Blogg

KÆRLEIKSKÚLAN 2012

Posted on by blogg

LOKKANDI eftir Hrafnhildi Arnardóttur er Kærleikskúla ársins 2012. Styrktarfélag lamaðra og fatlaðra hóf útgáfu Kærleikskúlunnar árið 2003 og eru kúlurnar því orðnar tíu talsins. Úr er orðið einstakt safn listaverka eftir marga af okkar þekktustu listamönnum. Nafn kúlunnar er táknrænt en markmið með sölu hennar er að auðga líf fatlaðra barna og ungmenna. Allur ágóðinn rennur til starfsemi Reykjadals, sumar- og helgardvalar Styrktarfélags lamaðra og fatlaðra í Mosfellsdal.

 

LOKKANDI

Lokkandi er rómantískur óður til líkama og sálar,

minnisvarði minninga.

Innan um skilningarvitin laumast allt og dvelur inni í flóknu landslagi holds og hugar

einsog ilmurinn úr eldhúsinu.

Hárflækjan, ímyndað landslag tilfinninga og taugaboða

sem lokka okkur inn í króka og kima hugans,

er samofin öllu – einstök og endalaus.

Hrafnhildur Arnardóttir.

Blogg

JÓLAÓRÓINN 2012

Posted on by blogg

Stúfur er sjöundi óróinn í Jólasveinaseríu Styrktarfélags lamaðra og fatlaðra. Þau Bragi Valdimar Skúlason og Þórunn Árnadóttir leggja félaginu lið í ár og sameina hér krafta sína í túlkun á Stúfi. Þórunn orti í stálið og Bragi kvæði. Í fréttatilkynningu frá Styrktarfélagi lamaðra og fatlaðra segir að markmiðið með gerð og sölu Stúfs sé að auðga líf fatlaðra barna og ungmenna. Allur ágóði rennur til æfingastöðvar styrktarfélagsins en þar fer fram umfangsmesta sjúkra- og iðjuþjálfun barna á landinu.

Jólaóróinn var gerður í takmörkuðu upplagi og er seldur dagana 5.-19. desember.

Þórunn Árnadóttir.

Þórunn Árnadóttir er fædd í Reykjavík árið 1982. Hún lauk BA-prófi í vöruhönnun frá Listaháskóla Íslands árið 2007 og MA-prófi frá Royal College of Art árið 2011. Hún býr nú og starfar í London. Verk Þórunnar spanna ýmsa miðla og tækni og eru gjarnan byggð á tilraunum og ítarlegum rannsóknum á ýmsum menningarfyrirbærum og mannlegum samskiptum. Þórunn hefur bæði starfað sjálfstætt og í samstarfi við aðra. Meðal þekktari viðskiptavina hennar eru Swarovski, Camron PR og V&A lista- og hönnunarsafnið í London. Hún hefur auk þess unnið náið með hönnunarfyrirtækinu Destes að framleiðslu á eigin hönnun.

Þórunn hefur tekið þátt í fjölmörgum hönnunarsýningum hérlendis og erlendis. Verk eftir hana hafa verið sýnd á söfnum víða um heim og hlotið verðskuldaða athygli og viðurkenningar. Meðal verðlauna sem Þórunn hefur hlotið eru Best Product á NY International Gift Fair, fyrir klukkuna Sasa árið 2010.

Bragi Valdimar Skúlason.

Bragi Valdimar Skúlason er fæddur árið 1976. Hann ólst upp í Hnífsdal fram á unglingsár, þegar hann fluttist til Reykjavíkur. Bragi, sem er menntaður í íslensku frá Háskóla Íslands, hefur getið sér gott orð fyrir vinnu sína að tónlist m.a. með Baggalúti og Memfismafíunni og nú síðast í Hljómskálanum á RÚV, sem hlaut tvenn Edduverðlaun árið 2012. Þá hefur hann samið þó nokkuð af tónlist fyrir börn, m.a. á hljómskífunum Gilligill og Diskóeyjunni – og fyrir leikritið Ballið á Bessastöðum.

Bragi er ekki síst þekktur fyrir textagerð sína, en textar hans hafa notið mikilla vinsælda. Hann hefur unnið efni fyrir útvarp, gert lög fyrir kvikmyndirnar Okkar eigin Osló og Þór: Hetjur Valhallar ásamt því að ritstýra Vísdómsritaröð Baggalúts. Bragi hefur margoft verið tilnefndur til íslensku tónlistarverðlaunanna – og hlotið þau nokkur. Jafnframt hefur hann, ásamt félögum sínum í Baggalúti, hlotið ýmis verðlaun og viðurkenningar, m.a. Verðlaun Jónasar Hallgrímssonar.

 

Blogg

NÝ HÖNNUN : KÖTTUR ÚTI Í MÝRI

Posted on by blogg

Hár úr hala, hönnunarteymi er samstarfsverkefni Ólafs Þórs Erlendssonar húsgagna- og innanhússarkitekts og Sylvíu Kristjánsdóttur grafísks hönnuðar. Þau sækja innblástur í sögur, vísur og ævintýri og hanna hagnýta hluti með vísun í þau minni. Nú er komin ný lína frá hönnunarteyminu Hár úr hala, þar sem þau vinna með þulu sem gjarnan er notuð í lok ævintýra og hljóðar á þessa leið:

Köttur úti í mýri 

setti upp á sér stýri 

úti er ævintýri.

 Í þessari vörulínu eru snagar þar sem kettir úti í mýri setja jafnvel upp á sér sýri og passa upp á tvo hanka hver. Þetta eru fjórar tegundir þar sem kettirnir Skotta, Brandur, Loppa og Lási eru í aðalhlutverki. Síðan er annar snagarekki þar sem kettir úti í mýri ásamt kettlingum passa þrjá hanka. Í framhaldinu koma svo hillur þar sem hilluberarnir munu passa uppá ævintýrin og verða hillurnar vonandi líka vettvangur nýrra ævintýra.

 Snagarnir eru pólýhúðað laserskorið ál með góðum hönkum og til að byrja með verða litlu snagarnir til í svörtu en stærri í svörtu og hvítu.

Þessir flottu snagar fást núna hjá okkur í Epal.

Blogg

Nýtt : Arne Jacobsen

Posted on by blogg

Árið 1937 teiknaði heimsfrægi danski arkitektinn Arne Jacobsen leturgerð fyrir Ráðhúsið í Aarhus. Nýlega fékk danska hönnunarfyrirtækið Design Letters leyfi til að hanna línu af heimilisvörum með upphaflegu leturgerð Arne Jacobsen á og útkoman eru bollar, viskastykki, diskar, krúsir og expresso bollar.

Hægt er að nota bollana ekki bara undir kaffi, en þeir eru einnig flottir á skrifborðið og jafnvel undir tannburstann.

Expresso bollana má einnig nota undir kerti.

 

Blogg

Nýtt-Kanilkort

Posted on by blogg

Kanilkort eru falleg tækifæriskort skreytt uppáhalds uppskriftunum og eru því tilvalin fyrir jólin: Súkkulaðibitasmákökur, Sara Bernhards & Laufabrauð. Kortin eru prentuð með letterpress prentaðferð á yndislegan bómullarpappír, en aðferðin sem er yfir fimmhundrum ára gömul var fundin upp af Jóhannesi Gutenberg. Kanilkortin eru prentuð hjá Reykjavík Letterpress, sem sérhæfa sig í þessu gamla handverki.




Þessi fallegu kort fást hjá okkur í Epal.
Blogg

EPAL MÆLIR MEÐ

Posted on by blogg

Hús Handanna á Egilsstöðum í samvinnu við Þorpið og austfirska listhandverksmenn standa nú að sýningu þar sem fimm endurgerðir af nytjahlutum sem tengjast Austurlandi eru sýndir í Á Skörinni, Austurstræti 10, Reykjavík. Um er að ræða tvo kunnuglega trékolla sem voru algeng eign á síðustu öld víða um land en í mismunandi formi og efni. Austfirsku kollarnir sem nú hafa verið endurgerðir hafa fengið nafnið Ömmukollur og Egilsstaðakollur. Það er Sigurður Ólafsson á Aðalbóli í Hrafnkelsdal sem framleiðir kollana í samvinnu við Epal.

Ömmukollurinn er smíðaður eftir fyrirmynd í eigu Sveinbjargar Hrólfsdóttur frá Reynihaga í Skriðdal og er þessi útgáfa sá kollur sem verður framleiddur og markaðssettur til að skapa nýjar minningar hjá ömmum nútímans.

Egilsstaðakollurinn var framleiddur frá 1954 á trésmíðaverkstæði Kaupfélags Héraðsbúa en var einnig árum saman skyldustykki í trésmíðum í Alþýðuskólanum á Eiðum. Egilsstaðakollurinn hefur nú verið endurgerður úr Hallormsstaðalerki.

 Eik á Miðhúsum hefur síðstliðin ár framleitt endurgerð af gamla góða spítujólatrénu og einnig endurgerð af silfurhring frá víkingaöld sem fannst við Þórarinsstaði við Seyðsisfjörð árið 1999.

Möðrudalssnaginn er einnig með í för til höfuðborgarinnar en snaginn er endurgerð eftir snögum sem Jón Stefánsson frá Möðrudal smíðaði gjarnan úr þeim efnivið sem var aðgengilegur á Fjöllum. Afkomandi hans Hulda Eðvaldsdóttir nýtti sér sköpunargleði langafa síns og notaði snagann sem innblástur í hönnun á Gibba gibb snögum sínum. Í kjölfar sýningarinnar  verður vefverslun Húss Handanna  opnuð um 20 nóvember n.k. www.hushandanna.is

Sýningin mun standa til og með 20.nóvember.

Á Skörinni, Aðalstræti 10, 101 Reykjavík.

Blogg

EILERSEN OG HAY Í EPAL

Posted on by blogg

Danski húsgagnaframleiðandinn Eilersen á sögu sína að rekja allt aftur til ársins 1895 þegar hinn ungi Niel Eilersen starfaði sem hestakerrusmiður. Hann var sá fyrsti í Danmörku til að nota gufu til að beygja við, en þá aðferð notaði hann til að smíða kerruhjólin. Þegar sá tími kom að bílar tóku við af hestukerrum hóf Eilersen verksmiðjan að smíða sæti í bíla og rútur. En þegar að verksmiðjan brann til kaldra kola árið 1934 breyttust áherslur Eilersen algjörlega sem hóf þá að framleiða hágæða bólstruð húsgögn. Í dag rekur fjórða kynslóð Eilersen fjölskyldunnar verksmiðjuna sem einbeitir sér að hönnun og smíði á gæðasófum sem njóta mikilla vinsælda í dag um heim allann.

Um helgina (föstudag og laugardag) verða hjá okkur sérfræðingar frá Eilersen sem veita ráðgjöf og einnig verður boðið upp á 20% afslátt af öllum húsgögnum þeirra ásamt húsgögnum frá HAY.

 Danska hönnunarfyrirtækið HAY þarf vart að kynna en það var stofnað árið 2002 og hefur hönnun þeirra notið gífurlegra vinsælla undanfarin ár. HAY bíður upp á fjölbreytt vöruúrval, húsgögn, teppi, púða og aðra smáhluti til að fegra heimilið. Um helgina (föstudag og laugardag) verða sérfræðingar hjá okkur frá HAY sem veita ráðgjöf og verður því boðið upp á 20% afslátt af öllum húsgögnum þeirra ásamt húsgögnum frá Eilersen.



 


 Komdu við í Epal um helgina og gerðu góð kaup!
Sjáumst.
Blogg

Nýtt frá Tulipop

Posted on by blogg

Krúttlegar fígúrur og litríkur heimur Tulipop er sköpunarverk Signýjar Kolbeinsdóttur, teiknara og hönnuðar. Tulipop hefur þróað úrval að litríkum og skemmtilegum gjafavörum sem hafa vakið mikla lukku meðal barna og fullorðinna, en fyrstu vörur fyrirtækisins komu á markað í mars 2010. Nýjasta hönnunin frá Tulipop er fallegur lampi með mikinn karakter sem kallast Herra Tré og er hann hugsaður bæði fyrir börn sem fullorðna. Lampinn er nýkominn í Epal og kostar hann 12.500 kr.

 


Frábær íslensk hönnun!

Blogg

Andreas Engesvik fyrir Iittala

Posted on by blogg

Andreas Engesvik hannaði kertastjakana Allas fyrir Iittala sem komu út fyrr á þessu ári, en hann er fyrsti norski hönnuðurinn sem fenginn er til að hanna fyrir Iittala og þykir það mikill heiður. Hann hefur hlotið ýmis verðlaun fyrir verk sín svosem hönnunarverðlaun Wallpaper árið 2009 og iF hönnunarverðlaunin árið 2010 og nú síðast hin virtu Red Dot hönnunarverðlaun árið 2012 fyrir Allas kertastjakana. Fyrir utan Iittala hefur Andreas hannað fyrir Muuto, Asplund og Ligne Roset, og má finna hönnun eftir hann í norsku konungshöllinni.