nýtt - Epal

Blogg, Nýjungar

Nýtt frá String 2020 : klassísk hönnun fyrir öll heimili

Posted on 16/01/202027/06/2023 by blogg

Klassíska String hillukerfið var hannað árið 1949 af sænska arkitektnum Nils Strinning og hefur það síðan þá hlotið mörg alþjóðleg hönnunarverðlaun. String hillukerfið er hannað þannig að auðvelt er að bæta við skápum og hillum að vild og sérsníða hillurnar að þínum þörfum. Hillurnar koma í nokkrum útgáfum og er ein þekktasta útgáfan String Pocket.

String kynnti á dögunum spennandi nýjungar og má þar nefna String Pocket hillur úr málmi sem koma í þremur litum; neon appelsínugulum, grábrúnum og klassískum hvítum. Hægt er að bæta við aukahlutum við String málmhillur, svosem krókum og hengi.

Klassíska String hillukerfið var einnig kynnt í nýjum litum, hlýlegum brúnum sem fer vel saman við hillurnar sérstaklega eikarhillurnar. Nýjir aukahlutir voru kynntir til sögunnar eins og hnífastatíf sem hengt er á hillurnar

Við eigum til mikið úrval af String hillum á lager og einnig er hægt að panta allar nýjungar sem nefndar eru hér að ofan. Verið hjartanlega velkomin í verslun okkar, Epal Skeifunni og kynntu þér betur String hillukerfið sem hentar öllum heimilum.

Sjá brot af vöruúrvalinu í vefverslun Epal –

Blogg

NÝTT FRÁ TULIPOP

Posted on 10/10/201610/10/2016 by blogg

Tulipop kynnir með stolti nýtt og umhverfisvænt bambus matarstell fyrir börnin!

“Bambus borðbúnaðurinn er að mestu gerður úr bambus trefjum. Bambus trefjar eru umhverfisvænt efni sem auðvelt að endurvinna. Borðbúnaðurinn er komin með nýtt og ferskt útlit sem er mun litríkara og með meiri glans en vanalegt er fyrir bambus vörur. Borðbúnaðurinn hefur fengið vottun frá öllum helstu vottunaraðilum og hefur hann staðist allar hæfniskröfur.”

Tulipop borðbúnaðurinn verður í boði sem gjafasett sem inniheldur skál, disk og glas en einnig verður hægt að kaupa þessar vörur í stöku.

Blogg

NÝTT Í EPAL: GEJST DESIGN

Posted on 30/09/2016 by blogg

Við vorum að bæta við úrvalið okkar vörum frá glæsilega danska hönnunarmerkinu Gejst.

Gejst var stofnað árið 2013 af hönnuðunum Søren Nielsen og Niels Grubak Iversen. Hugmyndin var að ögra hefðbundinni hugsun um nútíma hönnun og í kjölfarið þróa vörur sem standast tímans tönn – bæði hvað varðar efni og hönnun.

Gejst er þó meira en aðeins nafn, á dönsku þýðir orðið að vera áhugasamur og ákafur og var það einmitt eitt af grunngildum stofnunar fyrirtækisins að sögn Søren og Niels, og síast það inn í hverja hugsun og hverja vöru sem þeir framleiða.

Gejst framleiðir fallegar og endingargóðar vörur fyrir heimilið og má þar nefna viðar eldhúsrúllustanda, viðarbakka, skipulagshillur og fleira.

Verið velkomin verslun okkar í Skeifunni og sjáið úrvalið.

Blogg

NÝTT Í EPAL : AYTM DESIGN

Posted on 26/04/2016 by blogg

AYTM er nýtt og spennandi danskt vörumerki sem kynnt var í fyrsta sinn á hönnunarsýningunni North Modern 2015. AYTM var stofnað af þeim Kathrine Gran Hartvigsen and Pe Gran Hartvigsen og hefur slegið rækilega í gegn frá fyrstu kynningu. AYTM leggur áherslu á glæsilega fylgihluti fyrir heimilið úr góðum gæðum, stíllinn er einfaldur og gler og málmar einkenna vörurnar sem gefur þeim lúxus yfirbragð.

AYTM er nýtt vörumerki í Epal, kíktu við og sjáðu úrvalið.

Blogg

NÝTT FRÁ JOSEPH JOSEPH

Posted on 13/11/2015 by blogg

Við vorum að fá tvær frábærar nýjar vörulínur frá margverðlaunaða breska hönnunarfyrirtækinu Joseph Joseph sem bætast þá við sístækkandi vöruúrval þeirra hjá okkur í Epal.

M-Cuisine er ný lína frá sem gerir þér kleift að undirbúa dýrindis máltíð í örbylgjuofni, allt frá einföldum spældum eggjum til flókinna máltíða fyrir fjölskylduna. Öll vörulínan var hönnuð með þægindi í huga sem skilar sér í því að hver vara hefur mörg notagildi og eru mjög handhægar.

Breska hönnunarfyrirtækið Joseph Joseph var stofnað árið 2003. Fyrirtækið hefur einbeitt sér að hönnun á nútíma eldhúsvörum sem hafa vakið heimsathygli fyrir sniðuga hönnun og mikla litadýrð. Joseph Joseph hefur hlotið fjölmörg verðlaun fyrir hönnun sína þar sem þeim hefur tekist á snilldarlegan hátt að sameina notagildi og góða hönnun.

M-Cuisine er ný lína frá sem gerir þér kleift að undirbúa dýrindis máltíð í örbylgjuofni,

GoEat er einnig ný lína frá Joseph Joseph sem er hönnuð til að einfalda það að taka með sér heimatilbúinn mat í nesti hvort sem þú ert í vinnu eða námi. Þú þarft ekki lengur að bera með þér mörg nestisbox, með GoEat er allt nestið þitt saman en þó aðskilið og öruggt. Eftir að nestið hefur verið klárað er hægt að raða ílátunum ofan í hvert annað til að spara pláss í töskunni fyrir heimferðina.

GoEat vörulínan inniheldur ílát sem henta mjög vel fyrir samlokur, salöt, súpur, snarl ásamt hnífapari úr stáli.

Allar vörur Joseph Joseph fást í Epal.

Blogg

NÝTT FRÁ TULIPOP: SKÓLAVÖRUR

Posted on 21/07/201521/07/2015 by blogg

Við vorum að fá glænýjar og frábærar vörur fyrir skólann sem bætast við sístækkandi ævintýraheim Tulipop. Vörurnar sem um ræðir eru fallegar og litríkar skólatöskur, sundpokar og pennaveski.

Tulipop skólatöskur

Vandaðar skólatöskur sem henta yngri skólakrökkunum, upp í 12 ára aldur.
Úr efni sem hrindir frá sér vatni.
Með endurskini á hliðum og á axlarólum. .
Með bólstruðu baki, stillanlegum axlarólum og ól yfir bringu.
Hafa fengið vottun iðjuþjálfa.
Með fjölmörgum innri vösum, hólfi fyrir möppu, klemmu fyrir lykla og sérstöku plasthólfi fyrir nesti.
Hægt að festa sundpoka framan á töskuna.

Tulipop sundpokar

Vandaðir sundpokar úr efni sem hrindir frá sér vatni.
Með renndum innri vasa.
Hægt að festa framaná Tulipop skólatöskurnar.

Tulipop pennaveski

Vandað pennaveski sem er í stíl við Tulipop skólatöskurnar og sundpokana.

Falleg íslensk hönnun fyrir káta skólakrakka.

Komdu við og sjáðu úrvalið frá Tulipop!

Blogg

NÝTT FRÁ STELTON: STOCKHOLM LÍNAN

Posted on 15/07/201515/07/2015 by blogg

Stockholm er fyrsta línan frá Stelton sem er hluti af nýrri og stærri vörulínu frá þeim sem ber heitið Nordic sem er innblásin af norrænni náttúru og hönnunarhefðum. Stockholm línan er hönnuð af sænska hönnunartvíeykinu Bernadotte & Kylberg og inniheldur hún fallega vasa og skálar. Línan er innblásin af Eystrasaltinu og síbreytilegri ásjón hafsins sem var mikil uppspretta innblásturs í hönnunarferlinu.

Línan er framleidd með nýstárlegri framleiðslutækni þar sem hlutirnir eru í grunninn úr áli en með glerungi að utan sem er að lokum handskreyttur með grafík.

Línan er afar elegant og vilja sumir segja að hún hafi konunglegt yfirbragð sem vissulega má tengja við bláa litinn en Carl Philip Bernadotte grafískur hönnuður og annar hönnuður Stockholm línunnar er sænskur prins en hann er yngri bróðir Viktoríu krónprinsessu Svíþjóðar.

Stockholm línunni hefur verið afar vel tekið og vann hún nýlega hin virtu Red Dot verðlaun í flokki “high quality design”.

Stockholm línan inniheldur 4 skálar og 3 vasa í ólíkum stærðum. Komdu við í Epal og heillastu af þessari fallegu og tímalausu hönnun.

Blogg

NÝTT FRÁ NORMANN COPENHAGEN: BRILLIANT BOX

Posted on 29/01/2015 by blogg

Brilliant er lína af litlum fallegum glerboxum frá Normann Copenhagen sem hönnuð eru með það í huga að geyma smáhluti sem við höldum upp á. Boxin eru þó sniðug undir margt annað, í þeim er hægt að geyma bómull, lykla, klink, sykurmola eða jafnvel sælgæti. Brilliant boxin koma í tveimur stærðum og í nokkrum litum.

Brilliant boxin eru komin í Epal.

Blogg

NÝTT MERKI Í EPAL: FRANCK & FISCHER

Posted on 06/01/201506/01/2015 by blogg

Danska barnavörumerkið Franck & Fischer var stofnað árið 2005 af hönnuðinum Annemarie Franck og rekstrarhagfræðingnum Charlotte Fischer. Franck & Fischer eru skemmtilegar barnavörur sem framleiddar eru á mjög umhverfisvænan hátt. Leikföngin eru til að mynda öll framleidd úr textíl sem gerður eru úr GOTS vottuðum bómull og eru allar textílvörur litaðar eða prentaðar án allra eiturefna. Franck & Fischer vinna í nánu samstarfi við framleiðendur sína og geta því bæði vottað fyrir umhverfisvænni framleiðslu og heilbrigðu vinnuumhverfi starfsfólks. Yfirskrift Franck & Fischer er “Design for kids- made with care”, og eru það orð að sönnu.

Við hvetjum ykkur til að kíkja við og skoða úrvalið, en heimasíðu Franck & Fischer má finna hér.

Blogg

UMHVERFISVÆN HÖNNUN: MATER

Posted on 29/09/2014 by blogg

Við vorum að hefja sölu á fallegum hönnunarvörum frá danska fyrirtækinu Mater.

Mater (sem þýðir móðir á latínu) er leiðandi hönnunarframleiðandi á heimsvísu, Mater er mjög umhverfisvænt og um leið siðferðislega og samfélagslega ábyrgt fyrirtæki.

Það var árið 2007 sem Henrik Marstrand stofnandi Mater kynnti í fyrsta sinn fyrirtæki sitt á hönnunarsýningunni Maison & Objet í París, hans hugsýn var að framleiða framúrskarandi og tímalausa hönnun sem framleidd væri á umhverfisvænan hátt, með virðingu fyrir fólki og handverki.

Barstóllinn High stool er t.d. framleiddur úr FSC vottuðum við en í FCS vottuðum skógi (Forest Stewarship Council) eru engin tré felld nema skógurinn ráði við að framleiða sama magn. Þar að auki tryggir FSC að annar gróður hljóti ekki skaða af ásamt því að fólkið sem starfar í skóginum er tryggt menntun, vinnuöryggi og sanngjörn laun. www.fsc.org