blogg, Author at Epal - Page 84 of 100

UMHVERFISVÆN HÖNNUN: MATER

Posted on 29/09/2014 by blogg

Við vorum að hefja sölu á fallegum hönnunarvörum frá danska fyrirtækinu Mater.

Mater (sem þýðir móðir á latínu) er leiðandi hönnunarframleiðandi á heimsvísu, Mater er mjög umhverfisvænt og um leið siðferðislega og samfélagslega ábyrgt fyrirtæki.

Það var árið 2007 sem Henrik Marstrand stofnandi Mater kynnti í fyrsta sinn fyrirtæki sitt á hönnunarsýningunni Maison & Objet í París, hans hugsýn var að framleiða framúrskarandi og tímalausa hönnun sem framleidd væri á umhverfisvænan hátt, með virðingu fyrir fólki og handverki.

Barstóllinn High stool er t.d. framleiddur úr FSC vottuðum við en í FCS vottuðum skógi (Forest Stewarship Council) eru engin tré felld nema skógurinn ráði við að framleiða sama magn. Þar að auki tryggir FSC að annar gróður hljóti ekki skaða af ásamt því að fólkið sem starfar í skóginum er tryggt menntun, vinnuöryggi og sanngjörn laun. www.fsc.org

Bowl Table eru einstaklega falleg stofuborð sem framleidd eru úr umhverfisvænum mangóvið og smíðuð á Indlandi.

Mater er frábær viðbót við vöruúrval okkar í Epal.

Mater.dk

Blogg

HEIMSÓKN UM HELGINA & HAPPDRÆTTI

Posted on 24/09/201428/09/2014 by blogg

3 sérfræðingar verða hjá okkur núna um helgina, fimmtudag, föstudag og laugardag 25. – 27. september.

Sérfræðingarnir verða frá fyrirtækjunum Republic of Fritz Hansen, Montana og Carl Hansen & son. Einnig munum við hafa happdrætti fyrir okkar viðskiptavini þar sem við munum draga út 3 heppna sem geta unnið, Montana einingu, Dropann frá Fritz Hansen eða Y-stól frá Carl Hansen & son.

Dropinn eftir Arne Jacobsen er glæsilegur stóll sem hannaður var árið 1958.
Montana hillueiningarnar voru hannaðar af Peter J. Lassen árið 1982.

Y-stóllinn eftir Hans J. Wegner er framleiddur af Carl Hansen & Son.

Kíktu við um helgina og fáðu ráðgjöf sérfræðinga og taktu þátt í flottu happdrætti.

Óflokkað

ÍSLENSK HÖNNUN FRÁ NORMANN COPENHAGEN

Posted on 22/09/201422/09/2014 by blogg

Húsgagnahönnuðurinn Sigurjón Pálsson hannaði þessa fallegu vaðfugla sem danska hönnunarfyrirtækið Normann Copenhagen keypti til framleiðslu fyrr á þessu ári og bera nú heitið Shorebirds. Fuglarnir eru komnir til sölu hjá okkur í Epal og hafa þeir vakið mikla athygli. Sigurjón er þriðji íslenski hönnuðurinn til að heilla Normann Copenhagen en fyrirtækið framleiðir einnig vörur eftir þær Bryndísi Bolladóttur og Helgu I. Sigurbjarnardóttur.

Fyrirmyndirnar sótti Sigurjón í íslensku vaðfuglana, spóa, stelk og sendling.

Shorebirds koma í þremur stærðum og í fjórum mismunandi litum.

Blogg

GUBI ADNET SPEGILLINN

Posted on 10/09/201410/09/2014 by blogg

Jacques Adnet (1900-1984) var franskur arkitekt og hönnuður. Ásamt því að hanna húsgögn og spegla, hannaði Adnet íbúðir og skrifstofur, meðal annars fyrir franska forsetann (Vincent Auriol) og Unseco.

Saga Adnet spegilsins fer þó aftur til ársins 1950 þegar að Jacques Adnet hóf samstarf með franska tískuhúsinu Hermés þar sem að Adnet þróaði línu af leðurklæddum húsgögnum og skrautmunum fyrir heimilið. Hann hannaði þá Adnet spegilinn fræga, sem er hringlaga leðurspegill sem hangir á leðuról.

Adnet spegillinn hentar vel á baðherbergi, á ganginn eða í hvert annað rými. Árið 2013 hóf danska hönnunarhúsið Gubi aftur framleiðslu á Adnet speglinum eftir að hafa verið ófáanlegur um tíma. Adnet spegillinn fæst núna í Epal.

Jacques Adnet er einn frægasti franski hönnuður sem uppi hefur verið og er hönnun hans enn þann dag í dag mjög eftirsótt enda tímalaus og klassísk hönnun.

Blogg

ÍSLENSK HÖNNUN FRÁ TULIPOP

Posted on 08/09/201408/09/2014 by blogg

Þessar skemmtilegu myndir eru frá íslenska hönnunarfyrirtækinu Tulipop og sýna þær vel vöruúrval þeirra.Vörurnar frá Tulipop eru glaðlegar og það er auðvelt að falla fyrir litríkum og krúttlegum fígúrunum í Tulipop ævintýraheiminum, en þar á hver fígúra sitt nafn og sinn eigin hugarheim.

Myndirnar tók Axel Sigurðarsson.

Tulipop fæst í Epal.

Blogg

Poul Henningsen: Afmælisútgáfa af PH 3½-3

Posted on 07/09/2014 by blogg

Í tilefni þess að nú eru 120 ár liðin frá fæðingu danska hönnuðarins Poul Henningsen gefur Louis Poulsen út nýja útgáfu af PH 3½-3 ljósinu fræga. Ljósið verður frumsýnt í Epal þann 9.september á fæðingardegi hönnuðarins.

Poul Henningsen leitaðist við að hanna lampa sem gefa milda birtu og eru PH-ljósin í dag auðþekkjanleg, því á þeim eru að minnsta kosti þrír skermar. Nýju PH 3½-3 ljósin eru byggð á upprunarlegum teikningum eftir Poul Henningsen frá árinu 1929 þar sem frægi þriggja laga skermurinn kemur fyrir.

Ljósið verður nú í boði í grænum, gulum, rauðum og hvítum lit með brúnlitum festingum úr kopar. Litirnir eru innblásnir af hönnuðinum sjálfum, og eru ljósin þessvegna mjög litrík.

Þrátt fyrir að PH 3½-3 ljósið sé yfir 80 ára gamalt þykir það enn í dag vera nútímalegt en þó klassískt á sama tíma, sem gerir það að verkum að það hentar mörgum ólíkum heimilum.

Þegar Poul Henningsen hannaði ljósið lagði hann áherslu á að birtan frá ljósinu skapaði ró og kæmi jafnvægi á umhverfið. PH 3½-3 ljósið veitir góða birtu og gefur hvaða heimili fallegan þokka með því einu að vera til staðar hvort sem kveikt er á ljósinu eða ekki. Það er fallegt eitt og sér eða parað saman með fleiri ljósum.

Hönnun Poul Henningsen er tímalaus og sumir ganga jafnframt svo langt að kalla hana ódauðlega.

Ljósin verða frumsýnd í Epal þann 9. september, kíktu endilega í heimsókn og sjáðu þessi einstöku ljós.

Blogg

ÍSLENSK HÖNNUN: FJÖLSKYLDAN MÍN

Posted on 05/09/201405/09/2014 by blogg

Fjölskyldan mín eru skemmtileg glös sem sköpuð voru til að brjóta upp hversdagsleikann á heimilinu. Þemað er hin íslenska fjölskylda, þjóðbúningurinn okkar, torfbæirnir, kindin og sveitin fagra sem tengja okkur fortíðinni og rótum okkar.

Þessi flottu glös voru að koma aftur í verslun okkar Epal, en þau eru hönnuð af Ingibjörgu Hönnu og Dagnýju Kristjánsdóttur.

Skemmtileg íslensk hönnun.

Blogg

NÝR & LJÚFFENGUR LAKKRÍS

Posted on 01/09/2014 by blogg

Nýr lakkrís frá Lakrids by Johan Bülow var að bætast við úrvalið og er hann sérstaklega ljúffengur. Lakkrísinn ber nafnið D og samanstendur hann af ristaðri möndlu sem hjúpuð er mjólkursúkkulaði og lakkrísdufti.

Þennan verðið þið að smakka!

Blogg

IITTALA HÖNNUN Á ÚTSÖLU

Posted on 29/08/2014 by blogg

Hönnuðurinn Harri Koskinen sá um hönnun á Meno pokanum (á finnsku þýðir orðið “to go”), pokinn kemur í þremur stærðum og er úr þæfðu Polyester efni. Hægt er að nota pokana á marga vegu, sá minnsti hentar t.d. vel undir skjöl og i-pad, miðjustærðin er frábær til að sinna daglegum erindum og hentar einnig sem verslunarpoki. Sá stærsti bíður upp á ótrúlegt geymslupláss og er jafnvel hentugur til að skella í bílinn fyrir helgarferðina. Hönnuðurinn sjálfur, Harri Koskinen, dásamar pokann og segist nota þann stærsta þegar hann fer í skíðaferðalag með fjölskyldunni.

Meno pokarnir eru á 50% afslætti fram yfir helgi, og kosta núna frá 5.100 – 9.975 kr.

Meno pokarnir eru aðeins brot af iittala vörum sem eru á 50% afslætti, kíktu við um helgina og gerðu góð kaup.

Opið laugardag og sunnudag.

Blogg

UPPRUNALEGI LYNGBY VASINN AFTUR FÁANLEGUR

Posted on 25/08/201425/08/2014 by blogg

Við erum komin með í sölu hina einu og sönnu Lyngby vasa sem upphaflega voru framleiddir á árunum 1936-1969 af postulínverksmiðjunni Denmark. Vasinn er klassísk hönnun sem hafið var endurframleiðslu á árið 2012 eftir að hafa verið ófáanlegur í 43 ár.
Við erum mjög spennt fyrir því að bæta upprunalega Lyngby vasanum við vöruúrvalið okkar og er hann framleiddur í tveimur litum, dökkgráum og hvítum. Ásamt vasanum eru einnig til falleg ílát með loki sem henta vel á kaffiborðið eða jafnvel undir skartgripi.