Karfan er tóm
Við vorum að hefja sölu á vörum frá ítalska hönnunarfyrirtækinu Discipline. Discipline framleiðir fallegar vörur fyrir heimilið og hið daglega líf með áherslu á náttúruleg efni og mikil gæði.
Í vöruúrvali þeirra má m.a. finna ýmsa smávöru fyrir heimilið ásamt fallegum húsgögnum.
Við erum sérstaklega spennt fyrir þessu flotta merki sem hefur vakið mikla athygli á erlendri grundu nýlega. Fyrirtækið er ungt en á svo sannarlega mikið inni.
Kíkið endilega á úrvalið í verslun okkar Skeifunni 6, einnig viljum við benda á að hægt er að sérpanta allar vörur frá Discipline sem ekki eru til í verslun okkar. Vefsíðu þeirra má finna á: www.discipline.eu
HELT – sem þýðir HETJA á dönsku – er ljúffengt og handgert danskt hunang.
HELT hunangsframleiðslan var stofnuð árið 2012 af Anthony Lee, áhugamanni um hunangsflugur og hunang. Eftir að hafa elt ástina yfir til Danmörku frá Englandi átti hann erfitt með að finna sér starf við hæfi vegna þess að hann talaði ekki dönsku. Eftir smá íhugun datt honum þó í hug að starf á hunangsbúi gæti verið sniðugt fyrir hann, hunangsflugur tala jú ekki dönsku og þær voru hans áhugamál.
Anthony starfaði í þrjú ár fyrir einn stærsta býflugnaframleiðanda í Skandinavíu og eyddi hann mörgum kvöldum í að lesa sér til um hunangsflugur og hunang ásamt því að gera tilraunir með að bragðbæta hunangið í eldhúsinu sínu.
“Ég var svo heillaður af hunangsflugum og fylgdist með þeim flögra um frá mars til september, dag eftir dag og var fullur af áhuga. Ég eyddi heilum vetri í allskyns tilraunir með hunang og blandaði fullt af hollustu í hunangið, t.d. safaríkum berjum, náttúrulegum kryddum, kakóbaunum ásamt fleiri bragðefnum. Niðurstaðan var svo sannarlega bragðgóð! Hún var í rauninni svo bragðgóð að vinir mínir fóru að suða í mér að framleiða hunangið svo að aðrir gætu notið þess, sem að ég svo gerði, og í dag er bragðbætt hunang mín sérgrein.”
Anthony stofnaði HELT því honum langaði til að kynna fyrir öðrum hversu stórkostlegt hunangið getur verið. Þess má geta að Anthony giftist nýlega dönsku kærustunni sinni og búa þau á Jótlandi ásamt dætrum sínum og að sjálfsögðu nokkur hundruð hunangsflugum.
HELT Honey fæst í Epal í ótal bragðtegundum.
Það er einstaklega ljúffengt með morgunmatnum, á brauðið, með jógúrti og svo er það sérstaklega gott með vöfflum og rjóma.
Danska hönnunarfyrirtækið Normann Copenhagen tók þátt í nýliðinni hönnunarsýningu Salone del Mobile í Mílanó og vakti sýning þeirra mikla eftirtekt. Fulltrúar Epal voru á svæðinu og kynntu þeir sér allar nýjungar þekktustu hönnunarfyrirtækjanna. Vörurnar sem kynntar voru á sýningu Normann Copenhagen voru einstaklega smart en þar mátti meðal annars sjá fallega stóla, vegghillur, loftljós, lampa, sófa ásamt fleiri vörum sem frumsýndar voru í Mílanó.
Við erum spennt fyrir þessum væntanlegu nýjungum frá Normann Copenhagen sem munu að sjálfsögðu fást í Epal.
www.normann-copenhagen.com
Haukur Már Hauksson er hönnuðurinn á bakvið Skvettu sem er ný vara hjá okkur í Epal. Skvetta sem er skemmtilegur snagi kemur í nokkrum litum og lífgar svo sannarlega upp á rýmið, hvort sem það sé forstofan, svefnherbergið eða barnaherbergið.
Íslensk hönnun í sinni litríkustu mynd:
Hönnunarmars hefst í dag í Epal Skeifunni, miðvikudaginn 26.mars. Opnunarhóf stendur á milli kl.17-19.
Sýnd verður áhugaverð hönnun eftir fjölbreyttan hóp hönnuða, 30 hönnuðir kynna 60 nýjar vörur. Epal hefur frá stofnun 1975 haft að leiðarljósi að auka skilning og virðingu fyrir hönnun á Íslandi með því að velja hönnun og gæðavörur sem skara fram úr.
Hér að neðan má sjá lítið brot af því sem sjá má í Epal á Hönnunarmars.
Anna Þórunn Hauksdóttir kynnir lampann KOL 305.
Ingibjörg Hanna kynnir nýja línu af púðum og rúmfötum ásamt fallegri rólu fyrir heimilið.
Sigríður Hjaltdal Pálsdóttir kynnir línuna Famlily frá BYBIBI.
María Dýrfjörð kynnir munsturlínuna Hulduheimur sem er innblásin af verkum Guðjóns Samúelssonar húsameistara.
Dagný Björg Stefánsdóttir kynnir fyrstu vöru sína, kollinn Okta.
Inga Sól Ingibjargardóttir kynnir m.a. fjölnota húsgagnið Ask.
Guðrún Valdimarsdóttir kynnir skrifborðið Hylur.
Þér er boðið á opnun Hönnunarmars í Epal Skeifunni 6, miðvikudaginn 26 mars kl 17-19.
Sjáumst
Við kynnum með stolti nýtt fyrirtæki í Epal, One Nordic.
One Nordic framleiðir húsgögn og fylgihluti fyrir heimilið eftir bestu norrænu hönnuðina að hverju sinni, ásamt því framleiða þeir einnig vörur eftir erlenda hönnuði sem þeirra hugmynd um hvað norræn hönnun stendur fyrir. Fyrirtækið er stundum kallað “lúxus Ikea” en vörurnar þeirra koma ósamsettar með leiðbeiningum og því ekki að furða þessa samlíkingu. Þó þarf engin verkfæri né skrúfur og ætti því að vera auðvelt fyrir hvern sem er að setja þau saman og aftur í sundur við flutninga. Það sparar kostnað við flutninga á milli landa og geta þeir því boðið upp á sanngjörn verð miðað við hágæða hönnunarvörur.
One Nordic er með puttann á púlsinum þegar kemur að trendum í hönnunarheiminum en býður einnig upp á gott úrval af klassískum vörum.
Við hvetjum ykkur til að kynna ykkur heimasíðu One Nordic; www.onenordic.com
Hægt er að panta allar vörur frá þeim.
Tvær nýjar og skemmtilegar vörur frá Tulipop voru að koma á markað, en það eru minnisbækur og teygjumöppur með sætu sveppasystkinunum Bubble og Gloomy. Minnisbækurnar eru virkilega vandaðar, en í þeim eru límmiðar, og bæði auðar og línustrikaðar blaðsíður. Bækurnar eru því tilvaldar til notkunar hvort sem er sem skissubækur, minnisbækur eða dagbækur. Teygjumöppurnar eru frábærar fyrir pappírana, jafn fyrir skólakrakka sem á skrifstofuna.
Skoðið allan ævintýraheim Tulipop og sjáið alla vörulínuna á www.tulipop.is en þar má einnig lesa sögur um allar persónur Tulipop heimsins, prenta út myndir til að lita og fleira skemmtilegt. Fylgist með Tulipop á Facebook á www.facebook.com/tulipop
Tulipop vörurnar fást í Epal.
Sebra Interior er danskt hönnunarfyrirtæki sem hannar og framleiðir húsgögn og smávörur fyrir barnaherbergi. Fyrirtækið var stofnað af Miu Dela árið 2004 og fagnar Sebra því 10 ára afmæli í ár. Mia Dela ákvað að stofna sitt eigið hönnunarfyrirtæki þegar hún var að innrétta herbergi sonar síns Gustav, en henni fannst ekki vera til nógu gott úrval af gæða húsgögnum sérhönnuðum fyrir börn. Í dag eru alls 14 hönnuðir sem hanna fyrir Sebra en samtals eiga þau 26 börn, því er hægt að segja að þau séu með puttann á púlsinum þegar kemur að góðri hönnun fyrir barnaherbergi.
Hér að neðan má sjá myndir úr nýju vor og sumarlínunni 2014 frá Sebra sem er litrík og falleg.
Stækkanlegu barnarúmin frá Sebra njóta mikilla vinsælda og eru þau til í fjölmörgum litum.
Kíktu við í Epal og skoðaðu úrvalið, einnig er hægt að sérpanta vörur sem ekki eru til í verslun okkar.
Hægt er að skoða Sebra bæklinginn með því að klikka á linkinn HÉR.
Við vorum að fá spennandi nýjungar frá by Lassen.
Kubus skálin kom í fallegum beige lit.
Einnig komu geymslubox og púðar skreyttir teikningum af byggingum bræðranna Mogens og Flemming Lassen.
by Lassen er danskt hönnunarfyrirtæki sem framleiðir gæðahönnun eftir tvo fremstu dönsku arkitekta sem uppi hafa verið, bræðurna Mogens og Flemming Lassen.
