Við vonumst til þess að gera biðina ykkar eftir jólunum eins gleðilega og sæta og hægt er, með jólalakkrísnum okkar í ár frá Lakrids By Johan Bülow.

Klassíski brons lakkrísinn með saltkaramellu, Hindberja með hvítu súkkulaði, Hvítar snjókúlur með engifer lakkrís og mjólkursúkkulaði ásamt Svörtum snjókúlum sem gerðar eru með svörtum pipar! Megi jólin ykkar verða hvít.

Halloween lakkrísinn frá Lakrids by Johan Bülow er ómissandi í hrekkjavökupartýið en við vörum ykkur við! Lakkrísinn er hættulega saltur og hjúpaður ljúffengu mjólkursúkkulaði og stökkri sykurskel skreyttur “blóð” slettum. Lakkrísinn er 100% glútenlaus og er því tilvalinn fyrir þá sem vilja gera vel við sig. / Takmarkað upplag.

Verð: 1.900 kr.-

Johan Bülow stofnaði lakkrísframleiðslufyrirtæki sitt Lakrids by Johan Bülow fyrir 10 árum síðan, þá aðeins 23 ára gamall. Allt frá því að Johan var lítill strákur hafði hann verið heillaður af lakkrísrótinni og var hann sannfærður um að það ætti ekki einungis að nota hana í sætindi heldur einnig í matreiðslu, bakstur og jafnvel í bjór. Flest okkar tengja lakkrís við ódýrt skandinavískt nammi, en hans sýn var sú að lakkrís gæti orðið partur af gourmet upplifun. Núna 10 árum síðan er fyrirtæki hans Lakrids by Johan Bülow sem staðsett er í Bornholm í Danmörku orðið vel þekkt þrátt fyrir að vera líklegast minnsta lakkrísframleiðsla í heimi.

Að finna uppskriftina af hinum fullkomna lakkrís reyndist Johan þó vera afar erfitt í byrjun, lakkrísuppskrift virtist vera heimsins best geymda leyndarmál. Eftir mikla og stranga rannsóknarvinnu ásamt óteljandi tilraunum fann hann loksins réttu blönduna. Það var þann 7. júlí árið 2007 sem Johan Bülow opnaði í fyrsta skiptið dyrnar að lakkrísverslun sinni í Bornholm og tók það ekki nema tvær og hálfa klukkustund fyrir hillurnar að tæmast svo vinsæll var lakkrísinn. Fyrsta framleiðslan var sætur lakkrís, sá næsti var saltlakkrís, súkkulaðihúðaður lakkrís og svo bættust fljótlega við fleiri tegundir.

Lakrids by Johan Bülow er enginn venjulegur lakkrís, heldur er hann handgerður lúxuslakkrís. Einnig hefur verið bætt við línu fyrir þá sem vilja geta nýtt sér lakkrísrótina sem bragðefni í matreiðslu og bakstur. Markmið Johan Bülow var að lakkrís ætti að vera aðgengilegur öllum sem ljúffengt bragðefni og hentar þessi lína vel fyrir mataráhugafólk jafnt sem kokka.

Lakrids by Johan Bülow er líklega einn besti lakkrís sem hægt er að finna og er hann aðeins seldur í vel völdum verslunum þar sem gæði og hönnun haldast í hendur. Lakkrísinn er glútenlaus og án allra aukaefna og er því góður kostur fyrir þá sem vilja gera vel við sig.

Í tilefni 10 ára afmælisins kom út á dögunum afmælisútgáfa af upprunalega lakkrísnum sem framleiddur var í verksmiðjunni þegar hún fyrst opnaði, nema núna er hann eingöngu framleiddur úr lífrænum innihaldsefnum. Afmælislakkrísinn er mjúkur eins og karamella og hjúpaður belgísku lúxus mjólkursúkkulaði og er að sjálfsögðu glútenlaus eins og allar vörurnar. Við mælum með að smakka þennan!

Vinir okkar hjá Lakrids by Johan Bülow koma sífellt á óvart og bæta núna við línuna nýjum D lakkrís sem er ómótstæðilega góður! Það er ekki hægt að standast freistinguna sem nýji D lakkrísinn er og við vörum ykkur við að hann er ávanabindandi. Súkkulaðihúðaður sætur lakkrís sem er húðaður með karamellu og hvítu belgísku súkkulaði ásamt litlum sjávarsaltsflögum. D er fullkomin blanda af sætu og söltu.

Þú færð þér ekki bara einn bita af D. Það er einfaldlega ekki hægt.

Lakkrísinn fæst núna í Epal –