væntanlegt

Núna á dögunum komu út nýjar og glæsilegar myndir frá String sem sýna nokkrar spennandi nýjungar sem bætast núna við vöruúrval þeirra ásamt því að gefa margar góðar hugmyndir að uppröðunum. String hillukerfið nýtur alltaf jafn mikilla vinsælda en það var hannað árið 1949 af sænska arkitektnum Nils Strinning. Hillurnar hafa síðan þá orðið að nokkurskonar hönnunartákni en ástæðurnar fyrir því eru nokkrar, hillurnar þykja afar hentugar og auðvelt er að bæta við skápum og hillum að vild og sérsníða String hillurnar að þínum þörfum. Hillurnar koma í nokkrum útgáfum og er þekktasta útgáfan String með umgjörð úr málmi ásamt litlum String Pocket vegghillum.

Myndir: String

Blogg

MENU VOR/SUMAR 2017

Posted on 10/01/201710/01/2017 by blogg

Menu á rætur sínar að rekja aftur til ársins 1979 og er það í dag eitt fremsta danska hönnunarmerkið. Menu framleiðir bæði klassíska og nútímalega hönnun og njóta vörur þeirra mikilla vinsælda á skandinavískum heimilum og fer þar fremst í flokki POV kertastjakarnir frægu. Í ár eru væntanlegar margar nýjungar, vörurnar eru eins og áður í minimalískum stíl og eru náttúruleg efni í forgrunni. Við erum spennt fyrir komandi ári með Menu og hlökkum til að bæta við þessum fallegu vörum frá þeim við okkar vöruúrval. // Vörurnar eru væntanlegar með vorinu.

Blogg

VÆNTANLEGT: FERM LIVING F/W

Posted on 25/08/201625/08/2016 by blogg

Við erum spennt að sýna ykkur myndir úr haust og vetrarlínu Ferm Living sem er væntanleg í Epal síðar í haust.

Danska hönnunarmerkið Ferm Living var stofnað árið 2005 af grafíska hönnuðinum Trine Anderson. Ferm Living hannar og framleiðir líflegar og fallegar vörur fyrir heimilið með grafísku ívafi. Í vöruúrvali þeirra má meðal annars finna úrval af fallegum púðum, eldhúsáhöldum, veggfóðrum og hönnun fyrir barnaherbergi.

Nýja línan er einstaklega falleg og margar spennandi nýjungar þar að finna bæði húsgögn og smávörur fyrir heimilið. Smelltu HÉR til að skoða F/W bæklinginn í heild sinni.

Fylgstu með okkur á samfélagsmiðlum og fáðu að vita um leið og línan kemur. Instagram: epaldesign, Snapchat: epaldesign, og við erum einnig á facebook.

Blogg

NÝTT FRÁ FRITZ HANSEN: OBJECTS

Posted on 13/04/2016 by blogg

Hönnunarvikan í Mílanó eða Salone del Mobile hófst í gær þann 12.apríl og stendur hún til 17.apríl. Þar koma saman helstu hönnunarframleiðendur heims og kynna nýjungar sínar ásamt því að fjöldinn allur af þekktum hönnuðum sem og óþekktum nýta sér þennan viðburð til að koma hönnun sinni á framfæri. Helstu fréttirnar frá Mílanó að okkar mati er ný lína frá danska hönnunarframleiðandanum Fritz Hansen en í fyrsta sinn kynna þeir heila línu af fylgihlutum fyrir heimilið og ber línan heitið Objects. Línan samanstendur af fallegum smávörum, kertastjökum, spegil, bökkum, púðum, vösum, samanbrjótanlegu hliðarborði og kolli. Hönnuðir Objects eru þeir fremstu í heiminum en þar má helst nefna þekkta spænska hönnuðinn Jamie Hayon ásamt því að púðarnir eru skreyttir mynstri sem hannað var af engum öðrum en Arne Jacobsen. Mikil eftirvænting er eftir þessari glæsilegu línu og verður Epal að sjálfsögðu söluaðili hennar. Skráðu þig endilega á póstlistann okkar sem finna má neðst á forsíðunni til að missa ekki af neinu.

Blogg

KÄHLER Í EPAL

Posted on 29/04/2015 by blogg

Omaggio silfur vasinn frá Kähler Design er væntanlegur í Epal!

Með hverjum pöntuðum vasa fylgir afsláttarkóði sem gefur 15% afslátt í vefverslun Epal.
Pantaðu þér þitt eintak núna.

Blogg

HAUST & VETRARLÍNA FERM LIVING

Posted on 14/08/201414/08/2014 by blogg

Danska hönnunarfyrirtækið Ferm Living birti nýlega þessar myndir af væntanlegri haust og vetrarlínu sinni fyrir árið 2014. Línan sem kemur í verslanir með haustinu er glæsileg að sjá og er án efa eftir að slá í gegn. Skemmtilegt samspil lita og geómetrísk form einkenna línuna, en hún inniheldur m.a. húsgögn og ýmsar smávörur til að skreyta heimilið.

Hægt er að skoða línuna nánar á vefsíðu Ferm Living, -hér.

Blogg

NORMANN COPENHAGEN Í MÍLANÓ

Posted on 21/04/201421/04/2014 by blogg

Danska hönnunarfyrirtækið Normann Copenhagen tók þátt í nýliðinni hönnunarsýningu Salone del Mobile í Mílanó og vakti sýning þeirra mikla eftirtekt. Fulltrúar Epal voru á svæðinu og kynntu þeir sér allar nýjungar þekktustu hönnunarfyrirtækjanna. Vörurnar sem kynntar voru á sýningu Normann Copenhagen voru einstaklega smart en þar mátti meðal annars sjá fallega stóla, vegghillur, loftljós, lampa, sófa ásamt fleiri vörum sem frumsýndar voru í Mílanó.

Við erum spennt fyrir þessum væntanlegu nýjungum frá Normann Copenhagen sem munu að sjálfsögðu fást í Epal.

www.normann-copenhagen.com

Blogg

FERM LIVING SS14

Posted on 16/01/201416/01/2014 by blogg

Hér að neðan má sjá væntanlega vor og sumarlínu frá Ferm Living. Línan er mjög fjölbreytt og falleg eins og þeim er einum lagið. Við fáum línuna í verslun okkar með vorinu og munum við setja inn tilkynningu þegar vörurnar koma á facebooksíðu Epal sem finna má hér.