Plakat HEIMILI

LJÓSMYNDAPLAKAT
með myndum af íslenskum heimilum sem Gunnar Sverrisson ljósmyndari hefur tekið
á tuttugu ára tímabili, frá 2002 til 2022. Myndirnar sýna ótrúlega fjölbreytta
flóru heimila í gegnum árin sem Gunnar hefur tekið myndir af í eigin bækur og í
blöð, sbr. bækurnar Heimili, Heimsóknir, Heimilisbrag og Einbýlishús ásamt
tímaritinu Lifun. Mörg heimilanna sýna jafnframt verk íslenskra
innanhússarkitekta á borð við Rut Káradóttur, Berglindi Berndsen, Hönnu Stínu,
Helgu Sigurbjarnadóttur, Guðbjörgu Magnúsdóttur, Hjalta Geir Kristjánsson,
Valgerði Sveinsdóttur, Elsu Ævarsdóttur og HAF studíó. Með myndum sínum í
gegnum árin af íslenskum heimilum, hvort sem hann hefur verið að taka myndir
fyrir eigin útgáfu eða fyrir arkitekta og hönnuði, hefur Gunnar skráð samtímann
á einstakan hátt. Plakatið er hugsað til að standa eitt og sér, hengt upp á
vegg eða látið hvíla á hillu í kringum áhugaverða hluti. Það kemur vel út á
myndavegg sem hluti af ólíkum myndum og það brýtur upp fast form málverka eða
annarra listaverka. Ljósmyndaplakat með myndum eftir Gunnar Sverrisson
ljósmyndara / útgefandi Home & Delicious