Blogg

CHADWICK SKRIFBORÐSSTÓLLINN

Posted on by blogg

Hönnuðurinn og frumkvöðullinn Don Chadwick hannaði skrifborðsstólinn Chadwick árið 2005 sem framleiddur er af Knoll. Chadwick hefur hlotið fjölmörg verðlaun fyrir hönnun stólsins sem er bæði góður funda- og skrifborðstóll. Chadwick stóllinn sameinar falleg form og hámarksþægindi og veitir einstaklega góðan stuðning við bak og fætur. Með einu handtaki er hægt að stilla hæð og bak stólsins, ásamt því að hækka/lækka arma eftir því hverslags verkefni er verið að vinna.

Chadwick stóllinn er á tilboði núna í Epal.

Loksins færðu stuðning í vinnunni!

Blogg

NÝTT Í EPAL: ONE NORDIC

Posted on by blogg

Við kynnum með stolti nýtt fyrirtæki í Epal, One Nordic.

One Nordic framleiðir húsgögn og fylgihluti fyrir heimilið eftir bestu norrænu hönnuðina að hverju sinni, ásamt því framleiða þeir einnig vörur eftir erlenda hönnuði sem þeirra hugmynd um hvað norræn hönnun stendur fyrir. Fyrirtækið er stundum kallað “lúxus Ikea” en vörurnar þeirra koma ósamsettar með leiðbeiningum og því ekki að furða þessa samlíkingu. Þó þarf engin verkfæri né skrúfur og ætti því að vera auðvelt fyrir hvern sem er að setja þau saman og aftur í sundur við flutninga. Það sparar kostnað við flutninga á milli landa og geta þeir því boðið upp á sanngjörn verð miðað við hágæða hönnunarvörur.

One Nordic er með puttann á púlsinum þegar kemur að trendum í hönnunarheiminum en býður einnig upp á gott úrval af klassískum vörum.


Við hvetjum ykkur til að kynna ykkur heimasíðu One Nordic; www.onenordic.com

Hægt er að panta allar vörur frá þeim.

Blogg

NÝTT FRÁ TULIPOP

Posted on by blogg

Tvær nýjar og skemmtilegar vörur frá Tulipop voru að koma á markað, en það eru minnisbækur og teygjumöppur með sætu sveppasystkinunum Bubble og Gloomy. Minnisbækurnar eru virkilega vandaðar, en í þeim eru límmiðar, og bæði auðar og línustrikaðar blaðsíður. Bækurnar eru því tilvaldar til notkunar hvort sem er sem skissubækur, minnisbækur eða dagbækur. Teygjumöppurnar eru frábærar fyrir pappírana, jafn fyrir skólakrakka sem á skrifstofuna.


Skoðið allan ævintýraheim Tulipop og sjáið alla vörulínuna á www.tulipop.is en þar má einnig lesa sögur um allar persónur Tulipop heimsins, prenta út myndir til að lita og fleira skemmtilegt. Fylgist með Tulipop á Facebook á www.facebook.com/tulipop

Tulipop vörurnar fást í Epal.

Blogg

CONRAN SHOP HEIMSÓTT

Posted on by blogg

Elísabet Ómarsdóttir innanhússarkitekt og bloggari á vefsíðunni EÓ innanhússarkitekt heimsótti nýlega fallega hönnunarverslun í París og leyfir okkur að deila myndum þaðan með ykkur.

“Conran shop í París er algjört augnakonfekt. Þar er að finna falleg gæða húsgögn, ljós, gjafavöru og allavega fylgihluti eins og töskur og úr. Vöruúrvalið er skemmtilega fjölbreytt og mjög svipað og Epal í Skeifunni býður upp á. Verslunin er með hin ýmsu fyrirtæki á sínum vegum, hin klassísku dönsku fyrirtæki eins og Fritz Hansen, Gubi, Louis Poulsen og Carl Hansen og svo mætti lengi telja. Fyrir áhugasama þá er gaman að kíkja á síðuna þeirra conranshop.fr”

Fjölbreytt úrval af stólum eins og hinn svarti Masters og glæri Victoria Ghost stóllinn frá Kartell.
Bólstraði stóllinn þar við hliðina er frá Gubi.

Stool 60 frá Artek fást í Epal, kollurinn var hannaður árið 1933 af Alvar Alto.
Í dag eru kollarnir framleiddir í allavega fallegum litum eins og sést hér að ofan.

Bertoia Diamond chair frá Knoll, hannaður árið 1952. Fyrir aftan sést í Y stólinn, hannaður af Hans J.Wegner og framleiddur af Carl Hansen.

Adnet spegilinn frá Gubi kemur líka í svörtu og þremur mismunandi stærðum. Borðlampinn heitir Panthella frá Louis Poulsen og er líka fáanlegur sem gólflampi.

Hvíti borðlampinn er frá Louis Poulsen og er einnig framleiddur sem gólflampi í nokkrum litum.

Það kemur vel út að raða Sjöunni upp og sjá alla lita og viðartónana.

PK 22 stólarnir frá Fritz Hansen í brúnu leðri.

 Svana sófinn í leðri er algjörlega ómótstæðilegur. 

CH 07 stólinn frá Carl Hansen er meira lifandi með skemmtilega munstruðu skinni.

Eggið eftir Arne Jacobsen tekur sig vel út hvar sem er!

Falleg frönsk hönnunarverslun!

Blogg

30 ÁRA AFMÆLISTILBOÐ Á MONTIS SÓFUM

Posted on by blogg

Í tilefni af 30 ára afmæli hollenska sófaframleiðandans Montis bjóðum við upp á afmælistilboð á 3,5 sæta Axel sófanum frá Montis.

Montis var stofnað árið 1974 og hafa þeir að leiðarljósi í hönnun sinni að hanna móderníska sófa með miklum þægindum.

Axel sófinn sem hannaður er af Gijs Papavoine er fullkominn sófi fyrir allar stofur. Sófinn er nokkuð hár sem gerir auðveldara fyrir að standa upp úr honum og sófafætur eru látlausar og lítið ber á þeim og mætti jafnvel halda að sófinn fljóti á gólfinu.

Einstaklega smart og þægilegur sófi sem er á frábæru tilboði! Komdu og kynntu þér Axel sófann frá Montis.

Blogg

SÉRFRÆÐINGAR FRÁ ERIK JØRGENSEN Í EPAL

Posted on by blogg

Erik Jørgensen er einn stærsti sófaframleiðandi í Skandinavíu. Erik Jørgensen stofnaði samnefnt fyrirtæki sitt árið 1954 í Svendborg í Danmörku en hann hafði áður starfað sem söðlasmiður og bólstrari, hann hafði áhuga á að snúa sér að húsgögnum og eftir að hann hafði komið sér upp verkstæði hóf hann að framleiða sófa.

Erik Jørgensen fyrirtækið hefur alltaf haldið sig við að að handgera allt sem hægt er að vinna í höndum og er það lykillinn af velgengni fyrirtækisins, þeir eru í raun lítið fyrirtæki í Danmörku en orðspor þeirra er mikið stærra. Vörulína þeirra er breið og sófa að finna í mörgum verðflokkum.

 Sófinn Delphi er einn af vinsælustu sófum fyrirtækisins, en hann er úr hágæðaleðri og endist gífurlega vel og lengi.

Sófinn Lagoon er hannaður af Hee Welling og Guðmundi Lúðvíks. Sófinn er framleiddur úr við, textíl og leiðri.

 

Helgina 6.-8.mars verða sérfræðingar frá Montana og Erik Jørgensen í verslun okkar Skeifunni 6.
40% afsláttur verður af sérvöldum einingum frá Montana og 20% afsláttur af öllum pöntunum frá bæði Montana og Erik Jørgensen.
Ekki láta þetta framhjá þér fara!

Blogg

MONTANA Á TILBOÐI

Posted on by blogg

Það er spennandi helgi framundan hjá okkur í Epal, helgina 6.-8.mars verða sérfræðingar frá Montana og Erik Jorgensen í verslun okkar Skeifunni 6.
40% afsláttur verður af sérvöldum einingum frá Montana og 20% afsláttur af öllum pöntunum frá bæði Montana og Erik Jorgensen.

Peter J. Lassen stofnaði Montana Møbler árið 1982, Montana er fjölskyldufyrirtæki og fer öll framleiðslan fram í Danmörku. Montana framleiðir hillueiningar fyrir heimili og skrifstofur. Hillurnar er hægt að móta á ýmsa vegu og koma þær í mörgum litum, því er hægt að fá hillur sem henta manni fullkomnlega og gera rýmið persónulegra.

Hér að neðan má sjá myndir af fjölbreytileika Montana hillueininganna,


Ekki láta þetta framhjá þér fara!

Blogg

TAKMARKAÐ UPPLAG : POUL HENNINGSEN PH3 ½ -3

Posted on by blogg

Í tilefni þess að danski hönnuðurinn Poul Henningsen hefði orðið 120 ára þann 9.september 2014, hefur Louis Poulsen hafið sölu á sérstakri útgáfu af ljósinu PH3 ½ -3 í takmörkuðu upplagi. Ljósið sem er eitt fyrsta ljósið úr PH seríunni er nú fáanlegt úr kopar og handblásnu gleri.

Ljósið verður einungis hægt að versla á tímabilinu 1.mars – 31.maí, og verður eftir það ófáanlegt.

Þetta einstaklega fallega ljós er nú til sýnis í verslun okkar Epal Skeifunni.

Blogg

NÝTT FRÁ SEBRA

Posted on by blogg

Sebra Interior er danskt hönnunarfyrirtæki sem hannar og framleiðir húsgögn og smávörur fyrir barnaherbergi. Fyrirtækið var stofnað af Miu Dela árið 2004 og fagnar Sebra því 10 ára afmæli í ár. Mia Dela ákvað að stofna sitt eigið hönnunarfyrirtæki þegar hún var að innrétta herbergi sonar síns Gustav, en henni fannst ekki vera til nógu gott úrval af gæða húsgögnum sérhönnuðum fyrir börn. Í dag eru alls 14 hönnuðir sem hanna fyrir Sebra en samtals eiga þau 26 börn, því er hægt að segja að þau séu með puttann á púlsinum þegar kemur að góðri hönnun fyrir barnaherbergi.

Hér að neðan má sjá myndir úr nýju vor og sumarlínunni 2014 frá Sebra sem er litrík og falleg.


Stækkanlegu barnarúmin frá Sebra njóta mikilla vinsælda og eru þau til í fjölmörgum litum.

Kíktu við í Epal og skoðaðu úrvalið, einnig er hægt að sérpanta vörur sem ekki eru til í verslun okkar.

Hægt er að skoða Sebra bæklinginn með því að klikka á linkinn HÉR.