Grand Prix stóllinn eftir Arne Jacobsen var fyrst kynntur til sögunnar árið 1957 en þá hét hann Model 3130. Sama ár var stóllinn sýndur á hönnunarsýningu í Mílanó þar sem hann hlaut ‘Grand Prix’ verðlaun sýningarinnar, eða það besta af sýningunni, nafnið festist við stólinn og þekkja nú hann flestir sem Grand Prix. Þrátt fyrir þessa glæstu viðurkenningu þá hefur minna farið fyrir stólnum en bræðrum hans, Sjöunni og Maurnum sem flestir þekkja, en Grand Prix gefur þeim þó ekkert eftir í formfegurð sinni og gæðahönnun. Upphaflega var stóllinn hannaður með viðar og -stálfótum, og var framleiddur í þeim útgáfum í nokkur ár eða þar til Fritz Hansen hætti framleiðslu á stólnum. Árið 1991 hófu þeir aftur framleiðslu á Grand Prix en þá aðeins með viðarfótum sem var þó aftur tekinn úr framleiðslu fjórum árum síðar. Í dag er stóllinn framleiddur með krómhúðuðum stálfótum í beyki, valhnotu og kemur í 9 litum. 

Nýlega kynnti Ferm Living nýja vörulínu sem ber heitið MORE by Ferm Living, línan samanstendur af fallegum smáhlutum fyrir heimilið sem margir voru unnir í samstarfi við unga og upprennandi hönnuði. Gullfalleg rúmteppi, viskastykki, púðar, krúsir, hillur, klukkur og svo margt fleira. MORE by Ferm Living er væntanlegt í Epal, en þess má geta að hægt er að panta allar vörur frá Ferm Living hjá okkur í Epal. Kynntu þér heim Ferm Living á heimasíðu þeirra HÉR, sjón er sögu ríkari.

Royal System® hillukerfið var hannað af Poul Cadovius árið 1948. Royal System® hillukerfið er hægt að aðlaga mismunandi þörfum fólks, t.d. sem skrifborðsaðstöðu, bókasafn eða jafnvel einfalda hillu þar sem fallegir hlutir í bland við bækur fá að njóta sín. Hillurnar er hægt að fá úr gegnheilli eik eða valhnotu með festingum úr kopar eða ryðfríu stáli.

Poul Cadovius fæddist árið 1911 í Frederiksberg og menntaði hann sig upphaflega sem söðlasmiður og bólstrari. Sem húsgagnahönnuður naut Poul mikillar velgengni  og hafði mikil áhrif á danska húsgagna og -iðnhönnunarsögu. Árið 1948 hannaði hann Royal System® hillukerfið sem naut gífurlegrar vinsælda á fimmta, sjötta og sjöunda áratugnum, og sumir halda því jafnt fram að engin önnur dönsk húsgagnaframleiðsla hafi náð jafn miklum árangri.

Klassísk hönnun sem hefur staðist tímans tönn.

Libri frá Swedese er flott margnota hilla sem hentar í flest rými. Hillan var hönnuð af sænska hönnuðinum Michael Bihain og hlaut hún fyrstu verðlaun ForumAID á húsgagnahönnunarsýningunni í Stokkhólmi árið 2008 sem besta nýja varan. Libri hillan er flott ein og sér uppvið vegg en einnig koma þær vel út margar raðaðar saman. Hægt er að fá Libri hilluna í svörtum eða hvítlökkuðum aski og einnig er hægt að stilla lengd hillunnar sem kemur sér vel ef gólfið er ójafnt.

Stærð hillunar er: Breidd 38 cm / Hæð 227 cm / Dýpt 29,5 cm

Skólarnir eru að hefjast þessa dagana og hjá okkur í Epal leynast ýmsar vörur ofan í skólatöskuna eða á vinnuborðið jafnt fyrir yngri kynslóðina sem eldri. Við erum með úrval af skemmtilegum nestisboxum frá Black+Blum, LEGO, og Paul Frank, töskur frá Marimekko, bókastoðir frá Areaware og HAY, Múmín skissubækur, borðlampa og svo margt fleira.

Flott vinnuaðstaða frá STRING, borðlampi og stóll eftir Arne Jacobsen, og fugl eftir Kristian Vedel.

Ferm Living er með fallega hluti á vinnuborðið.

Bollar og krúsir frá Design Letters eru vinsælar undir t.d. penna.

Erum með úrval af sniðugum nestisboxum frá Black+Blum.

Lego nestisboxin frá Room Copenhagen hafa slegið í gegn. Flott fyrir yngri kynslóðina!

Flottur vegglímmiði frá Ferm Living.

Litríku og skemmtilegu Kaleido bakkarnir frá HAY.

 HAY er með gott úrval af hlutum sem henta vel í skólann, skipulagsmöppur, skipulagskassar, minnisbækur, fjaðrapennar og bókastoðir. Allt í flottum litasamsetningum eins og HAY er einum lagið.

Kíktu við og skoðaðu úrvalið!

Hér má sjá fallegar myndir sem ljósmyndarinn Aldís Pálsdóttir tók á vinnustofu Steinunnar Völu sem hannar skartgripi undir merkinu Hring eftir hring.

Skartgripir Steinunnar Völu fást í Epal, en hægt er að fylgjast með Hring eftir hring á facebook HÉR. 

Staflanlega hillan frá skandinavíska hönnunarfyrirtækinu Muuto er frábært húsgagn hannað af heimsþekkta arkitektnum Julien de Smedt. 

Hilluna er hægt að setja saman á ótalmarga vegu, það eru til 3 stærðir af einingum og sú stærsta kostar 29.500,-kr og þú raðar svo saman hillunni eftir þínum hugmyndum og þörfum.

Skemmtileg hönnun með mikla möguleika.

Kubus kertastjakann hannaði Mogens Lassen upphaflega árið 1962 og þá í svörtum lit. Danski hönnunarframleiðandinn by Lassen sem á einkarétt á allri hönnun Lassen bræðranna (s.s. Mogens Lassen og Flemming Lassen) hóf nýlega framleiðslu á klassíska Kubus stjakanum í koparlit sem hefur heldur betur slegið í gegn.

Kubus stjakinn er tilvalinn brúðkaupsgjöf.

Við viljum einnig benda á að við bjóðum væntanlegum brúðhjónum upp á þá þjónustu að útbúa gjafalista hjá okkur, það auðveldar oft gestum valið á réttu gjöfinni. Einnig bjóðum við upp á gjafabréf sem hafa verið vinsæl. Gefðu gjöf frá frægustu hönnuðum heims.

Normann Copenhagen eru á blússandi siglingu þessa dagana en þann 1.júlí síðastliðinn tók forstjóri fyrirtækisins Poul Madsen á móti hinum virtu Red Dot hönnunarverðlaunum. Þetta árið kepptu 1865 hönnuðir og arkitektar frá 54 löndum um Red Dot verðlaunin sem er einn eftirsóttasti gæðastimpill sem hægt er að fá fyrir góða hönnun. Þetta árið unnu Normann Copenhagen ekki aðeins ein verðlaun, heldur þrjú!

“Best of best” verðlaunin hlutu Normann Copenhagen fyrir hitakönnuna Geo sem hönnuð er af Nicholai Wiig Hansen.

Einnig hlutu þeir verðlaun fyrir skemmtilegu tesíuna Tea Egg, fyrir framúrskarandi lausn á smáatriðum.

Síðast en ekki síst hlutu þeir einnig verðlaun fyrir flott skóhorn sem hönnuð eru af Nis Øllgaard.

Normann Copenhagen er selt hjá okkur í Epal.