Louis Poulsen kynnir PH 3/2 standlampann “The Water Pump”. Framleiddur í takmörkuðu upplagi og var upphaflega hannaður á sjötta áratugnum. Skermurinn er gerður úr munnblásnu ítölsku gulu gleri, hann stendur á fallegum messing fæti og er áletraður.
Lampinn verður aðeins í sölu í þrjá mánuði, frá 1. október til 31. desember 2019 og því um sannkallaðann safngrip að ræða.
Í tilefni 125 ára fæðingarafmælis danska hönnuðarins Poul Henningsen bjóðum við upp á 15% afslátt af öllum PH ljósum og pöntunum til 17. júní 2019.
Við megum til með að deila áfram þessari frábæru grein um PH ljósið sem birtist á vefmiðlinum Kjarnanum þann 3.júlí 2016. Greinin er skrifuð af Borgþóri Arngrímssyni.
Sjá grein á Kjarnanum, hér
–
Í nýlegri danskri könnun þar sem landsmenn voru beðnir að nefna tíu þjóðargersemar kenndi ýmissa grasa. Meðal gersemanna var PH ljósið svonefnda. PH er eiginlega samnefni yfir fleiri en eitt ljós sem byggjast öll á sömu hugmyndinni. Níutíu ár eru síðan arkitektinn og hugmyndasmiðurinn Poul Henningsen, PH, fékk hugmyndina og smíðaði sitt fyrsta ljós, en þessi hönnun hefur staðið af sér allar tískubylgjur og ljósin seljast enn eins og heitar lummur, kannski jafnvel hraðar!
Poul Henningsen var fæddur 1894 í Ordrup norðan við Kaupmannahöfn. Hann var í opinberum skjölum skráður sonur rithöfundarins Agnesar og skólastjórans Mads Henningsen. Faðirinn var hins vegar rithöfundurinn Carl Edwald, sem móðir Pouls átti í ástarsambandi við. Að loknu barnaskólanámi hóf hann nám í múrverki en 1911 – 1917 stundaði hann nám við Det tekniske Selskabs Skole og jafnframt um tveggja ára skeið í Polyteknisk Læreanstalt, Tækniskólanum. PH hafði mikinn áhuga fyrir málaralist og stundaði um skeið nám hjá listmálaranum Johannes Larsen. PH stundaði ekki, frekar en margir þekktir danskir hönnuðir og arkitektar, ekki nám við Arkitektadeild Listaháskólans, Kunstakademiet. Bakgrunnurinn var iðn- og tækninám.
PH hafði snemma mörg járn í eldinum. Hann setti á fót teiknistofu í eigin nafni árið 1919, sem hann starfrækti árum saman. Vann meðal annars mikið fyrir skemmtigarðinn Tívolí, var einskonar hirðarkitekt þar eins og hann orðaði það einhvern tíma. Hann hafði alla tíð mikinn áhuga fyrir þjóðfélagsmálum, skrifaði árum saman fyrir dagblaðið Politiken og síðar Information. Hann samdi jafnframt fjölmargar revíur og á árunum 1926 – 1928 gaf hann út tímaritið Kritisk Revy, þar var fjallað á gagnrýninn hátt um þjóðfélagsmál. 1935 fékk utanríkisráðuneytið hann til að gera kvikmynd um daglegt líf í Danmörku, myndin var hugsuð sem kynning á landi og þjóð. Myndin fékk misjafna dóma og var síðar stytt og er nú til í tveimur útgáfum. PH var frá upphafi mjög gagnrýninn á nasismann og eftir að Þjóðverjar hernámu Danmörku 1943 voru öll skrif hans ritskoðuð.
30. september 1943 flýði PH ásamt eiginkonunni Inger á árabát yfir Eyrarsund til Svíþjóðar. Um borð í árabátnum var líka arkitektinn Arne Jacobsen ásamt unnustu sinni og ungum verkfræðingi, Herbert Marcus, sem lagði stund á kappróðra. Þeir Arne Jacobsen og Herbert Marcus voru gyðingar og óttuðust um líf sitt. Það gerði PH líka og eftir að stríðinu lauk komst upp að danskir nasistar ætluðu sér að drepa PH og fjölskyldu hans með því að kveikja í raðhúsi fjölskyldunnar í Ordrup. Eftir að stríðinu lauk flutti PH með fjölskyldu sinni til baka til Danmerkur og það gerðu líka Arne Jacobsen og Herbert Marcus. Eftir heimkomuna hélt PH áfram að skrifa, ásamt vinnunni á arkitektastofunni. Arkitekta- og ritstörfin verða ekki frekar rakin hér en listinn er langur: einbýlishús, fjölmargar og ólíkar opinberar byggingar, Tívolí (sem áður var getið) söngvar, skrif í dagblöð og tímarit. Ennfremur skrifaði hann nokkrar bækur og var áberandi persóna í dönsku þjóðlífi.
En það er þó fyrst og fremst eitt sem heldur nafni hans á lofti.
Strax á námsárunum fékk PH mikinn áhuga fyrir ljósum og lýsingu. Ljósaperurnar voru að hans mati ljótar, og birtan frá þeim annaðhvort allt of skær eða dauf. Hann einsetti sér að útbúa ljós, eða skerm eins og hann kallaði það, sem kastaði birtunni frá sér án þess að peran sjálf væri sýnileg. Hann gerði ótal tilraunir heima í raðhúsinu í Ordrup og á teiknistofunni. Árið 1924 hófst samvinna PH við fyrirtækið Louis Poulsen. Það fyrirtæki var stofnað 1874 í kringum innflutning á víni, sá rekstur gekk ekki vel en 1891 hóf fyrirtækið rekstur rafmagnsverkstæðis og opnaði jafnframt verslun með verkfæri og járnvörur af ýmsu tagi ásamt litlu járnsmíðaverkstæði. Þegar PH leitaði eftir samvinnu við Louis Poulsen 1924 var ætlun hans að taka þátt í alþjóðlegri sýningu í París árið 1925 og sýna þar nýju uppfinninguna, þriggja skerma ljósið. Skemmst er frá því að segja að ljósið, sem var loftljós úr málmi, vakti mikla athygli og hlaut fyrstu verðlaun sýningarinnar. Ári síðar, 1926, vann PH í samvinnu við Louis Poulsen samkeppni um lýsingu í nýja sýningarhöll, Forum, á Friðriksbergi við Kaupmannahöfn. Í dagblaði frá þessum tíma segir að ljósin, skermarnir úr opal gleri, hafi verið eins og hvítir fuglar í sýningarsalnum.
Bæði PH og forsvarsmönnum Louis Poulsen var ljóst að uppfinning PH, þriggja skerma ljósið, var einstök og Louis Poulsen náði brátt samningum við umboðsmenn í mörgum löndum og lét úbúa kynningarefni. Nýjar útfærslur af þriggja skerma ljósinu komu á markaðinn, loftljós, borðlampar, og salan jókst stöðugt. Í blaðaviðtali frá þessum tíma sagðist forstjóri Louis Poulsen handviss um að PH ljósin ættu eftir að verða vinsæl og eftirsótt í framtíðinni og þriggja skerma hönnunin myndi standast tímans tönn. Hann reynist sannspár.
Þótt ljósin seldust vel og möguleikarnir á útfærslum hugmyndar PH væru langt frá því að vera tæmdir hafði hönnuðurinn fleiri járn í eldinum. Tekjurnar af ljósasölunni gerðu honum kleift að sinna öðrum áhugamálum, þar voru ritstörfin fyrirferðarmest. Svo var það arkitektastofan, þar var nóg að gera. Louis Poulsen þrýsti mjög á PH að koma með fleiri ljós og nýjar útfærslur. Árin liðu, PH var orðinn moldríkur (eins og hann orðaði það sjálfur) en hann hélt þó alltaf áfram að sinna öllum sínum fjölmörgu áhugamálum. Skyndilega var komið árið 1958.
Mörg af ljósum PH bera ekki sérstök heiti. Þau hafa einfaldlega tölustaf fyrir aftan stafina PH, til aðgreiningar hvert frá öðru. Þótt til séu nokkur hundruð mismunandi ljós og útfærslur af ljósum Poul Henningsen er ljósið sem fékk nafnið PH 5 lang þekktast og hefur orðið eins konar samnefnari fyrir verk hans. PH 5 kom á markaðinn 1958 og talan 5 merkir að stærsti skermurinn er 50 sentimetrar í þvermál. Þetta ljós, PH 5, féll strax í kramið hjá almenningi og hefur selst í milljónatali. Í verksmiðju Louis Poulsen í Vejen á Jótlandi eru 130 starfsmenn og þar eru árlega framleidd að minnsta kosti 230 þúsund ljós en nákvæm tala fæst ekki gefin upp. Lang stærsti hluti framleiðslunnar er PH ljós og lampar, þar vegur hlutur PH 5 þyngst. Efnið í PH 5 er mattlakkað ál, aðalliturinn í upphafi hvítur en einnig blár litur og rauður til að skapa jafnvægi í dreifingu birtunnar. Síðar hafa komið fleiri litir og sífellt bætist við úrvalið. Sérstök útgáfa, kölluð PH 50 kom á markaðinn 2008, í tilefni þess að þá var hálf öld síðan PH 5 var fyrst framleitt. Poul Henningsen hefur líklega ekki órað fyrir vinsældum áratuga vinsældum ljóssins en hann lést 1967.
Hver er ástæða þess að þetta ljós sem hefur verið á markaðnum í tæpa sex áratugi er svo vinsælt? Margir vildu geta svarað þessari spurningu en enginn veit svarið. Ljósið er fyrir löngu orðið sígilt og hefur staðið af sér alla tískustrauma. Salan helst stöðug milli ára, eykst þó heldur. Án þess að tölulegar staðreyndir liggi fyrir verður að telja líklegt að hlutfallslega séu PH 5 ljósin algengust í Danmörku en þau hafa í gegnum árin selst vel í nágrannalöndunum og hafa lengi verið vinsæl á Íslandi. Japanir eru líka hrifnir af ljósunum. Sú saga er sögð af Japana sem kom til Danmerkur uppúr 1960 að hann hafi keypt PH 5 ljós og haft með sér heim. Hann hafi svo sagt frá því þegar heim kom að sér hefði verið sagt að danska ríkið gæfi öllum brúðhjónum í Danmörku svona ljós. Þetta ku hafa þótt tíðindi þar eystra. Takmörkuð tungumálakunnátta veldur iðulega misskilningi.
Louis Poulsen kynnir sannkallaðann safngrip, PH 3/2 borðlampa í takmörkuðu upplagi sem upphaflega var hannaður árið 1926. Skermurinn er gerður úr munnblásnu ítölsku gulu gleri og stendur á fallegum messing fæti.
Borðlampinn verður aðeins í sölu í þrjá mánuði, frá 1. október til 31. desember. 2018.
Louis Poulsen kynnir PH 3½-3 hengiljós í takmörkuðu upplagi sem upphaflega var hannað árið 1926. Ljósið er með gulu gleri og messing festingum eins og gömlu klassísku ljósin, þessi einstaki safngripur verður í boði fyrir hönnunaraðdáendur í aðeins tvo mánuði, nóvember og desember, 2017. Verð 159.000 kr.-
Núna í fyrsta sinn kynnir Louis Poulsen PH5 mini sem er ný og minni útgáfa af klassíska ljósinu sem allir þekkja. PH5 mini ljósin koma í 8 litum, og ættu allir að geta fundið eitt við sitt hæfi.
90 ár eru liðin síðan byltingarkennda hönnunin frá Louis Poulsen, þriggja skerma ljósið leit dagsins ljós og hefur hún svo sannarlega staðist tímans tönn. Poul Henningsen hannaði svo PH5 ljósið árið 1958 sem hefur staðið af sér allar tískubylgjur og hefur selst í milljónum eintaka. PH5 mini koma í 8 ólíkum litum sem voru sérvaldir í samstarfi við litasérfræðinginn Louise Sass.
Kynningarverð á PH5 mini, 59.500 kr. gildir til 1. desember 2017.
90 ár eru liðin síðan byltingarkennda hönnunin frá Louis Poulsen– þriggja skerma ljósið – leit dagsins ljós og hefur hún svo sannarlega staðist tímans tönn.
Í tilefni þess kynnir Louis Poulsen PH 3½-2½ gólflampa í sérstakri kopar útgáfu. Lampinn verður framleiddur í takmörkuðu upplagi og verður aðeins í sölu frá 1. október til 31. desember 2016.
Með lampanum fylgja tveir topp skermar, annar úr kopar sem veitir mjúka og beina lýsingu, og annarsvegar opal glerskermur sem veitir mjúka og dreifða lýsingu.
Með tilliti til takmarkaðs upplags er hér á ferð sannkallað söfnunareintak.
Louis Poulsen kynnti á síðasta ári koparlampann Ph 3½-2½ í tilefni af 120 ára afmæli hönnuðarins Poul Henningsen en fyrir það höfðu þeir einnig gefið út koparútgáfu af ljósinu PH 3½ -3. Bæði lampinn og loftljósið hafa hlotið gífurlega góðar viðtökur enda um að ræða einstaka hönnunarvöru sem aðeins var framleidd í takmörkuðu upplagi.
Með koparlampanum fylgja tveir skermar, einn úr gleri og annar úr kopar svo hægt er að skipta um og breyta útliti lampans á auðveldan hátt. Poul Henningsen leitaðist við að hanna lampa sem gefa milda birtu og eru PH-ljósin í dag auðþekkjanleg, því á þeim eru að minnsta kosti þrír skermar.
Enn eigum við til örfá eintök af lampanum og látum við nokkrar myndir fylgja af þessum glæsilega grip, -sjón er sögu ríkari!
Lampinn kostar 198.000 kr. sem er sama verð og lampinn er á í Danmörku.
Verið velkomin í verslun okkar í Skeifunni 6 og kynnið ykkur betur þessa fallegu hönnun.
Við megum til með að deila áfram þessari frábæru grein um PH ljósið sem birtist á vefmiðlinum Kjarnanum þann 3.júlí 2016. Greinin er skrifuð af Borgþóri Arngrímssyni.
Sjá grein á Kjarnanum, hér
–
Í nýlegri danskri könnun þar sem landsmenn voru beðnir að nefna tíu þjóðargersemar kenndi ýmissa grasa. Meðal gersemanna var PH ljósið svonefnda. PH er eiginlega samnefni yfir fleiri en eitt ljós sem byggjast öll á sömu hugmyndinni. Níutíu ár eru síðan arkitektinn og hugmyndasmiðurinn Poul Henningsen, PH, fékk hugmyndina og smíðaði sitt fyrsta ljós, en þessi hönnun hefur staðið af sér allar tískubylgjur og ljósin seljast enn eins og heitar lummur, kannski jafnvel hraðar!
Poul Henningsen var fæddur 1894 í Ordrup norðan við Kaupmannahöfn. Hann var í opinberum skjölum skráður sonur rithöfundarins Agnesar og skólastjórans Mads Henningsen. Faðirinn var hins vegar rithöfundurinn Carl Edwald, sem móðir Pouls átti í ástarsambandi við. Að loknu barnaskólanámi hóf hann nám í múrverki en 1911 – 1917 stundaði hann nám við Det tekniske Selskabs Skole og jafnframt um tveggja ára skeið í Polyteknisk Læreanstalt, Tækniskólanum. PH hafði mikinn áhuga fyrir málaralist og stundaði um skeið nám hjá listmálaranum Johannes Larsen. PH stundaði ekki, frekar en margir þekktir danskir hönnuðir og arkitektar, ekki nám við Arkitektadeild Listaháskólans, Kunstakademiet. Bakgrunnurinn var iðn- og tækninám.
PH hafði snemma mörg járn í eldinum. Hann setti á fót teiknistofu í eigin nafni árið 1919, sem hann starfrækti árum saman. Vann meðal annars mikið fyrir skemmtigarðinn Tívolí, var einskonar hirðarkitekt þar eins og hann orðaði það einhvern tíma. Hann hafði alla tíð mikinn áhuga fyrir þjóðfélagsmálum, skrifaði árum saman fyrir dagblaðið Politiken og síðar Information. Hann samdi jafnframt fjölmargar revíur og á árunum 1926 – 1928 gaf hann út tímaritið Kritisk Revy, þar var fjallað á gagnrýninn hátt um þjóðfélagsmál. 1935 fékk utanríkisráðuneytið hann til að gera kvikmynd um daglegt líf í Danmörku, myndin var hugsuð sem kynning á landi og þjóð. Myndin fékk misjafna dóma og var síðar stytt og er nú til í tveimur útgáfum. PH var frá upphafi mjög gagnrýninn á nasismann og eftir að Þjóðverjar hernámu Danmörku 1943 voru öll skrif hans ritskoðuð.
30. september 1943 flýði PH ásamt eiginkonunni Inger á árabát yfir Eyrarsund til Svíþjóðar. Um borð í árabátnum var líka arkitektinn Arne Jacobsen ásamt unnustu sinni og ungum verkfræðingi, Herbert Marcus, sem lagði stund á kappróðra. Þeir Arne Jacobsen og Herbert Marcus voru gyðingar og óttuðust um líf sitt. Það gerði PH líka og eftir að stríðinu lauk komst upp að danskir nasistar ætluðu sér að drepa PH og fjölskyldu hans með því að kveikja í raðhúsi fjölskyldunnar í Ordrup. Eftir að stríðinu lauk flutti PH með fjölskyldu sinni til baka til Danmerkur og það gerðu líka Arne Jacobsen og Herbert Marcus. Eftir heimkomuna hélt PH áfram að skrifa, ásamt vinnunni á arkitektastofunni. Arkitekta- og ritstörfin verða ekki frekar rakin hér en listinn er langur: einbýlishús, fjölmargar og ólíkar opinberar byggingar, Tívolí (sem áður var getið) söngvar, skrif í dagblöð og tímarit. Ennfremur skrifaði hann nokkrar bækur og var áberandi persóna í dönsku þjóðlífi.
En það er þó fyrst og fremst eitt sem heldur nafni hans á lofti.
Strax á námsárunum fékk PH mikinn áhuga fyrir ljósum og lýsingu. Ljósaperurnar voru að hans mati ljótar, og birtan frá þeim annaðhvort allt of skær eða dauf. Hann einsetti sér að útbúa ljós, eða skerm eins og hann kallaði það, sem kastaði birtunni frá sér án þess að peran sjálf væri sýnileg. Hann gerði ótal tilraunir heima í raðhúsinu í Ordrup og á teiknistofunni. Árið 1924 hófst samvinna PH við fyrirtækið Louis Poulsen. Það fyrirtæki var stofnað 1874 í kringum innflutning á víni, sá rekstur gekk ekki vel en 1891 hóf fyrirtækið rekstur rafmagnsverkstæðis og opnaði jafnframt verslun með verkfæri og járnvörur af ýmsu tagi ásamt litlu járnsmíðaverkstæði. Þegar PH leitaði eftir samvinnu við Louis Poulsen 1924 var ætlun hans að taka þátt í alþjóðlegri sýningu í París árið 1925 og sýna þar nýju uppfinninguna, þriggja skerma ljósið. Skemmst er frá því að segja að ljósið, sem var loftljós úr málmi, vakti mikla athygli og hlaut fyrstu verðlaun sýningarinnar. Ári síðar, 1926, vann PH í samvinnu við Louis Poulsen samkeppni um lýsingu í nýja sýningarhöll, Forum, á Friðriksbergi við Kaupmannahöfn. Í dagblaði frá þessum tíma segir að ljósin, skermarnir úr opal gleri, hafi verið eins og hvítir fuglar í sýningarsalnum.
Bæði PH og forsvarsmönnum Louis Poulsen var ljóst að uppfinning PH, þriggja skerma ljósið, var einstök og Louis Poulsen náði brátt samningum við umboðsmenn í mörgum löndum og lét úbúa kynningarefni. Nýjar útfærslur af þriggja skerma ljósinu komu á markaðinn, loftljós, borðlampar, og salan jókst stöðugt. Í blaðaviðtali frá þessum tíma sagðist forstjóri Louis Poulsen handviss um að PH ljósin ættu eftir að verða vinsæl og eftirsótt í framtíðinni og þriggja skerma hönnunin myndi standast tímans tönn. Hann reynist sannspár.
Þótt ljósin seldust vel og möguleikarnir á útfærslum hugmyndar PH væru langt frá því að vera tæmdir hafði hönnuðurinn fleiri járn í eldinum. Tekjurnar af ljósasölunni gerðu honum kleift að sinna öðrum áhugamálum, þar voru ritstörfin fyrirferðarmest. Svo var það arkitektastofan, þar var nóg að gera. Louis Poulsen þrýsti mjög á PH að koma með fleiri ljós og nýjar útfærslur. Árin liðu, PH var orðinn moldríkur (eins og hann orðaði það sjálfur) en hann hélt þó alltaf áfram að sinna öllum sínum fjölmörgu áhugamálum. Skyndilega var komið árið 1958.
Mörg af ljósum PH bera ekki sérstök heiti. Þau hafa einfaldlega tölustaf fyrir aftan stafina PH, til aðgreiningar hvert frá öðru. Þótt til séu nokkur hundruð mismunandi ljós og útfærslur af ljósum Poul Henningsen er ljósið sem fékk nafnið PH 5 lang þekktast og hefur orðið eins konar samnefnari fyrir verk hans. PH 5 kom á markaðinn 1958 og talan 5 merkir að stærsti skermurinn er 50 sentimetrar í þvermál. Þetta ljós, PH 5, féll strax í kramið hjá almenningi og hefur selst í milljónatali. Í verksmiðju Louis Poulsen í Vejen á Jótlandi eru 130 starfsmenn og þar eru árlega framleidd að minnsta kosti 230 þúsund ljós en nákvæm tala fæst ekki gefin upp. Lang stærsti hluti framleiðslunnar er PH ljós og lampar, þar vegur hlutur PH 5 þyngst. Efnið í PH 5 er mattlakkað ál, aðalliturinn í upphafi hvítur en einnig blár litur og rauður til að skapa jafnvægi í dreifingu birtunnar. Síðar hafa komið fleiri litir og sífellt bætist við úrvalið. Sérstök útgáfa, kölluð PH 50 kom á markaðinn 2008, í tilefni þess að þá var hálf öld síðan PH 5 var fyrst framleitt. Poul Henningsen hefur líklega ekki órað fyrir vinsældum áratuga vinsældum ljóssins en hann lést 1967.
Hver er ástæða þess að þetta ljós sem hefur verið á markaðnum í tæpa sex áratugi er svo vinsælt? Margir vildu geta svarað þessari spurningu en enginn veit svarið. Ljósið er fyrir löngu orðið sígilt og hefur staðið af sér alla tískustrauma. Salan helst stöðug milli ára, eykst þó heldur. Án þess að tölulegar staðreyndir liggi fyrir verður að telja líklegt að hlutfallslega séu PH 5 ljósin algengust í Danmörku en þau hafa í gegnum árin selst vel í nágrannalöndunum og hafa lengi verið vinsæl á Íslandi. Japanir eru líka hrifnir af ljósunum. Sú saga er sögð af Japana sem kom til Danmerkur uppúr 1960 að hann hafi keypt PH 5 ljós og haft með sér heim. Hann hafi svo sagt frá því þegar heim kom að sér hefði verið sagt að danska ríkið gæfi öllum brúðhjónum í Danmörku svona ljós. Þetta ku hafa þótt tíðindi þar eystra. Takmörkuð tungumálakunnátta veldur iðulega misskilningi.
Klassíska PH5 ljósið frá Louis Poulsen er á frábæru afmælistilboði fram til 30.apríl og kostar nú aðeins 79.900 kr. í stað 117.000 kr. (PH5 classic er hvítt með bláum lit).
PH5 ljósið var hannað árið 1958 af arkitektinum Poul Henningsen (1894-1967) fyrir Louis Poulsen og er ljósið í dag heimsþekkt sem hönnunartákn og er líklega eitt vinsælasta ljósið í Skandinavíu. Poul Henningsen nefndi ljósið PH5 vegna þess að þvermálið á efsta skerminum er 50 cm en ljósið var hannað til þess að hanga yfir borði og á sama tíma gefa hóflega birtu í umhverfið í kring.
Poul Henningsen sem í dag er þekktastur fyrir ljósahönnun sína hóf samstarf við danska ljósaframleiðandann Louis Poulsen árið 1925 og hélt það samstarf áfram fram á hans dauðadag eftir áralangt og mjög farsælt samstarf en hann hannaði einnig fræga Köngulinn (Archichoke) fyrir Louis Poulsen. Þrátt fyrir að Poul Henningsen sé þekktastur fyrir ljós sín hafði hann þó mikla hæfileika á öðrum sviðum meðal annars sem rithöfundur og gagnrýnandi. Hann starfaði einnig lengi sem arkitekt og teiknaði fjölda húsa ásamt því að hafa teiknað lítinn hluta Tivoli í Kaupmannahöfn.
PH5 ljósið er í senn klassískt og elegant og falleg hönnun þess gefur alveg einstaka birtu inn í hvert rými. PH5 ljósið er fullkomið yfir eldhúsborðið og hentar einnig vel fyrir almenningsrými.
Danski ljósaframleiðandinn Louis Poulsen frumsýndi fyrr á árinu á hönnunarsýningunni í Stokkhólmi í fyrsta sinn fallega koparútgáfu af Ph 3½-2½ borðlampanum. Í fyrra gaf Louis Poulsen einmitt út koparútgáfu af PH 3½ -3 loftljósinu í tilefni af 120 ára afmæli hönnuðarins Poul Henningsen og sló ljósið svoleiðis í gegn að þeir ákváðu að gera slíkt hið sama við borðlampann.
Það gleður okkur að tilkynna það að lampinn er kominn í verslun okkar.
Með lampanum fylgja tveir skermar, einn gler og annar úr kopar og verður lampinn seldur í takmörkuðu upplagi í Epal.
Lampinn kostar 198.000 kr. sem er sama verð og lampinn er á í Danmörku.
Komdu í heimsókn og skoðaðu þennan gullfallega lampa.
