Louis Poulsen kynnir sannkallaðann safngrip, PH 3/2 borðlampa í takmörkuðu upplagi sem upphaflega var hannaður árið 1926. Skermurinn er gerður úr munnblásnu ítölsku gulu gleri og stendur á fallegum messing fæti.
Borðlampinn verður aðeins í sölu í þrjá mánuði, frá 1. október til 31. desember. 2018.
Panthella er klassískur lampi hannaður af Verner Panton árið 1971 fyrir Louis Poulsen. Panthella er ein vinsælasta hönnun Verner Panton og fæst bæði sem gólflampi og borðlampi.
Núna kynnir Louis Poulsen nýja útgáfu af lampanum eftir upprunalegum teikningum Verner Panton, Panthella mini sem kemur í fjölmörgum nýjum og spennandi litum, með nýjustu LED tækni og með skerm úr áli sem var upphafleg hugmynd hönnuðarins. Upprunalegi Panthella lampinn er með akrýl skermi sem hleypir birtunni fallega í gegn en vegna tæknilegra takmarkana var ekki hægt á þeim tíma að framleiða lampann með ál skermi sem var ósk Verner Panton.
Á meðan að flestir danskir arkitektar á sjötta og sjöunda áratugnum unnu mest með við og önnur náttúruleg efni skar Verner Panton sig úr hópnum og dálæti hans fyrir nýjum efnum gerði hann að sérfræðing í notkun á stáli, plasti, trefjagleri og plexígleri. Verner Panton var frumkvöðull og var einnig langt á undan sinni samtíð með hönnun sinni sem einkenndist af hringlaga og lífrænum formum.
Panthella mini fæst því núna í 8 litum sem allir eru valdir útfrá litahugmyndum Verner Panton úr síðasta verkinu hans áður en hann lést árið 1998, það var sýningin “Lyset og Farven” í Trapholt nútímalistasafninu í Kolding, Damörku. Litirnir eru gulur, rauður, fjólublár, rauður, bleikur, blár ásamt tveimur grænum litum. Panthella mini er einnig til í hvítu, svörtu ásamt hvítu með akrýl skermi.
Panthella mini er 250 mm á hæð á meðan að upprunalegi borðlampinn frá árinu 1971 er 400 mm á hæð.
Kynningarverð er 39.800 kr. –
Kaiser idell borðlampinn er tímalaust hönnunartákn.
Kaiser idell lampinn var hannaður af Christian Dell(1893-1974) sem var þýskur silfursmiður og hönnuður.
Á árunum 1922-25 var Dell yfir málmverkstæðinu í Bauhaus skólanum í Weimar og hafði hann mikil áhrif á Bauhaus stílinn. Frá árunum 1926 teiknaði Dell nokkur ljós og flest voru þau teiknuð fyrir ljósaverksmiðjuna Gebr. Kaiser & Co. Fyrsta línan var gefin út árið 1936 og þar var m.a. að finna borðlampann 6556-T.
KAISER idell 6556-T er tímalaust hönnunartákn, þýsk gæðahönnun og er lampinn þekktastur sem ein frægasta ljósahönnun sem þróaðist á Bauhaus tímabilinu.
Í Kaiser idell línunni er einnig að finna gólflampa, vegglampa og loftljós sem öll eru framleidd í dag af Fritz Hansen. Ljósin eru framleidd úr hágæða stáli og eru skermarnir handmálaðir.
KAISER idell lampinn er núna á 40% afslætti á meðan birgðir endast og kostar aðeins 59.800 kr.-
Falleg hönnunarklassík á frábæru verði!
