fjölskyldunni sinni í matarboð á aðfangadagskvöld en eigi þó ekki nógu marga hluti úr sama stellinu og því sé þetta góð lausn sem skapi einnig skemmtilega stemmingu. Hægt er að nota ýmsa hluti sem borðskreytingar sem finna má á heimilinu ásamt því er hægt að klippa greinar eða taka jurtir úr garðinum til að setja punktinn yfir i-ið. Á greinarnar má gjarnan vefja rauðum eða gylltum þræði til að setja þær í jólabúninginn. Ódýr og falleg lausn!
Á miðju borðinu má sjá fallegan kertastjaka frá Georg Jensen sem stendur á bakka eftir Finn Juhl.
Viðarfuglarnir eru frá Architect made, glösin frá Hay og snapsglösin eru frá Iittala.
Stellið er frá Iittala og gylltu skálarnar eru frá Tom Dixon.
Ævintýralegir skartgripir Steinunnar Völu hafa verið að gera það gott allt frá því að hún stofnaði skartgripafyrirtæki sitt árið 2009. Skartgripirnir eru allir handgerðir og eru ýmist gerðir úr leir, keramík eða við. Steinunn Vala hannar bæði litrík og falleg hálsmen, hringa og eyrnalokka og er hver gripur einstakur.
Íslenska hönnunarfyrirtækið Tulipop var að senda frá sér þessa ævintýralegu vegglímmiða sem sóma sér vel í herbergjum barnanna.
Bats & Ghosts
Cherry Blossom
Moon & Stars límmiðarnir glóa í myrkri!
Bubble er litríkur og skemmtilegur
Þetta eru flottir límmiðar til að skreyta barnaherbergið með og einnig eru þeir tilvaldir í jólapakkann!
Eftir fjölmargar fyrirspurnir er borðið Hylur eftir Guðrúnu Valdimarsdóttur loksins komið í sölu.
Borðið var frumsýnt á Hönnunarmars fyrr á árinu og vakti það mikla athygli. Borðið státar af mjög sterkum og einföldum línum, það er úr hnotu og með hvítum borðplötum, en síðast en ekki síst leynist geymsluhólf aftast á borðplötunni sem felur allar snúrur, hleðslutæki og fjöltengi sem virðast fylgja nútíma lífi.
“Það var fyrir um tveimur árum að ég byrjaði að hanna Hyl því mig vantaði sjálfri skrifborð á heimaskrifsstofuna mína sem er innaf stofunni og ég þurfti því fallegt og nett borð og ég vildi alls ekki hafa snúruflóð hangandi niður á gólf. Ég leitaði vel og lengi að hentugu borði áður en ég ákvað að ráðast í verkefnið sjálf að hanna það og láta framleiða, en það er GKS sem hefur séð um framleiðsluna og gert það mjög vel.” segir Guðrún Valdimarsdóttir um hugmyndina að borðinu.
Fyrr á árinu hlaut Guðrún styrk frá Hönnunarsjóði fyrir áframhaldandi þróun og hönnunarvinnu að fleiri húsgögnum í sömu línu og Hylur og er því sagan ekki öll.
Einstaklega falleg íslensk hönnun sem nú fæst í Epal.
Haukur Már Hauksson er hönnuðurinn á bakvið litríka snaga sem bera heitið Skvetta. Snagarnir eru skemmtilegir í laginu og koma í fimm litum sem hönnuðurinn kallar vatn, mjólk, súkkulaði, jarðaberjasjeik og slím. Skvetta lífgar svo sannarlega upp á rýmið, hvort sem það sé forstofan, svefnherbergið eða barnaherbergið.
Skvetta kostar 12.500 kr.
Spilið Hver stal kökunni úr krúsinni? er jólaspil fyrir alla fjölskylduna sem snýst um að finna hinn alræmda kökuþjóf. Ef þú lendir hins vegar í því að vera kökuþjófurinn og halda á tómu krúsinni er um að gera að koma öllum hinum leikmönnunum sem fyrst úr leik eða þjófkenna einhvern annan með því að lauma tómu krúsinni til hans.
Spilin eru skreytt þjóðlegu bakkelsi, eins og kleinum, laufabrauði og randalínum og síðan koma líka ýmsar lummur við sögu sem breyta gangi leiksins. Leikmenn geta verið 3-7 og hver umferð tekur 1-8 mínútur svo hægt er að spila magar umferðir í röð.
Hver stal kökunni úr krúsinni? er sniðug möndlugjöf og falleg jólagjöf.
Innblásturinn fyrir spilið er barnaklappleikur sem margir kannast við er hljómar svona: Hver stal kökunni úr krúsinni í gær? Númer þrjú stal kökunni úr krúsinni í gær. // Ha, ég? // Já, þú! // Ekki satt! // Hver þá? // Númer fimm stal kökunni úr krúsinni í gær…
Embla Vigfúsdóttir útskrifaðist með meistaragráðu í leikjahönnun frá Danmarks Design Skole í janúar 2014. Áður lærði hún vöruhönnun við Listaháskóla Íslands. Hún hefur unnið að mörgum ólíkum verkum, meðal annars gefið út barnabókina Loðmar árið 2010, hannað spilið WonderWars fyrir UNESCO og síðast í Hönnunarmars starfrækt veitingastaðinn Pantið Áhrifin, þar sem réttir eru pantaðir út frá áhrifum hans á líkamann
Næstu 6 daga stendur yfir söfnun á vefsíðunni Karolina Fund þar sem safnað verður fyrir prentkostnaðinum á spilinu. Við hvetjum ykkur til að styrkja þetta skemmtilega verkefni:)
Hér má finna vefsíðu söfnunarinnar.
STRING hillukerfið var hannað árið 1949 af Nils Strinning. Hillurnar hafa síðan þá orðið að nokkurskonar hönnunartákni en ástæðurnar fyrir því eru nokkrar. Hillurnar þykja afar hentugar og auðvelt er að bæta við skápum og hillum að vild og sérsníða String hillurnar að þínum þörfum. Hillurnar koma í nokkrum útgáfum og er þekktasta útgáfan String með umgjörð úr málmi en einnig má fá þær með glærri plastumgjörð fyrir látlausara útlit.
String hillurnar eru afar stöðugar og standast tímans tönn.
String Pocket eru litlar og nettar vegghillur sem koma í nokkrum litum og henta vel undir smáhluti.
String hillur með plastumgjörð koma einstaklega vel út.
Eins og sjá má er hægt að nýta String hillurnar á ýmsa vegu, sem vinnuaðstöðu, í eldhúsið, í svefnherbergið, í stofuna og einnig í barnaherbergið.
Helgina 6.-8.nóvember verður sérfræðingur frá String í verslun okkar og í tilefni þess veitum við 15% afslátt af öllum String hillum ásamt því að afsláttur verður veittur af öllum pöntunum á String.
Iittala Taika stellið er einstaklega fallegt með ævintýralegum myndskreytingum eftir Klaus Haapaniemi.
Í byrjun árs 2014 var bætt við textílínu og má þá fá t.d. fallega myndskreytt viskastykki og servíettur.
Einnig bendum við á einstaklega smekkleg smákökubox úr línunni fyrir jólin:)
Helgarbrunchinn verður sérstaklega ljúffengur þegar lagt er fallega á borð,
Iittala Taika stellið er einstaklega fallegt og kemur það í nokkrum litum.
Góða helgi!
Flott í jólapakkann í ár!
